urdu shyari

تم نے دیکھا ہے کبھی ایک نظر شام کے بعد
کتنے چپ چاپ سے لگتے ہیں شجر شام کے بعد
تُو ہے سورج تُجھے معلوم کہاں رات کا دُکھ
تُو کسی روز میرے گھر میں اُتر شام کے بعد

گھڑیاں تو بک گئی تھیں برے وقت میں تمام
اب عادتاً قمیض کے کف دیکھتے ہیں ہم
اپنی جگہ پتہ ہے سو مسجد میں جا کے ہم
جوتوں کے آس پاس کی صف دیکھتے ہیں ہم

تمھاری یاد کے جب زخم بھرنے لگتے ہیں
کسی بہانے تمھیں یاد کرنے لگتے ہیں

وہ جن درختوں کی چھاؤں میں سے مسافروں کو اٹھا دیا تھا
انہی درختوں پہ اگلے موسم جو پھل نہ اترے تو لوگ سمجھے
وہ گاؤں کا اک ضعیف دہقاں سڑک کے بن نے پہ کیوں خفا تھا
خود اُنکے بچّے جو شہر جاکر کبھی نہ لوٹے تو لوگ سمجھے

کیوں طعنہ زن ہیں آپ میری سست چال پر
میں جن پے چل رہا ہوں وہ پتھر بھی دیکھیے

تنہا میں جل رہا تھا تو خوش ہورہے تھے لوگ
اُن تک گئی جو آگ بجھانے۔ لگے مجھے

رہے اُداس تو ہم مدتوں اُداس رہے
ہنسی جو آئی تو پھر بات بات پر آئی

غزل کے واسطے لفظوں کا اک میزان رکھتے ہیں
سلگتے دل میں ہم تہذیب کا لوبان رکھتے ہیں
ہمارے نرم لہجے کا زمانہ اب بھی قائل ہے
ہم اہلِ لکھنؤ ہیں ہم الگ پہچان رکھتے ہیں

ہم کو منظور نہیں پھر سے بچھڑنے کا عذاب
اس لئے تُجھ سے ملاقات نہیں چاہتے ہیں

کب تلک در پے کھڑے رہنا ہے اُن سے پوچھو
کیا وہ محشر کا تماشا بھی یہیں چاہتے ہیں