Sathar Edakkara

🌿 ഒടുവിൽ നമ്മൾക്ക് എന്താണ് ബാക്കി?

ഒരു ഗ്രാമത്തിൽ വളരെ സമ്പന്നനായ ഒരാൾ ജീവിച്ചിരുന്നു.
വലിയ വീട്, ധാരാളം പണം, വിലപിടിപ്പുള്ള വാഹനങ്ങൾ…
അദ്ദേഹത്തിന് ഇല്ലാത്തതായി ഒന്നുമുണ്ടായിരുന്നില്ല.

പക്ഷേ, അദ്ദേഹത്തിന് ഒരു ശീലമുണ്ടായിരുന്നു.
ആരെയും സഹായിക്കില്ല…
ആരോടും അധികം സ്നേഹം
കാണിക്കില്ല…
“എന്റെ പണം, എന്റെ ജീവിതം” എന്നായിരുന്നു അദ്ദേഹത്തിന്റെ ചിന്ത.

ഒരു ദിവസം അദ്ദേഹം ഗുരുതരമായി രോഗബാധിതനായി.

ആശുപത്രിയിലെ കിടക്കയിൽ കിടക്കുമ്പോൾ, ജീവിതത്തിൽ
ആദ്യമായി അദ്ദേഹം തന്റെ ചുറ്റും
നോക്കി.

വലിയ വീട് ഇല്ല…
വിലകൂടിയ കാർ ഇല്ല…
ബാങ്കിലെ പണം ഇല്ല…

അടുത്ത് ഉണ്ടായിരുന്നത് കുറച്ച്
മനുഷ്യർ മാത്രം.

അദ്ദേഹം മക്കളോട് ചോദിച്ചു:

“ഞാൻ ഇത്രയും കാലം സമ്പാദിച്ചതെല്ലാം എവിടെയാണ്?”

മക്കൾ മിണ്ടിയില്ല…

അദ്ദേഹം വീണ്ടും ചോദിച്ചു:

“ഞാൻ പണിത വീട് എനിക്ക്
ഇപ്പോൾ എന്ത് ഉപകാരമാണ്?
ഞാൻ സമ്പാദിച്ച പണം എനിക്ക്
ഇപ്പോൾ എന്ത് ആശ്വാസമാണ്?”

അപ്പോൾ വാതിൽക്കൽ ഒരു
വയോധികൻ വന്നു.

അദ്ദേഹത്തെ കണ്ടപ്പോൾ സമ്പന്നന്റെ കണ്ണുകൾ നിറഞ്ഞു.

വർഷങ്ങൾക്ക് മുമ്പ് ഒരിക്കൽ വഴിയിൽ വീണുകിടന്ന ആ വയോധികനെ അദ്ദേഹം സഹായിച്ചിരുന്നു.
അത് പോലും അദ്ദേഹം മറന്നിരുന്നു.

വയോധികൻ അദ്ദേഹത്തിന്റെ കൈപിടിച്ച് പറഞ്ഞു:

“സാർ… അന്ന് നിങ്ങൾ എനിക്ക് നൽകിയ ചെറിയൊരു സഹായം ഞാൻ ഇന്നും മറന്നിട്ടില്ല. നിങ്ങൾ മറന്നാലും, ഞാൻ മറന്നിട്ടില്ല.”

ആ വാക്കുകൾ കേട്ടപ്പോൾ ആ മനുഷ്യന് മനസ്സിലായി…

നമ്മൾ ജീവിതത്തിൽ കൂട്ടിവയ്ക്കുന്നത് പണമല്ല;
മനുഷ്യരുടെ ഹൃദയങ്ങളിലാണ്.

അന്ന് അദ്ദേഹം തിരിച്ചറിഞ്ഞു:

ജീവിതം എന്നത് വലിയ വീട് ഉണ്ടാക്കുന്നതല്ല…
വലിയ മനസ്സ് ഉണ്ടാക്കുന്നതാണ്.

ഒരാളുടെ കണ്ണുനീർ തുടയ്ക്കാൻ കഴിയുന്നവനാകുക…
വിശന്നവന് ഒരു നേരത്തെ ഭക്ഷണം നൽകുക…
വേദനിക്കുന്നവനോട് രണ്ട് നല്ല വാക്കുകൾ പറയുക…
മാതാപിതാക്കളെ സ്നേഹത്തോടെ ചേർത്തുപിടിക്കുക…
കുടുംബത്തിന് സമയം നൽകുക…
തെറ്റ് ചെയ്തവരോട് ക്ഷമിക്കാൻ പഠിക്കുക…

ഇവയൊക്കെയാണ് യഥാർത്ഥ സമ്പത്ത്.

🌹 നമ്മൾ ഈ ലോകത്തേക്ക് വരുമ്പോൾ ഒന്നും കൊണ്ടുവരുന്നില്ല.
പോകുമ്പോഴും ഒന്നും കൊണ്ടുപോകുന്നില്ല.

പക്ഷേ, നമ്മുടെ ജീവിതം കൊണ്ട്
ഒരാളെങ്കിലും സന്തോഷിച്ചിട്ടുണ്ടെങ്കിൽ…
ഒരാളെങ്കിലും ആശ്വസിച്ചിട്ടുണ്ടെങ്കിൽ…
ഒരാളെങ്കിലും നമ്മളെ നല്ല മനുഷ്യനായി ഓർത്തിട്ടുണ്ടെങ്കിൽ…

അതാണ് നമ്മുടെ ജീവിതത്തിന്റെ ഏറ്റവും വലിയ വിജയം. ❤️

അതുകൊണ്ട് ജീവിക്കാം…
പണത്തിനൊപ്പം മനസ്സും സമ്പാദിച്ച്,
വിജയത്തിനൊപ്പം മനുഷ്യരെയും ചേർത്തുപിടിച്ച്,
നമുക്ക് കഴിയുന്നത്ര നന്മകൾ ചെയ്തുകൊണ്ട്.

കാരണം…

**“ജീവിതം അവസാനിക്കുമ്പോൾ എത്ര പണം ഉണ്ടായിരുന്നു എന്ന് ആരും ഓർക്കില്ല…

പക്ഷേ, നമ്മൾ എത്ര നല്ല മനുഷ്യനായിരുന്നു എന്ന് ചില ഹൃദയങ്ങൾ ഓർക്കും.”**

“ജീവിതം അവസാനിപ്പിക്കാനുള്ളതല്ല, പോരാടി ജയിക്കാനുള്ളതാണ്! ❤️🌱

നമ്മുടെ നാട്ടിൽ നിന്നുപോലും, ഭാവിയിലേക്ക് ഒരുപാട് സ്വപ്നങ്ങളുണ്ടാകേണ്ടിയിരുന്ന രണ്ട് ചെറുപ്പക്കാരുടെ ജീവനാണ് കഴിഞ്ഞ ദിവസങ്ങളിൽ പൊലിഞ്ഞുപോയത്. മനസ്സിനെ വല്ലാതെ വേട്ടയാടുന്ന, വേദനിപ്പിക്കുന്ന ഒരു വാർത്തയാണത്. വിവാഹം കഴിക്കുകയോ, ജീവിതത്തിന്റെ മനോഹരമായ അടുത്ത ഘട്ടങ്ങളിലേക്ക് കടക്കുകയോ ചെയ്യുന്നതിന് മുൻപ്,
ഏതോ ഒരു നിമിഷത്തിലെ നിരാശയിലോ സങ്കടത്തിലോ അവർ എടുത്ത ആ തീരുമാനം അവരുടെ കുടുംബത്തിനും സുഹൃത്തുക്കൾക്കും നൽകിയ ശൂന്യത ചെറുതല്ല........

‘ഇന്നത്തെ തലമുറ നേരിടുന്ന ഏറ്റവും വലിയ വെല്ലുവിളി സങ്കടങ്ങളും പരാജയങ്ങളും ഉൾക്കൊള്ളാൻ കഴിയാത്തതാണ്. ഒറ്റപ്പെടലുകളും, സാമ്പത്തിക പ്രതിസന്ധികളും, പ്രണയനഷ്ടങ്ങളും, മാനസിക സമ്മർദ്ദങ്ങളുമൊക്കെ ആർക്കും
വരാം.
പക്ഷേ,
അതിനൊക്കെയുള്ള ഒരേയൊരു പരിഹാരം അന്ത്യം കുറിക്കലല്ല!
എന്റെ പ്രിയപ്പെട്ട ചെറുപ്പക്കാരോട് പറയാനുള്ളത് പരാജയങ്ങൾ താത്കാലികമാണ് ഇന്ന് നിങ്ങൾ അനുഭവിക്കുന്ന പ്രതിസന്ധി നാളെ മാറും. ഇരുട്ടിനു ശേഷം ഒരു വെളിച്ചമുണ്ട്, അത് കാണാൻ നമ്മൾ ജീവിച്ചിരിക്കണം.

മനസ്സിൽ ഭാരം തോന്നുമ്പോൾ അതെല്ലാം ഉള്ളിൽ ഒതുക്കിവെക്കരുത്. നിങ്ങളുടെ പ്രിയപ്പെട്ടവരോടോ, സുഹൃത്തുക്കളോടോ സംസാരിക്കൂ. സഹായിക്കാൻ ഒരുപാട് കൈകൾ നമുക്ക് ചുറ്റുമുണ്ട്.

ആത്മഹത്യ ഒരു ധീരതയല്ല അത് നമ്മളെ സ്നേഹിക്കുന്നവർക്ക് നമ്മൾ നൽകുന്ന ഏറ്റവും വലിയ ശിക്ഷയാണ്. നിങ്ങളുടെ വിയോഗം കഴിഞ്ഞ് മറ്റുള്ളവർ ജീവിതത്തിലേക്ക് മടങ്ങുമ്പോൾ, നിങ്ങളെ പ്രസവിച്ച അച്ഛനമ്മമാർ മാത്രമായിരിക്കും ആജീവനാന്തം ആ കണ്ണീര് കുടിച്ചിറക്കുക.

‘ജീവിതം ഒരു മനോഹരമായ അവസരമാണ്. വീഴുമ്പോൾ എഴുന്നേൽക്കുക, തോൽക്കുമ്പോൾ വീണ്ടും പോരാടുക. എല്ലാ പ്രശ്നങ്ങൾക്കും അപ്പുറം സുന്ദരമായ ഒരു പ്രഭാതമുണ്ട്!
ഒറ്റപ്പെടൽ തോന്നുമ്പോൾ ദയവായി സഹായം തേടുകകുറച്ച് നിമിഷത്തെ തുറന്നുപറച്ചിൽ ഒരുപക്ഷേ നിങ്ങളുടെ ജീവിതം തന്നെ മാറ്റിമറിച്ചേക്കാം.

🙏ജീവിതത്തെ സ്നേഹിക്കൂ... നമ്മൾ ജയിച്ചു കാണിക്കും!🙏🤲🤲

إنا لله وإنا إليه راجعون.
എടകര
മുബാറക്ക് ബേക്കറി
ഉടമ ബാവ എന്നവർ
ഈ ലോകത്ത് നിന്ന് വിടപറഞ്ഞിരിക്കുന്നു,പരേതന്റെ മഹ്ഫിരത്തിന് വേണ്ടി എല്ലാവരും പ്രാർത്ഥിക്കുക 🤲🤲

അള്ളാഹു അവരുടെ കബർ വിശാലമാക്കികൊടുക്കട്ടെ
🤲🤲🤲🤲🤲🤲🤲🤲
സ്വർഗ്ഗത്തിന്റെ പൊങ്കാവനമാക്കികൊടുക്കട്ടെ
🤲🤲🤲🤲🤲🤲🤲
കബറിലെ അധാബിനെ തൊട്ട് കാക്കട്ടെ
🤲🤲🤲🤲🤲🤲🤲🤲
ആമീൻ

നമുക്കില്ലാത്ത
കഴിവുകൾ മറ്റുള്ളവരിൽ
കണ്ട് നമ്മൾ വിഷമിക്കുമ്പോൾ അവർക്കില്ലാത്ത മറ്റു പല കഴിവുകളും നമുക്കുണ്ട് എന്ന് നമ്മൾ തിരിച്ചറിയണം..
സൂക്ഷ്മമായി ചിന്തിച്ചാൽ ഒരാൾക്കും തന്റെ കഴിവിൽ അമിതമായി അഹങ്കരിക്കാനോ , മറ്റുള്ളവരുടെ കഴിവ് കണ്ട് നിരാശപ്പെടാനോ പറ്റില്ല....നമുക്കിടയിലെ ഈ അതുല്യതയിലും അതിനേക്കാൾ ഏറെ തുല്യത നൽകിയവൻ എത്രയോ മഹാൻ....

ഏവർക്കും
എന്റെയും
എന്റെ കുടുംബത്തിന്റെയും
ബലിപെരുന്നാൾ
ആശംസകൾ