Navas charuvil

ട്രെയിനിൽ യാത്ര ചെയ്യുമ്പോൾ ഓരോ സ്റ്റേഷൻ എത്തുമ്പോഴും ആ സ്റ്റേഷന്റെ പേരെഴുതിയ ബോർഡുകൾ കാണാറില്ലേ? ചിലതിൽ വള്ളത്തോൾ നഗർ, എറണാകുളം ജങ്ഷൻ എന്നൊക്കെ കാണാം. ഈ നഗറും ജംക്ഷനും ഒക്കെ ഒരു ഗുമ്മിനു എഴുതി വെച്ചേക്കുന്നതല്ല എന്നറിയാമോ? അതിനൊരു ശാസ്ത്രീയ വശം ഉണ്ട്. ആ സ്റ്റേഷന്റെ പ്രത്യേകതകൾ അതിൽ ഒളിച്ചിരിപ്പുണ്ട്. നോക്കിയാലോ?

ഓരോന്നോരോന്നായി എടുത്തു നോക്കാം.

"റോഡ്"

ഉദാഹരണം :- നിലമ്പൂർ റോഡ്, വൈക്കം റോഡ്.

പ്രധാന റെയിൽവേ ലൈനിൽ നിന്ന് അകലെ സ്ഥിതി ചെയ്യുന്ന ഒരു റെയിൽവേ സ്‌റ്റേഷനെ സൂചിപ്പിക്കുന്നു. അത് റോഡ് മാർഗം മാത്രം എത്തിച്ചേരാനാകൂ.

"നഗർ"
ഉദാഹരണം: വള്ളത്തോൾ നഗർ, ഡിവൈൻ നഗർ
ഈ പേരുകളുള്ള സ്റ്റേഷനുകളിൽ പാസഞ്ചർ ട്രെയിൻ മാത്രമേ നിർത്തുകയുള്ളു.

"ഹാൾട്ട്"
ഉദാഹരണം : അരൂർ ഹാൾട്ട്.
"നഗർ" ന്റെ മറ്റൊരു പേര് മാത്രം.

"ജംക്ഷൻ"

ഉദാഹരണം: ഷൊർണൂർ ജംക്ഷൻ, എറണാകുളം ജംക്ഷൻ.

മൂന്നോ അതിലധികമോ റെയിൽവേ ലൈനുകൾ സംഗമിക്കുന്ന സ്റ്റേഷനുകളാണ് ഇത്. സ്റ്റേഷനിലേക്ക് വരുന്ന ട്രെയിനുകൾക്ക് കുറഞ്ഞത് രണ്ട് ഔട്ട്ഗോയിംഗ് ട്രെയിൻ ലൈനുകളെങ്കിലും ഉണ്ടായിരിക്കണം.

"കന്റോണ്മെന്റ്"/"Cantt"

ഉദാഹരണം : ബാംഗ്ലൂർ കന്റോണ്മെന്റ്.

ഒരു സൈനിക ഓഫീസ്, ക്യാമ്പ് എന്നിവകൾക്ക് സമീപം സ്ഥാപിച്ച റെയിൽവേ സ്റ്റേഷനുകളാണ് ഇവ. കേരളത്തിൽ ഇത്തരം സ്റ്റേഷനുകൾ ഇല്ല.

"സെൻട്രൽ"

ഉദാഹരണം : ചെന്നൈ സെൻട്രൽ

ഒന്നിലധികം റെയിൽവേ സ്‌റ്റേഷനുകളുള്ള ഒരു നഗരത്തിലെ പ്രധാന റെയിൽവേ സ്‌റ്റേഷനെ ഒരു സെൻട്രൽ സ്‌റ്റേഷനായി നിയോഗിക്കുന്നു. ഈ സെൻട്രൽ സ്റ്റേഷൻ റെയിൽ ഗതാഗതത്തിൻ്റെ പ്രധാന ഗതാഗത കേന്ദ്രമായി പ്രവർത്തിക്കുന്നു, ഈ സ്റ്റേഷനുകളിൽ നിന്ന് ആ നഗരത്തിലെ മറ്റെല്ലാ സ്റേഷനുകളിലേക്കും ട്രെയിൻ ഉണ്ടായിരിക്കും.

"ടെർമിനസ്"

ഉദാഹരണം : ഛത്രപതി ശിവാജി ടെർമിനസ്, മുംബൈ.

ഈ സ്റ്റേഷനുകളിൽ പാളം അവസാനിക്കുകയാണ്. ഇവിടെ വന്ന ട്രെയിനുകൾ അതുപോലെ തിരിച്ചുപോകും. ഈ സ്റ്റേഷനുകളിൽ നിന്ന് മുന്നോട്ട് ട്രാക്കുകൾ ഉണ്ടായിരിക്കുന്നതല്ല.

ഒരു യാത്ര തുടരുന്നു