Skip to content
Salons10
RAW Ent

RAW Ent

Vill Purandia, P. O. Purandia, Dist: Udalguri, State:, Ramtek Health/Beauty

मानसिखौ सोगाबनो गोरलै नाथाय मिनिहोनो हानाया गोब्राब

10/07/2025
30/10/2024

बेसेन नाङि सोलोंथाइ
हादाबसा बर’
टंला, अदालगुरि ।
बिलोनि दैया दाहार थाया
नाथाय मानब सरबर बिलोनिफ्राय
थेवबो माथो बोहैबोदों बुर्लुंबुथुर दैमाया
सोरथो फोथायगौमोन बेखौ फोरमान गैयामोनब्ला
बिलो मोनसेनिफ्राय दैमा बोहैबोयो होनना ।
सिखावनिफ्रायसो सन्यासि जादों बालमिकिया
सोर मिथिगौमोन बेखौबो रामायन गैयामोनब्ला ।
बेदर गोथां जाग्रा सुबुं हानजिफ्रायसो गुस्लायबोदों
जिबि अनसुला दोहोराम सिबियारि सुबुं माहारिया
फोरमान नायगिरोब्ला नुजायो बे खोथानि सैथोआ
सोदोमस्रिनि जारिमिनखौ जेब्ला नायो बोदलाना ।
आरो आंनि ओनसोलनि माखासेमानि हालुवा आबादारिया
आंनि बे गेरेबनाय देरा नखरनि दावला गेसेरनायावसो
हालेवनो ओंखारलाङोमोन खोमसि खोमला
फुंबिलि जारां साना नुजानायनि सिगाङावनो बेसेबा ।
ओनसोलि बयनिबो गथ’ गथाइ
आंनि दांनाय बिलिरनाय फोरोंनायाव
मेगन नुबाय गोरों गोरा जाबाय
गराय मैदेर गोसोबानो बायनो हानाय जाबाय
आंनि ओन्सोलनि आंनि सोलोंसा
दिनै गोबां जौगाबाय गमामायै गोजोनबाय ।
भेन्सार स्कुलनि फोरोंगिरि जानानै
बेसेन नाङि सोलोंथाइ होनायनि फिथाइ बेनो नै
साबसिन आंनि बे बान्था
बेनिख्रुइ नांबावगौ आंनो आरो मा ?
मोननांगौ माथो दंबावो आरोलाय
नेनाल’ थानि सोरगोनि जानख्लाया
माब्ला आंनि आथिं गुदियाव मोनफैगोन
जेब्ला ईस्वोरा आंखौ नायगिरगोन ।

16/10/2024

देरा सेरनि फांसे दंफां
हादाबसा बर’
टंला, अदालगुरि
अखा बांखा सारअन्थाइ बारहुंखा
आंनि खर’ -बिखुं साजों बारलाङो
बुजिग्राया बुजिगोन आंखौ सानसे मिथिगोन
बेजोंनो गोजोनना सिरियै दङ आरो थानांगोन
मानोना आं जादों जिउ थानानैबो
मुसुखा महरै गोसोबायदियै दोरोदहाफेरै
गंसे देरा सेरनि फांसे दंफां ।
संसारा ओरैबायदिसो दिनै
खानस्रिया आबादारिनि लोगो
आबादारिनि आखायावनो थैनाङो
एम्बुआ दैज्लांनि अखा लिंहरो
आरो बुहुमनि गियानिसिन जिब मानसिया
बेखौनो बुथारना जायो ।
दङ आरो बेबायदि हाजार बिजार बिदिन्थि
बिगोमाजों फेदेरजानाय अज’गरा
बिगोमाखौनो मन’नाय सल’फोरबायदि।
आंनि सायहा लायै लायै
गोलोम बोथोरनि सान्दुंआवबो मोब्लिब पांखा नांफेरै
नै जोहोलाव एबा जोहोलावजोआ दिनै
देरबाय लाउबाय आं गोजोनो थारै ।
नाथाय आंनि आथिं गुदियाव थानाय
गावसोरनि गेरेबनाय देराखौ सिफायना
गोदान गंसे थिं बांला लुगोनखालि
आंनिदि गोनांथि जाबावगोन नोंसोरनो
बेखौ आं मिथिया जाना थायाखै दाबोनो ।
आंखौ दानफायो दानफायथों बन सिनो सिनथों
आंनि हांगारखौ सावग्लिखांना सिबस्रांथों
आंहा जेबो अरजाया ।
आंनि गसंनाय बिथायाव
नोंनि गोदान थिं बांलायाल’ लुफुंजाथों ।
नाथाय आंनि अनसायनायाव
नोंदि दिनैसिम सफैबाय
बेखौ गोसोखांनो रोङाब्ला
बै सानखालि आंनि गोर्बोनि दावदाबा
आंखौ खामग्लिगोन ना नोंखौ साव होगोन
बेनि फिननायासो आंनियाव गैया ।

Alerts

Be the first to know and let us send you an email when RAW Ent posts news and promotions. Your email address will not be used for any other purpose, and you can unsubscribe at any time.

Subscribe

We will notify you when anything happens in Ramtek.