Skip to content
Salons10
ak

ak

Villupuram, Villupuram Health/Beauty

Contact information, map and directions, contact form, opening hours, services, ratings, photos, videos and announcements from ak, Health/Beauty, villupuram, Villupuram.

09/11/2026

தகவல் அறியும் உரிமைச் சட்டத்தின் கீழ் தகவல் வழங்காத அலுவலர் ! விளக்கம் கேட்டு நேரில் ஆஜராக தமிழ்நாடு தகவல் ஆணையம் உத்தரவு!

வழக்கு எண்: CP-3269/A/2024 உத்தரவு நாள்: 09.09.2026

தகவல் அறியும் உரிமைச் சட்டம், 2005-ன் கீழ் பொதுமக்கள் கேட்கும் தகவல்களை உரிய காலக்கெடுவிற்குள் வழங்க வேண்டியது அரசு அலுவலர்களின் சட்டப்பூர்வக் கடமையாகும். அவ்வாறு தகவல் வழங்கத் தவறினால் சம்பந்தப்பட்ட பொதுத் தகவல் அலுவலர் மீது சட்டப்படி நடவடிக்கை எடுக்க முடியும் என்பதை உணர்த்தும் வகையில் தமிழ்நாடு தகவல் ஆணையம் ஒரு முக்கியமான உத்தரவைப் பிறப்பித்துள்ளது.

சேலம் மாவட்டம், காடையாம்பட்டி வட்டாட்சியர் அலுவலகம் தொடர்பாக, மனுதாரர் திரு. த. ஹரிசிங்கர் அவர்கள் 13.05.2024 அன்று தகவல் அறியும் உரிமைச் சட்டம், 2005 பிரிவு 6(1)-ன் கீழ் மனு அளித்துள்ளார். அந்த மனுவில், காடையாம்பட்டி வட்டாட்சியர் அலுவலகத்தில் தொடர்புடைய வட்டாட்சியரின் பெயர், அவர் அரசுப் பணியில் சேர்ந்த ஆண்டு, அவருடைய கல்வித்தகுதி மற்றும் அவர் பணியாற்றிய பதவிகள் உள்ளிட்ட ஆறு இனங்களில் தகவல்களைக் கோரியுள்ளார். ஆனால், மனுதாரர் கோரிய தகவல்கள் உரிய காலத்திற்குள் வழங்கப்படாததால், சட்டத்தின் கீழ் மேல்முறையீட்டு நடவடிக்கைகளை மேற்கொண்டு இறுதியாக தமிழ்நாடு தகவல் ஆணையத்திற்கு இரண்டாம் மேல் முறையீடு செய்துள்ளார்.

இந்த வழக்கை 09.09.2026 அன்று விசாரணைக்கு எடுத்துக்கொண்ட தமிழ்நாடு தகவல் ஆணையம், மனுதாரருக்கு தகவல் வழங்குவதில் ஏற்பட்ட காலதாமதம் மற்றும் அதற்கான காரணங்கள் குறித்து கவனம் செலுத்தியுள்ளது. தகவல் வழங்கத் தவறிய அப்போதைய பொதுத் தகவல் அலுவலர் திரு. பெ. குமார் அவர்கள் மீது தகவல் அறியும் உரிமைச் சட்டம், 2005 பிரிவு 20(1) மற்றும் 20(2)-ன் கீழ் ஏன் நடவடிக்கை எடுக்கக்கூடாது என்பதற்கான காரண விளக்கத்தை அளிக்கவும், 07.10.2026 அன்று ஆணையத்தின் முன்பு நேரில் ஆஜராகவும் உத்தரவிட்டுள்ளது.

மேலும், சம்பந்தப்பட்ட அதிகாரிக்கு விளக்கம் கோரி அனுப்பப்பட்ட கடிதத்தின் நகல், அந்தக் கடிதத்தை அனுப்பியதற்கான அஞ்சல் ரசீது மற்றும் அஞ்சல் கண்காணிப்பு விவரங்கள் (Proof of Postal Tracking) ஆகியவற்றுடன் அறிக்கை சமர்ப்பிக்க தற்போதைய பொதுத் தகவல் அலுவலருக்கும் ஆணையம் உத்தரவிட்டுள்ளது.

அதேபோல், தகவல் அறியும் உரிமைச் சட்டம், 2005 பிரிவு 7(6)-ன்படி, சட்டத்தில் நிர்ணயிக்கப்பட்ட காலக்கெடுவிற்குள் தகவல் வழங்கப்படாவிட்டால், அதன்பிறகு வழங்கப்படும் தகவல்களை மனுதாரருக்கு இலவசமாக வழங்க வேண்டும் என்பதையும் ஆணையம் தனது உத்தரவில் சுட்டிக்காட்டியுள்ளது.

இந்த வழக்கின் மூலம் அரசு அலுவலர்கள் தெரிந்துகொள்ள வேண்டிய முக்கியமான செய்தி என்னவென்றால், தகவல் அறியும் உரிமைச் சட்டத்தின் கீழ் பொதுமக்கள் கேட்கும் தகவல்களை உரிய காலத்திற்குள் வழங்குவது பொதுத் தகவல் அலுவலர்களின் சட்டப்பூர்வப் பொறுப்பாகும். உரிய காரணமின்றி தகவல் வழங்கத் தவறினால், பிரிவு 20(1)-ன் கீழ் நாளொன்றுக்கு ரூ.250 வீதம் அதிகபட்சமாக ரூ.25,000 வரை அபராதம் விதிக்கவும், பிரிவு 20(2)-ன் கீழ் ஒழுங்கு நடவடிக்கைக்குப் பரிந்துரைக்கவும் சட்டத்தில் வழிவகை செய்யப்பட்டுள்ளது.

குறிப்பாக, இந்த வழக்கில் தமிழ்நாடு தகவல் ஆணையம் ஏற்கெனவே அபராதம் விதித்துவிட்டதாகக் கூற முடியாது. சம்பந்தப்பட்ட அதிகாரியிடம் விளக்கம் கோரி, சட்டப்பிரிவுகளின் கீழ் ஏன் நடவடிக்கை எடுக்கக்கூடாது என்பதற்கான காரணங்களுடன் நேரில் ஆஜராக உத்தரவிட்டுள்ளது என்பதே இந்த உத்தரவின் முக்கிய அம்சமாகும்.

தகவல் கேட்பது நமது உரிமை! தகவல் வழங்குவது அரசு அலுவலர்களின் சட்டப்பூர்வக் கடமை!

தகவல் அறியும் உரிமைச் சட்டத்தை ஒவ்வொரு குடிமகனும் தெரிந்துகொண்டு பயன்படுத்த வேண்டும். அரசு அலுவலகங்களில் வெளிப்படைத்தன்மையையும் அதிகாரிகளிடம் பொறுப்புணர்வையும் உருவாக்குவோம்.

தகவல் அறியும் உரிமைச் சட்டம் – சாமானிய மக்களின் சக்திவாய்ந்த ஆயுதம்!

Photos from A K  SWAMY's post 08/11/2026
Photos from ak's post 08/11/2026

வழிப்பாதை உரிமை கோர கிராம வரைப்பட குறியீடு ஒன்றே போதுமானது என்று உறுதிப்படுத்தப்பட்ட வழக்கு
---------------------------------
காஞ்சிபுரம் மாவட்டம் மதுராந்தகம் தாலுக்கா ஜமீன் எண்டத்தூர் வருவாய் கிராமம் கீரல்வாடி 647/3, 647/4, 647/5, 647/7, 647/8 and 655/2 ஆகிய புலத்தின் உடமையாளர் தனது நிலத்தை பிறர் வழிப்பாதையாக பயன்படுத்துவதை எதிர்த்து நீதிமன்றத்தில் மனு தாக்கல் செய்கிறார்,

மனுவை விசாரித்த நீதிமன்றம் ஜமீன் எண்டத்தூர் வருவாய் கிராமம் வரைபடத்தில் புல எண் 619, 620, 627, 628, 644, 647 ஆகியவற்றின் ஊடாக வண்டிப்பாதை அடையாள குறியீடு செய்யப்பட்டுள்ளதால் அதை பொதுமக்கள் பயன்படுத்துவதை தடை செய்யமுடியாது என்று தெரிவித்து வழக்கை தள்ளுபடி செய்துள்ளது சென்னை உயர் நீதிமன்றம்

"It is clear from the sketch that a dotted line passes from the State Highway along several survey numbers that is 647, 644, 628, 627, 619, 620 and 618. Thus, the respondents have established that the road has been in existence for several decades and the notification published under the Madras Survey and Boundaries Act has attained finality in the year 1968 itself, since there is no challenge to the same by any person aggrieved and no suit was instituted within the period of limitation as prescribed under Section 14 of the Act. Furthermore, the petitioner's husband purchased the property only in 1975 and the road was in existence as on the date of purchase and the averments in the counter affidavit filed by the fifth respondent states that the road has been maintained all these years, repaired, relaid etc., and the present attempt of the petitioner is a futile exercise and the Writ Petition is devoid of merits." Madras Hc

🚨 வழிப்பாதை உரிமையை நிரூபிக்க கிராம வரைபடக் குறியீடு முக்கிய ஆதாரமா?

⚖️ சென்னை உயர்நீதிமன்றம் வழங்கிய முக்கியமான நில அளவை மற்றும் வழிப்பாதை தொடர்பான தீர்ப்பு!

📌 வழக்கு எண்: W.P. No.5315 of 2014
📅 தீர்ப்பு நாள்: 23.01.2015
⚖️ நீதிபதி: மாண்புமிகு நீதிபதி T.S. சிவஞானம்

🏛️ இந்த வழக்கின் பின்னணி என்ன?

காஞ்சிபுரம் மாவட்டம், மதுராந்தகம் வட்டம், கீரல்வாடி கிராமம், ஜமீன் எண்டத்தூர் பகுதியில் உள்ள தனியார் விவசாய நிலத்தின் வழியாகப் பொதுமக்கள் பயன்படுத்தி வந்த பாதை தொடர்பாக இந்த வழக்கு தொடரப்பட்டது.

மனுதாரர் தனது கணவர் 1975 ஆம் ஆண்டு விற்பனைப் பத்திரம் மூலம் நிலத்தை வாங்கியதாகவும், அந்த நிலம் தனது குடும்பத்திற்குச் சொந்தமான தனியார் பட்டா நிலம் என்றும் தெரிவித்தார்.

ஆனால் அரசு தரப்பு, சம்பந்தப்பட்ட பாதை நீண்டகாலமாகப் பொதுமக்கள் பயன்படுத்தி வந்த பாதை என்றும், பழைய சர்வே ஆவணங்கள் மற்றும் அரசிதழ் அறிவிப்புகளில் அது தொடர்பான பதிவுகள் இருப்பதாகவும் வாதிட்டது.

🔍 நீதிமன்றம் ஆய்வு செய்த முக்கிய ஆவணங்கள்:

1️⃣ பழைய கிராம வரைபடம் (Village Map).

2️⃣ FMB வரைபடம் (Field Measurement Book).

3️⃣ பழைய சர்வே பதிவுகள்.

4️⃣ 01.05.1951 அன்று வெளியிடப்பட்ட அரசிதழ் அறிவிப்பு.

5️⃣ 01.09.1968 அன்று வெளியிடப்பட்ட சர்வே எல்லைகள் தொடர்பான இறுதி அறிவிப்பு.

6️⃣ பல ஆண்டுகளாகப் பொதுமக்கள் பயன்படுத்திய பாதை மற்றும் பராமரிப்பு தொடர்பான பதிவுகள்.

⚖️ 1923 ஆம் ஆண்டு Madras Survey and Boundaries Act – முக்கியப் பிரிவுகள்!

📖 பிரிவு 5 – சர்வே அறிவிப்பு தொடர்பான நடைமுறை.

📖 பிரிவு 6 – சம்பந்தப்பட்டவர்களுக்கு அறிவித்தல்.

📖 பிரிவு 7 – நில அளவை மேற்கொள்ளுதல்.

📖 பிரிவு 9 – மறுக்கப்படாத எல்லையை நிர்ணயித்தல்.

📖 பிரிவு 10 – சர்ச்சைக்குரிய எல்லையைத் தீர்மானித்தல்.

📖 பிரிவு 11 – மேல்முறையீடு.

📖 பிரிவு 12 – மேல்முறையீட்டுக்கான காலவரம்பு.

📖 பிரிவு 12-A – இரண்டாவது மேல்முறையீடு.

📖 பிரிவு 12-B – மறுஆய்வு அதிகாரம்.

📖 பிரிவு 13 – சர்வே எல்லைகள் தொடர்பான இறுதி அறிவிப்பு.

⏳ 3 ஆண்டு காலவரம்பு ஏன் முக்கியம்?

இந்த வழக்கில் 01.09.1968 அன்று சர்வே எல்லைகள் தொடர்பான இறுதி அறிவிப்பு வெளியிடப்பட்டிருந்தது.

அந்த அறிவிப்பை எதிர்த்து சட்டத்தில் குறிப்பிடப்பட்ட மூன்று ஆண்டுக் காலத்திற்குள் உரிய சிவில் நீதிமன்றத்தில் வழக்குத் தொடர வேண்டியிருந்தது.

ஆனால் மனுதாரரின் கணவர் 1975 ஆம் ஆண்டுதான் அந்த நிலத்தை வாங்கியிருந்தார். எனவே ஏற்கெனவே இறுதி செய்யப்பட்ட சர்வே எல்லையைப் பல ஆண்டுகளுக்குப் பின்னர் எதிர்க்க முடியாது என்ற அடிப்படையில் நீதிமன்றம் மனுவைத் தள்ளுபடி செய்தது.

🏛️ நீதிமன்றத்தின் இறுதி முடிவு:

W.P. No.5315 of 2014 மனு தள்ளுபடி செய்யப்பட்டது. செலவுத் தொகை விதிக்கப்படவில்லை.

💡 பொதுமக்கள் கட்டாயம் தெரிந்துகொள்ள வேண்டியவை!

✅ உங்கள் நிலத்தின் பழைய கிராம வரைபடத்தைப் பாருங்கள்.

✅ FMB வரைபடத்தில் பாதை எவ்வாறு குறிப்பிடப்பட்டுள்ளது என்பதைச் சரிபாருங்கள்.

✅ பழைய சர்வே அறிவிப்புகள் மற்றும் அரசிதழ் பதிவுகளைப் பெறுங்கள்.

✅ பழைய பட்டா, விற்பனைப் பத்திரம் மற்றும் வருவாய்த்துறை ஆவணங்களை ஒப்பிட்டுப் பாருங்கள்.

✅ உங்கள் நிலத்தின் வழியாகப் பொதுப்பாதை செல்கிறது என்ற சர்ச்சை இருந்தால், அதற்கான சட்டப்பூர்வ ஆவணங்களை ஆய்வு செய்யுங்கள்.

⚠️ முக்கிய சட்டக் குறிப்பு:

கிராம வரைபடத்தில் பாதைக் குறியீடு இருப்பது முக்கியமான ஆதாரமாக இருக்கலாம். ஆனால் அந்தக் குறியீடு மட்டுமே எல்லா வழக்குகளிலும் வழிப்பாதை உரிமையை நிரூபித்துவிடாது. FMB, சர்வே பதிவுகள், அரசிதழ் அறிவிப்பு, நீண்டகாலப் பயன்பாடு மற்றும் சம்பந்தப்பட்ட சட்ட ஆவணங்கள் அனைத்தையும் சேர்த்தே ஆய்வு செய்ய வேண்டும்.

📢 நிலம் வைத்திருக்கும் ஒவ்வொருவரும் இந்த விழிப்புணர்வுப் பதிவைப் படித்துப் பயன்பெறுங்கள்!

🔴 உங்கள் கிராம வரைபடத்தில் பழைய பாதை குறிக்கப்பட்டுள்ளதா?

🔴 FMB வரைபடத்திலும் அந்தப் பாதை உள்ளதா?

20/09/2026

ஒரு நிலம் நம்மிடம் விற்பனைக்கு வந்தால்.உடனடியாக நாம் என்ன செய்ய வேண்டும்..!

1.முதன் முதலில் computerised EC 1975 முதல் போட்டு பார்க்க வேண்டும் 1975 முதல் பின்னோக்கி 1908 அல்லது 1858 வரை manual EC கட்டாயம்போட்டு பார்க்க வேண்டும்.

Zero value நிலம் EC யில் நிலத்தின் மதிப்பு Zero மதிப்பு என்று இருந்தால் அது பூமிதான
@நிலம் & புறம்போக்கு அல்லது வில்லங்க நிலம் எனவே zero value நிலம் வாங்காதீர்.

2.Double Document நிலம்.

Power of attorney(POA) double document

அதாவது power யில் வரும் நிலத்தை வாங்காதீர் இது double டாக்குமெண்ட் க்கு இட்டு செல்லும். POA நிலதை வாங்கியே தீர வேண்டும் என்றால் Power கொடுத்தவர் உயிரோட சுய நினைவோட இருக்கிறாரா என்று கண்டுபிடியுங்கள் POA agreement நகல் வாங்கி அதில் குறிப்பிடப்படுள்ள அட்ரஸ் இல் power கொடுத்தவரை நேரில் சந்தித்து விசாரியுங்கள்.

அடுத்து அந்த power பத்திரம் செல்ல கூடியாதா என்று கேளுங்கள் அதாவது power பத்திரம் எழுதி கொடுத்தவர் அதை ரத்து செய்து விட்டாரா என்றும் கேளுங்கள் முகவரும் (agent )விற்கலாம், principal (power எழுதி கொடுத்தவர்) ளும் விற்கலாம் விற்றால் அது double டாக்குமெண்ட்.

3.உயில் பத்திர நில double document.

உயில் மூலம் உரிமை மாறி இருக்கா

உயில் பத்திரம் மூலம் நிலம் விற்பனைக்கு வரும் நிலமெனில்.
எது இறுதி/கடைசி உயில் என்று கவனமாக பார்க்க வேண்டும் பதிவு செய்யபட்ட உயில் மூலம் விற்பனை நடந்தால் அது ஒரு நில விற்பனை பத்திரம்.

பதிவு செய்யப்பட்ட உயிலுக்கு பிறகு ஏதாவது பதிவு செய்யாத உயில் இருக்கான்னு நிலம் விற்பவரின் உறவினர்களை கேட்க வேண்டும் இந்த பதிவு செய்யப்படாத உயில் மூலம் விற்பனை செய்யப்பட்டு இருந்தால் அது double டாக்குமெண்ட்.

4.Settlement பத்திர நிலம் double document .

Settlement பத்திரம் மூலம் நிலம் விற்பனைக்கு வந்தால் செட்டில்மெண்ட் ரத்து செய்ய பட்டு இருக்கிறதா என்று கவனமாக பார்க்கவும் 1990 முதல் 2015 வரை ரெஜிஸ்டர் ஆபீசில் செட்டில்மெண்ட் ரத்து செய்து நிலத்தில் மேலும் சொத்தை சிக்கல் ஆக்கிவிட்டர்கள்.

செட்டில்மெண்ட் பத்திரத்தை civil கோர்ட் மூலியமாக தான் ரத்து பண்ண முடியும் பத்திர ஆபீசில் செய்யும் ரத்து பத்திரம் சொல்லாது.

EC யில் SRO=Sub register Office)மூலம் ரத்து ஆகி இருந்தால் அந்த நிலத்தை வாங்காதீர்.

உயில் பத்திரம் தாய் பத்திரம் ஆக இருந்தால் அந்த தாய் பத்திர உயில் மூலம் கிரயம் நடைபெற்று இருந்தால் அந்த கிரய பத்திரத்துக்கு லிங்க் கவனமாக இறங்கியதா என்று பார்க்க வேண்டும்.

5. Update ஆகாத பட்டா மூலம் கிரயம்- double document.

1987-UDR, 1995-நத்தம் நிலவரி திட்டம் முன்பு நிலம் பத்திரத்தின் மூலம் வாங்கியவர் அதை revenue record எனப்படும் பட்டாவில் தான் தான் தற்போதைய உரிமையாளர் அதாவது current owner என்பதை update செய்யாமல் இருந்தால் 1987முந்தைய owner & அவரின் வாரிசுகள் பழைய பட்டா மூலம் கிரயம் செய்தால்.

அடுத்து நிலம் வாங்கி பட்டாவில் update செய்யாமல் விட்டுவிட்ட அசல் (எ ) original owner றோ இல்லை அவரின் வாரிசுகள் விற்று கிரய பத்திரம் ஆகி இருந்தால் அதுவும் double document.

6.Layout frame, வடிவம், உருவாமாற்றம் மாற்றிய நிலமா?

அடுத்து அந்த நிலம் நத்தம் நிலமா, layout பிளாட் ஆஹ் என்று பாருங்கள்.

DTCP approved or CMDA approved என்றால் DTCP & CMDA website யில் approval நம்பர் போட்டு approval ஒரிஜினல் தானா என்று உறுதி படுத்தி கொள்ளலாம். Website லே கண்டுபிடிக்க முடியவில்லை என்றால் நேரில் LPA(local planning authority என்னும் DTCP அல்லது CMDA அலுவலகத்திற்கு சென்று நிலத்தின் approval சரிதானா என்று கேளுங்கள்.

அது பழைய approved layout ஐ திருட்டுதனமாக redraw செய்து விற்பனைக்கு வந்திருக்கும் layout ஆஹ் என்றும் விசாரியுங்கள்.

Layout ப்ளூ பிரிண்ட் இருந்தால் கொண்டு சென்று park, ஸ்கூல் க்கு இடம் விட்டுட்டு layout போட்டு இருக்கிறார்களா என்றும் கேளுங்கள் நிறைய land ப்ரோமோட்டார்ஸ் park, ஸ்கூல் இடத்தை காட்டி approval வாங்கி விட்டு layout வரை படத்தை மறுபடியும் திருட்டுதனமாக வரைந்து(எ ) redraw செய்து park, ஸ்கூல் இடத்திலும் மனை போட்டு விடுவார்கள்.

எனவே ஜாக்கிரதை.

பஞ்சாயத்து approved இடங்கள் வாங்காமல் இருப்பது நல்லது ஏனென்றால் வாங்கிய பின்பு நீங்கள் தான் நிலத்தை frame work scheme இன் கீழ் வரையறை செய்ய அலைய வேண்டி இருக்கும்.

நத்தம் நிலம் என்றால் VAO வை பார்க்க வேண்டும் உங்கள் சர்வே நம்பர் இன் UDR காலத்து 1987 ஆம் ஆண்டின் சிட்டா அடங்கலை, FMB நேரில் சென்று கேளுங்கள்.

இனாம் கிராமம் ஆக இருந்து இனாம் ஒழிப்பின் மூலம் நத்தம் நிலவரி திட்டத்தின் கீழ் பட்டா வழங்கபட்ட நிலமா என்றும் பார்க்க வேண்டும். அந்த பட்டா UDR காலத்து சிட்டா அடங்கல் ரெஜிஸ்டர் இல் ஏறி இருக்கா னும் பார்க்கணும்.

VAO நேரில் கேட்டும் கொடுக்கவில்லை என்றால் RTI மனுவில் கேளுங்கள் RTI யில் கட்டாயம் கொடுக்க வேண்டும்.

4. EB, சொத்து வரி விற்பவர் பெயரில் இருக்கா என்று பாருங்கள்.இல்லை என்றால் மாற்றி, பின்னர் விற்க சொல்லுங்கள் .

5.பட்டா விற்பவர் பெயரில் இருக்கானு பார்க்கணும்.

கூட்டு பட்டா நிலம் எனில், நிலம் பங்குதாரர்கள்குள் யாருக்கு எவ்வளவு இடம் & எந்த இடம் என்று பிரித்திருக்க வேண்டும் இல்லை என்றால் வாங்கும் உங்களுக்கு சிக்கல். விற்பவருக்கு உரிமை இல்லாத நிலத்தை விற்க வாய்ப்பு இருக்கு

பட்டா வாங்குறது பெரிய process, நிறைய அலைச்சல் & கஷ்டம்.
அதனாலே விற்பவர் பெயரில் பட்டாவை மாற்ற சொல்லுங்கள் அதன் பின்பு நிலத்தை வாங்குங்கள்.

6. நிலத்தின் வகைப்பாடு கண்டிப்பாக பார்க்க வேண்டும்.

நஞ்சை, புஞ்சை, நத்தம், நத்தம் புறம்போக்கு, மேய்ச்சல், வாய்க்கால், ஓடை புறம்போக்க்கா, நெல் போராடிக்கும் இடமா, park, விளையாட்டு திடல்,கோயில் க்கு ஒதுக்கப்பட்ட நிலமா,பொதுவில் மாடு கட்ட விடப்பட்ட இடமா, நிலவியல் பாதை(அரசு நிலம் ), நிலவியல் ஓடை etc.என்று பார்க்கிவேண்டும்.

7. பட்டாவின் பயனாளி யார்?.

முன்னோரு காலத்தில் அது ஜமீன் நிலமா அல்லது இனாம் நிலமா அல்லது ரயட்டுவாரி நிலமா ஆஹ் என்று பார்க்க வேண்டும்

மேஜர் இனாம்

ராயட்டு வாரி 1802 காலத்தின் permanent settlement record காலத்தின் ஜாகிர் இனாம் , ஜமீன் நிலமாக இருந்து ராயட்டுவாரி யாக மாற்றம் பெற்றதா என்றும் பார்க்க வேண்டும்.

வெள்ளைக்காரன் காலத்துல இனாம் ஒழிப்பில் இருந்து ஜமீன் நிலமாக மாறியதா என்றும் ஆராய வேண்டும்.

இதற்கு VAO, தாலுகா & கலெக்டர் அலுவலகத்தில் record section இல் இருக்கும் B-record, OSR, RSR, SLR இன் நகல் தேவை உங்கள் நிலத்தின் சர்வே நம்பர் குறிப்பிட்டு ஒரு மனு கொடுத்து, 50 ரூபாய் கட்டி வாங்கி கொள்ளலாம்.
------------

Minor இனாம் சுதந்திரத்திற்கு முன் பிரிட்டிஷ்காரர்கள் கொடுத்த DC land (எ) (Depressed Class) நிலமா? என்று பார்க்க வேண்டும்

தொழில் முறை இனாம் நிலம்
----
தச்சர், கருமான், நாவிதர், காவக்காரன்,கர்ணம்,தலையாரி,
வெட்டியான், சக்கிலியர்,புதிரை வண்ணார் இனாம் நிலமா? என்றும் பார்க்க வேண்டும்.

வெள்ளைக்காரன் காலத்தில் மணியமாக அங்கீகாரிக்க பட்ட ஊழிய மானியங்களான பூசாரி, தேவதாசி,பூ கட்டும் மானியம் நிலமா? என்று பார்க்க வேண்டும்.

சோஸ்திராம் மானியம் ஒழிக்கப்பட்ட நிலமா?என்றும் பார்க்க வேண்டும்.

ஹாஜி இனாம் ஒழிக்கப்பட்ட நிலமா? என்றும் பார்க்க வேண்டும்.
------------

DC அல்லாத பிற இனதவர்க்கு கொடுக்கப்பட்ட குறவர், கள்ளர்(குற்றபரம்பரை)
settlement etc யா என்று பார்க்க வேண்டும்.மேற்சொன்ன வகை பாடு அனைத்தும் வெள்ளைக்காரன் காலத்தாவை.
---------

சுதந்திரத்திற்கு பின் கொடுக்கபட்ட Assigment land.

Assignment land (எ ) ஒப்படை பட்டா நிலங்கள் எனில் அதற்கு உண்டான (HSD பட்டா , D-பட்டா, நமுனா பட்டா, TKT பட்டா,F-பட்டா, B-memo பட்டா, அனுபந்த பட்டா, Assignment land என்னும் ஒப்படை நிலம் ) யா என்று பார்க்க வேண்டும்.

SC & ST பிரிவினற்கு கொடுத்த AD assignment Land (Adi Dravidar )பட்டா உள்ள நிலமா என்றும் பார்க்க வேண்டும்.

F-பட்டா.
இது நிலசீர்திருத்த துறையால் வழங்க பட்டது.நிலசீர்திருத்த துறை வேறு revenue டிபார்ட்மென்ட் வேறு.

ஜமீன் ஒழிப்பில் இருந்த நிலங்களை பயனாளிக்கு கொடுத்தது என்பதை உறுதி படுத்தும் ஆவணமே F-பட்டா.

1970-B-Memo land =பீமா பட்டா.

B memo பட்டா நிலம் விற்பனை க்கு வந்தால் வாங்காதீர் ஏன் என்றால் B-memo என்பது நில உரிமை பட்டா அல்ல. அது நீ ஒரு அரசின் புறம்போக்கு நிலத்தின் ஆக்கிரமிப்பு செய்தவன் என்ற govt நோட்டீஸ் மட்டுமே B-memo நிலத்தில் குடி இருப்பவர்களை எந்நேரமும் அரசு காலி செய்ய சொல்லும்.

Assignment பட்டாவில் உள்ள கண்டிஷன் பார்க்க வேண்டும். கண்டிஷன் பார்க்காமல் வாங்காதீர்.

ஒப்படை நிலங்களை அரசாங்கமே திருப்பி எடுத்து கொண்டு விட்டாதா என்றும் பார்க்க வேண்டும்.
--------

1956-பூமி தான நிலம்

Manual EC
கட்டாயம் 1950-1965 வரை manual EC போட்டு பார்க்க வேண்டும்.

manual EC யில் மட்டும் தான் பூமி தான போர்டுக்கு நிலங்களை பெரும் நில சுவாந்தார்கள் தான பத்திரம் (கிரயபத்திரம்) கொடுத்த அந்த entry காட்டபட்டு இருக்கும்.

பூமி தான போர்டு பெயரில் பட்டா, சிட்டா ஆகியவை மாறிவிட்டு இருந்தால் VAO அலுவலகத்தின் A-Record இல் காட்டும்.

ஏர் உழவன் பட்டா=பூமி தான நிலத்திற்கு ஆன குத்தகை பட்டா.

Manual EC யில் கிடைக்காத பூமி தான நிலங்களை பற்றிய தகவல்கள் revenue record யில் தான் கண்டுபிடிக்க முடியும்.

பூமி தான நிலம் என்றால் மெட்ராஸ் சைதாப்பேட்டை யில் உள்ள பனகல் மாளிகையில் உள்ள பூமி தான board க்கு சென்று வாங்க விரும்பும் நிலத்தின் சர்வே நம்பர் பூமி தான வரையறைக்குள் வருகிறதா என்று பார்க்க வேண்டும். Master ரெஜிஸ்டர் பார்க்க வேண்டும்.

பூமி தான நிலம் வாங்காதீர்.

பூமி தான நிலத்தை பயனாளி விற்கு அதிகாரம் இல்லை. பயனாளிக்கு குத்தகை உரிமை மட்டுமே உண்டு.
எனவே அது பூமி தான நிலம் என்று தெரியவந்தால் வாங்காதீர்.
-----------

Zero value நிலம்

-EC யில் நிலத்தின் மதிப்பு Zero மதிப்பு என்று இருந்தால் அது பூதிதானம் & புறம்போக்கு அல்லது வில்லங்க நிலம்.
-----------

கோயில் நிலம் -HR&CE நிலமா

வாங்க விரும்பும் நிலம் கோயில் நிலம் ஆஹ் என்று பார்க்க வேண்டும்.

கோயில் நிலம் என்றால் பயந்து விட கூடாது அது இறையிலி(100% கோயிலுக்கு சொந்தம்), தேவதானம், தர்மதாயம் ஆக இருக்க கூடாது அவ்வளவே.

கோயில் நிலத்தில் கட்டளை என்று ஒரு பிரிவு உண்டு இதையும் வாங்க கூடாது. கட்டளை எப்படி உடைக்க வேண்டும் என்று தெரிந்தவர்கள் மட்டுமே வாங்கலாம்.

கோயில் மணியமாக இருந்து ரயத்துவாரி நிலமாக 1963 இல் மாறி இருந்தால் அது கண்டிஷன் பட்டாவா என்று பார்க்கனும்.

இந்த நிலம் வாங்கும் போது கவனம் தேவை. ஏன்னா HR&CE நிறைய நிலங்களை திருப்பி எடுத்து கொண்டு உள்ளது.
-----------

ஜமீன் & மானியம் முற்றாக ஒழித்தது 1950 to 1960 களில்.

land reforms act.
இதற்கு நில சீர்திருத்தம் என்று பெயர் ஜமீன் இடம் இருந்து அரசு எடுத்த உபரி நிலம் கிராம கணக்கில் B register லே இருந்து A-register க்கு மாறும் போது உபரி நிலம் , அனாதீனம், உரிமையாளர்கள் பெயர்கள் மாறி உள்ளது போன்ற சிக்கல் உள்ளதா என்றும் பார்க்க வேண்டும்.
-----

1963 minor இனாம் ஒழிப்பு சட்டம்

இனாம் ஒழிப்பு to ரயட்டுவாரி பட்டா. உழுபவனுக்கே நிலம் சொந்தம் scheme.

RSLR இல் "கிராமத்தார்" என்று பட்டா தாக்கல் செய்யப்பட்டு 1963 minor இனாம் ஒழிப்பு சட்டம்
மூலம் ரயட்டுவரி பட்டாவாக மாறி பின்பு 1987 UDR இல் மீண்டும் RSLR இல் உள்ளது போன்று "கிராமத்தார்" என்று மாறி இருந்தால் அந்த நிலத்தை வாங்காதீர்.

அது தனி நபர் பட்டா என்று மாறி இருக்கா என்றும் பார்க்க வேண்டும்.
-------

1963 கோவில் நிலம் (இனாம் ஒழிப்பு சட்டம், ஒழிப்பு மற்றும் ரயட்டுவாரியாக மாற்றுதல்) சட்டம்

தேவதாசி மானியம் to நிபந்தனை பட்டாவாக உள்ள நிலத்தை பயன்படுத்தி கொள்ளலாமே தவிர சொந்தம் கொண்டாட முடியாது.

ஊழிய மானிய நிலங்கள் கண்டிஷன் பட்டா வா இல்லை normal ராயட்டுவாரி பட்டா நிலமா? ன்னு பார்க்கணும்.

இந்த நிலம் வாங்கும் போது மிகுந்த கவனம் தேவை. தமிழ் நாட்டின் நில நிர்வாக பற்றிய அறிவு உள்ள ஒரு சிவில் லாயர் தான் உங்களை காப்பாற்ற முடியும் m
--------
1961(center)to 1972(TN)Land ceiling act நிலம்

நில உச்சவரம்பு வரையறைகுள் மாட்டிக்கொண்ட நிலமா என்று பார்க்க வேண்டும்.

UDR லே celing இடம் என்று இருக்கானு பார்க்கணும்.

Section 37B இல் வந்த நிலாமா என்று பார்க்க வேண்டும்.
--------

1976 களின் Urban land seiling act

ULC ஆக்ட் இல் மாட்டி கொண்ட ULC நிலமா என்று பார்க்க வேண்டும். ULT என்று note இருந்தால் மெட்ராஸ் பரங்கிமலை ரயில் நிலையம் அருகில் உள்ள உச்சவரம்பு ஆபீசில் சர்வே நம்பர் கொடுத்து விசாரிக்கணும். Innocent buyer என்று சொல்லி land கமிசினர் க்கு மனு செய்யனும்.

ULC நிலம் தவறுதலாக நீங்கள் வாங்கினாலும் நிலத்திற்கு revenue department(டாசில்தார், VAO )பட்டா மாற்றம் செய்து கொடுக்க மாட்டார்கள். எனவே ஜாக்கிரதை.

8. கோர்ட் attached property வாங்காதீர்.

9. டிவோர்சஸ் கேஸ் உள்ளவரிடம் நிலம் வாங்காதீர். அந்த நிலத்தை அவர் மனைவி maintenance (ஜீவனாம்சம்) வேண்டி மனு செய்து இருந்தால் நீங்கள் போட்ட பணம் காலி.

எனவே விற்பவர் இடம் இந்த விவரத்தை கேளுங்கள். ஒரிஜினல் பத்திரதை காட்டச்சொல்லி பத்திரத்தின் பின் புறம் கோர்ட் சீல் இருக்கா என்று பாருங்கள்.
---------------

10.அடுத்த step, அந்த நிலத்தின் சர்வே என்னை கொண்டுபோய் நிலம் அமைந்துள்ள கிராம VAO கிட்ட அந்த நிலத்தோட FMB, பட்டா, சிட்டா, A ரெகார்ட் வாங்குங்கள்.

11.அடுத்து VAO கிட்ட govt அந்த இடத்தில் ரோடு போட , டேங்க் அமைக்க .i e., பிற்காலத்தில் govt project க்கு எடுத்து கொள்ளுமான்னு கேளுங்கள் பாலுமாகேந்திரவின் வீடு படத்தை நினைவில் வைத்து கொள்ளுங்கள்.

அவர்(VAO) டாக்குமெண்ட் தர வில்லை என்றால்,

12. மேற்கூறிய டாக்குமெண்ட் அனைத்தின் அட்டெஸ்ட் copy வேண்டும் என்று VAO office மற்றும் டாசில்தார் ஆபீஸில் RPD போஸ்ட் அல்லது நேரடி மனுவோ அல்லது RTI யில் கேட்டு டாக்குமெண்ட் நகல் வாங்கி கொள்ளுங்கள்.(கண்டிப்பாக attest copy வேண்டும் )

13..அடுத்து நிலத்தின் 1858 காலத்து OSR, RSR A-Record எடுக்க முடிந்தால் இன்னும் நல்லது.

1908,1936 ஆண்டின் SLR, RSLR A- Record, FMB ஒரு 80 to 100 வருடத்திற்கு வேண்டும்.

1987 ஆம் ஆண்டின் FMB, A-record, சிட்டா அடங்கல் கட்டாயம் எடுக்கணும்.

இதன் நகல் மாவட்ட ஆட்சியர் அலுவலகத்தில் கேளுங்கள்.இது ஏன் கேட்க சொல்றோம் என்றால்

1.அது வெள்ளைக்காரன் காலத்தில் DC land @பஞ்சமி நிலம் ஆக இருந்தால் போட்ட பணம் எல்லாம் காலி. சுப்ரீம் கோர்ட் போனாலும் கேஸ் நிக்காது.

2. அடுத்து அது ஜமீன் ஒழிப்பு & கோயில் மானிய ஒழிப்பில் அரசால் எடுக்கப்பட்டு ஆனால் revenue record இல் அரசு நிலம் என்று பதிவேற்றம் செய்யப்படாமல் இருக்கும் நிலமா என்று பார்க்க வேண்டும்.

ஏன் என்றால் இவர்கள் revenue record இல் பதிவேற்றம் செய்யாத ஓட்டையை பயன்படுத்தி UDR சர்வே செய்ய வந்த தனியார் கம்பெனி அதிகாரிகளை கரெக்ட் செய்து UDR இல் திரும்பவும் ஜமீன் பெயரே ரயத்துவாரி யாக மாற்றி கொண்டார்கள்.

14.அடுத்து ரெஜிஸ்டர் ஆபிசில் அந்த நிலத்தின் மீது யாராவது பத்திரம் பண்ண கூடாதுனு தடை மனு கொடுத்து இருக்காங்களா கேட்டு confirm(உறுதி )பண்ணிக்கணும்.

15..அடுத்து அந்த பத்திரம் முழுமையானா ஆவணமா அதாவது பத்திரம் முழுமையான ஸ்டாம்ப் டூட்டி கட்டி இருக்கிறதா என்று confirm பண்ணுங்க.

16.அடுத்து நிலம் இருக்கும் இடத்தை குறைந்தது 10 தடவை பாருங்கள். அக்கம் பக்கம் இருப்பவர்களிடம் நிலத்தின் மீது ஏதாவது பிரச்சனை, வில்லங்கம், ஆக்கிரமிப்பு இருக்கிறதா என்று கேளுங்கள் இதை ஏற்கனவே யாராவது வாங்கி இருக்கிறார்களா தற்போதைய owner யார் என்றும் கேளுங்கள்

17.அடுத்துநிலம் விற்பவர் வீட்டுக்கு அருகில் இருப்பவர்களிடம் அவருக்கு எத்தனை உடன்பிறத்தோர்,மனைவி, குழந்தைகள், விற்பவருக்கு இந்த நிலம் எப்படி வந்தது . அந்த சொத்தில் விற்பவரின் உடன் பிறந்தோர் க்கு பங்கு இருக்கா?என்று கேளுங்கள்

18.அடுத்து நான் கூறிய டாக்குமெண்ட் எல்லாம் வாங்கி விட்டு உங்கள் நிலத்தின் ரெஜிஸ்ட்டர் ஆபிஸ் ஏரியாவின் நல்ல சிவில் lawyer பாருங்கள்.

நல்ல லாயர் எப்படி கண்டு பிடிப்பது?.

உங்களுக்கு lawyer refer செய்கிறவரிடம்,

லாயர் எங்கு படித்தார் எந்த ஆண்டில் இருந்து practise செய்கிறார் எத்தனை பத்திரம் பதிந்து இருக்கிறார், எத்தனை லீகல் ஒப்பீனியன் கொடுத்து இருக்கிறார் போன்ற கேள்விகள் கேளுங்கள் புரோக்கர் சொல்லும் லாயர் இடம் செல்லாதீர்.

மேற்கூறிய கேள்விகளுக்கு உங்களால் பதில் கண்டுபிடிக்க முடியும் என்றால் நல்ல லாயாரை கண்டுபிடித்தீர்கள் என்று வைத்துக்கொள்ளலாம்.

கண்டுபிடிப்பது உங்கள் சமர்த்தியம்.

Lawyer க்கு பணம் கொடுக்க அழுக கூடாது. அந்த பணம் தான் நிலத்தின் முதலீடு நீங்கள் விற்பவருக்கு கொடுக்கும் பணம் அல்ல.

19. எல்லாம் சரியாக அமைந்து விட்டால் அடுத்து ஒரு govt registered surveyor பாருங்க. அவர் நிலத்தை அளந்து, encroachment, deviation எல்லாம் சொல்லுவார் பின்பு படத்தை வரைந்து தருவார்.

20. தயவு செய்து டாக்குமெண்ட் writer வைத்து பத்திரம் எழுதலாமா என்று நிதானமாக யோசிக்கவும்..பத்திரம் எழுதிற license govt 1990களில் இருந்து தரவில்லை என்று கேள்வி . சந்தேகம் என்றால் லைசெஸ் நம்பர் கேளுங்கள்.

பாதி பேர் 10வது தாண்டதவர் . மீதி பேர் காலேஜ் ஹே போகாமல் 700KM தள்ளி இருக்கும் ஆந்திர, கருநாடகவில் பணம் கொடுத்து LLB டிகிரி வாங்கினவர் எல்லாம் பழைய டாக்குமென்டில் இருந்து copy paste செய்கிறார்கள் உங்களுக்கு என்று draft செய்வது குறைந்த நபர்களே.
========

காசு போனாலும் நல்ல சிவில் லாயர் வைத்து எழுதுங்கள்.சில ஆயிரம் advocate பீஸ் க்கு கஞ்ச படாதீர்கள். கொஞ்சம் மிஸ் ஆனாலும் பல லட்சம், கோடி நஷ்டம்.

திரும்பவும் சொல்றேன் நல்ல லாயர் கண்டு பிடிப்பது உங்கள் சமர்த்தியம்.
========

நாம் டாக்குமெண்ட் வேண்டி govt ஆபிஸ் க்கு நடப்பது நமது வருங்கால நன்மைக்கே நான் சொன்ன ஆவணங்கள் இல்லாமல் நிலம் வாங்காதீர்.

அடுத்து லாயர், surveyor consulting, நிலம் விற்கும் நபரின் அண்டை வீட்டார், நிலம் இருக்கும் இடத்தின் jஅண்டை வீட்டார் இடம் பேசாமல் இல்லாமல் புதிய சொத்து வாங்காதீர்.இதுதான் நீங்கள் கடைபிடிக்க வேண்டியவை.
Legal Advisor

Other Health/Beauty in Villupuram

Show All
  • Motivation guna yt

    Motivation guna yt

    Villupuram 605203

    💪உன்னால் முடியாதது இந்த 🌍உலகில் ஏதும் இல்லை வெற்றி வரும் வரை ஓடிக்கொண்டே இரு...🏃‍♂️

  • Sengathir Naturals

    Sengathir Naturals

    Chatra Street Rettanai, Villupuram 604306

    We are providing healthy foods

  • Fitness goals

    Fitness goals

    Villupuram

    To change people's life by showing a way to healthy lifestyle

  • TAMIL MASS SEANS

    TAMIL MASS SEANS

    East Pondy Road, Villupuram 605103

    here you should enjoy the sense in Tamil movie

  • Shana spa&bridal makeup

    Shana spa&bridal makeup

    12a, 17th Street , Bv Nagar, Villupuram

    Wedding bridal makeup at u r location

  • Apollo diagnostics villupuram

    Apollo diagnostics villupuram

    No 22 Ranganathan Street , Near Kalyan Theatre , Villupuram, Villupuram 605602

    Blood test

Alerts

Be the first to know and let us send you an email when ak posts news and promotions. Your email address will not be used for any other purpose, and you can unsubscribe at any time.

Subscribe

We will notify you when anything happens in Villupuram.