True Wellness by Sara Karazi

الانضباط ليس قسوة على النفس… بل هو أعمق أشكال الوعي بالذات واختيار الحياة التي نستحقها.

يمكن أوقات ولادنا ما بيكونوا عم يعلّمونا كيف نربيهم… بيكونوا عم يفتحوا جواّنا باب لمشاعر قديمة نحنا ما أخدنا حقنا نعبّر عنها.
لما سمحت لحالي عبّر وأحس بالأمان، هو ارتاح… وأنا ارتحت. ❤️
اذا بحاجة لأي دعم فأنا موجوده✨

١. بحط حدود جوّا بيتي.
ما بحب النداء من أوضة لأوضة. إذا بدك شي من حدا، روح لعنده واحكي معه. بالنسبة إلي، هيدا بيخلق هدوء واحترام للمساحة.

٢. بحافظ على مساحتي وقت الأكل.
لما آكل، ما حدا بياكل من صحني. مش لأن الموضوع كبير… بس لأنّي بحب يكون إلي لحظات صغيرة بحس فيها إنّي عم اهتم بحالي كمان.

٣. لما جسمي يقول “خلص”، بسمعله.
إذا حسيت حالي overstimulated أو متضايقة، ما بكمل ضغط على حالي. باخد ١٠ دقايق نرقص، نتحرك، أو نسمع موسيقى هادية. أحياناً الجسم بحاجة يفرّغ قبل ما نحاول نفهم شو عم نحس.

٤. الحركة جزء من توازني.
مش بس كرمال جسمي… كرمال نفسي كمان. لما بتحرك، بتتغيّر طاقتي، بهدى أكتر وبصير عندي مساحة أوسع لأتعامل مع يومي ومع ابني.

٥. بتذكّر إنّي مش مسؤولة عن كل شي.
في أشياء تخص ابني، هي مسؤوليته هو. من وهو صغير علّمته إنو مش كل شي رح أعمله عنه، لأنّي ما بدي ربّيه يعتمد عليّ بكل تفاصيل حياته… بدي ربّيه يعرف يعتمد على نفسه.

الأمومة بالنسبة إلي مش إنّي أعطي من حالي لحد ما أختفي…
هي إنّي أضل موجودة، حاضرة، ومتوازنة وأنا عم ربّي ابني. ❤️

كل شي عم نواجهه بحياتنا، وكل شي عم نشوفه قدامنا، هو نتيجة هالموجة اللي عم تدفق منا كل يوم بدون وعي.

هالموجة ممكن تكون قوية ساعات، وممكن تكون خفيفة ساعات… المهم إنو نحنا نفتح قلبنا لحتى نفهمها مظبوط.

كتير مرات منكون عم نهرب من مشاعرنا بالأكل، مش لأن جسمنا بحاجة له. لما نتعلم نستقبل الجوع بدل ما نخاف منه، منصير نسمع جسمنا ومشاعرنا بوعي أكبر.

مش كل شعور لازم نغطيه بالأكل… أوقات، كل اللي بده ياه هو إنه نحس فيه ونسمح له يمرّ. 🤍

أحيانًا نحنا كأمهات منفكر إنه المطلوب منا بس نهتم بالأطفال
نأكل
نرتب
نربي
ونتحمل

بس الحقيقة الأعمق…
إن أولادنا ما بيحتاجوا أم كاملة
قد ما بيحتاجوا أم مرتاحة من جوّا

لأن الطفل بيشعر بكل شي
بيشعر لما تكوني مضغوطة
مطفية
مهمومة
وبيشعر كمان لما تكوني خفيفة
مبسوطة
وروحك فيها حياة

لهيك الاهتمام بحالك مش أنانية
لما تروّقي جهازك العصبي
لما تضحكي
تلعبي
تبكي وتفرّغي اللي بقلبك
أنتِ فعليًا عم تعطِي أولادك شعور بالأمان

كل ما كنتِ أقرب لحالك
أحنّ على جسمك
وأصدق مع مشاعرك
كل ما انعكس هالشي على بيتك وأطفالك بطريقة ما بتنشرح بالكلام ❤️
My acupuncture mat is from 🤍
I use it daily directly on my skin and it became such a beautiful ritual for me to slow down, relax, and reconnect with my body.
It helps me regulate my nervous system and create little moments of calm in my day.
I truly love it so much 🌸

حطي التليفون على جنب
ارجعي لعقلك
لروحك
لهدفك

كوني واعية
كوني أنتِ القائدة بحياتكو ما تخلي كل شي حواليك يقودك ويستهلكك.

وصدقيني بلحظات الصدق مع نفسك
بلحظات الهدوء يلي ترجعي فيها لإحساسك
أنتِ قادرة تغيري أشياء كتير جواتك بكل حب ❤️

على فكرة القصة مش بس إذا صوتك عالي أو واطي
لأن حتى الصوت الواطي ممكن يكون جاي من خوف
خوف إنّه حدا يسمعني
خوف إنّي أنشاف

بالعمق الموضوع هو إنّك تلاقي الاتزان جواتك
لحتى صوتك يعكس هدوءك الداخلي
لحتى صوتك يطلع من مكان فيه أمان مش خوف

صوتك بيعكس إحساسك
بيعكس راحتك
بيعكس حضورك مع حالك ومع اللي حواليك

فهذا اللي بتمنى منك تلاحظيه
تراقبيه بوعي ولطف
وبتمنى يكون بصوتك أمان وحنية وحب
لإلك… ولأطفالك… ولكل حدا عم يسمعك❤️