Salon Ruwaththee

"එක දිගට ගුවනේ රැඳී සිටීමට ඇතැම් කුරුල්ලන්ට ඇත්තේ අපට සිතාගන්නටවත් බැරි පුදුමාකාර හැකියාවකි. උදාහරණයක් විදිහට ගෙදරදොරේ ඇති කරන කුකුළන්ට පියෑඹිය හැක්කේ ඉතා සුළු කාලයක් වුණත්, තරඟ වලට යොදාගන්නා පරෙවියන්ට පැය ගණනක් කිසිදු බාධාවකින් තොරව පියාසර කළ හැකියි. ඒ වගේම 'ස්ටෙප් ඊගල්' (Steppe eagles) නමැති රාජාලියන් දින ගණනක් තිස්සේ උණුසුම් වායු ධාරා (thermal currents) මගින් පියාසර කරන අතර, ඇල්බට්‍රොස් (albatrosses) කුරුල්ලන් සති ගණනක් පුරාවට මහ මුහුදට ඉහළින් පාවී යයි. කෙසේ වෙතත්, මේ කිසිවෙකුට සම කළ නොහැකි ලෝක වාර්තාවක් 'කොමන් ස්විෆ්ට්' (Common swift) කියන වැහිළිහිණියන් සතු වෙනවා. ඒ තමයි, ගොඩබිමක් ස්පර්ශ නොකර මාස 10ක් තරම් දිගු කාලයක් අහසේම සැරිසැරීමේ අද්විතීය හැකියාව."