Ngwe Kantkaw

ကိုယ့်အပြစ်ကိုဘဲ မြင်တတ်အောင်
ကြိုးစားနေပါတယ်ဘုရား🙏🙏🙏

ပါချုပ်ဆရာတော်ဘုရားကြီး ၏ နှစ်သစ်ဆုတောင်း

ငါသည် သူတစ်ပါး ပျက်စီးအောင်
လုပ်တတ်သူ မဖြစ်စေရ

(ထိုသူများနှင့်လည်း မတွေ့ဆုံလိုရပါ)

သူတစ်ပါး၏ ကြီးပွားမှုကိုသာ
လိုလားသူဖြစ်ရပါလို၏။

ငါသည် သူတစ်ပါး၏ အောင်မြင်မှုကို
မနာလိုမဖြစ်စေရ

(ထိုသူမများနှင့်လည်း မတွေ့ဆုံလိုရပါ)

ဝမ်းသာနိုင်သူသာ ဖြစ်စေရမည်။

ငါသည် လူအများကို
လှည့်စားဟန်ဆောင်တတ်သူ မဖြစ်စေရ

(ထိုသူများနှင့်လည်း မတွေ့ဆုံလိုရပါ)

ဟန်ဆောင်မှုကင်း
ရိုးသားပွင့်လင်းသူသာ ဖြစ်စေရမည်။

#ကျေးဇူးတော်ရှင်ပါမောက္ခချူပ်ဆရာတော်
#ဒေါက်တာနန္ဒမာလာဘိဝံသ

☘️ဂါရဝေါစ နိဝါတောစ
~•~•~•~•~•~•~•~•~
"ဂါရဝ"အပြန်အလှန် လေးစားတတ်တယ်။
"နိဝါတ" မာန်မာနမ ထားဘူး။
ကိုယ်ကရာထူးဘယ်လောက်မြင့်မြင့်၊
ပစ္စည်းဥစ္စာ ဘယ်လောက်ချမ်းသာချမ်းသာ
အများနဲ့ဆက်ဆံတဲ့အခါ မာန်မာနဆိုတာ
မရှိဘူး။
လေးစားရမယ့်ပုဂ္ဂိုလ် လေးစားတယ်၊
ရိုရိုသေသေ ဆက်ဆံတယ်၊၊
အဲဒီတရားရှိတဲ့ ပုဂ္ဂိုလ်တွေဟာ မင်္ဂလာလမ်းမပေါ် လျှောက်လှမ်းနေတဲ့ ပုဂ္ဂိုလ်
တွေပဲ။
အများရဲ့ချစ်ခင် လေးစားမှုကို ဒီဘဝတင်
ရကြတယ်။

ဒေါက်တာ အရှင်နန္ဒမာလာဘိဝံသ
(မင်္ဂလသုတ် အနှစ်ချုပ်)တရားတော်မှ
ကူးယူပူဇော်ပါသည်။

❤️ နှလုံးစိတ်ဝမ်းအေးချမ်းကြပါစေ။

အားရှစ်မျိုး
➖➖➖➖➖

လောကကြီးမှာ အားဆိုတာ အမျိုးမျိုးရှိတယ်။

၁။ကလေးတွေရဲ့အားက ဘာလဲဆိုတော့ ငိုကြွေးခြင်း တဲ့။ သူ ဘာမှ မတတ်နိုင်ဘူးလေ။ သူက ငိုဖို့ပဲ တတ်နိုင် တာ။ ဘာမှလည်း လုပ်နိုင်တာ မဟုတ်ဘူး။ ပြောနိုင်တာ မဟုတ်ဘူး။ စိတ်တိုင်း မကျဘူးဆိုလည်း ငိုလိုက်မှာပဲ။သူတို့ လိုချင်တာရှိလည်း ငိုလိုက်မှာပဲ။ ကလေးရဲ့အားက ငိုကြွေးခြင်းတဲ့။

၂။ မာတုဂါမတို့ရဲ့အားက စိတ်ဆိုးခြင်း, စိတ်ကောက်ခြင်းတဲ့။ မကျေနပ်တာကို မြန်မြန်ဆန်ဆန် ပြတတ်တယ်။စိတ်ကောက်စိတ်ဆိုပြီးတော့ သူတို့ လိုချင်တာကို ယူတတ်တယ်။

၃။ လူဆိုးသူခိုးတွေရဲ့ အားကတော့ လက်နက်တဲ့။
လက်နက်ဟာ လူဆိုးသူခိုးတွေရဲ့ အားပဲ။

၄။ တိုင်းပြည်အုပ်ချုပ် မင်းလုပ်ကြတဲ့ ပုဂ္ဂိုလ်တို့ရဲ့ အားကတော့ အစိုးရခြင်းတဲ့။

၅။ လူမိုက်တွေရဲ့ အားကတော့ ကဲ့ရဲ့ခြင်းတဲ့။ သူများကို ရှာရှာဖွေဖွေ ကဲ့ရဲ့နေတာ, သူများ အပြစ်တွေကို မြင်နေတာ။သူများကို ကဲ့ရဲ့နေရင် ကိုယ့်ကိုယ်ကို တော်တော် မိုက်နေ ပြီလို့ စဉ်းစားနော်။ ကဲ့ရဲ့ရင် ကိုယ် လူမိုက်ဖြစ်နေတာပဲ။

၆။ ပညာရှိတို့ရဲ့အားက ဘာလဲဆိုတော့ အကျိုး ရှိ ,မရှိကိုစဉ်းစား သုံးသပ်ခြင်း။ဒါလုပ်ရင် ဘာဖြစ်မလဲ။ ဒါပြောရင်ဘာဖြစ်မှာလဲ။ စဉ်းစား သုံးသပ်တာ။ အကြောင်းအကျိုး သိပြီး စဉ်းစားနိုင်တာ။ ဒါ ပညာရှိတို့အား။

၇။ ဗဟုသုတရှိသူတို့ရဲ့အားက အဖန်ဖန် ဆင်ခြင်ခြင်း။သူက မှတ်အားကောင်းတာကိုး။

၈။ သူတော်ကောင်းတို့ရဲ့အားက သည်းခံခြင်းတဲ့။
သည်းခံခြင်းရှိမှ သူတော်ကောင်းဆိုတဲ့ အကောင်းဆုံး ဂုဏ်ကို ရနိုင်တာ။

အရှင်ဥတ္တမ(သစ္စာရွှေစည်)

ပါရမီဆယ်ပါး မြတ်တရားဒေသနာ"ခန္တီပါရမီ"စာအုပ်မှ
ကူးယူ ပူဇော်သည်။

Credit

အတိတ်နဲ့ အနာဂါတ်ကို
ကောင်းကောင်း ရှင်းထုတ်နိုင်ရမယ်။
အတိတ်နဲ့ ပတ်သတ်ပြီးတော့
ဝန်ထုပ်ဝန်ပိုးကြီး မဖြစ်စေရဘူး။
အနာဂါတ်နဲ့ ပတ်သတ်ပြီးတော့လည်းပဲ
ဘာမှ စိတ်ထဲမှာ လေးလံနေတာ မရှိစေရဘူး။

အခုလောလောဆယ်ဖြစ်နေတာကိုပဲ
အမှန်အတိုင်း သိပြီးတော့ မှားယွင်းတဲ့
သုံးသပ်မူတွေနဲ့ မသုံးသပ်ရဘူး။
အဲဒါဆိုလို့ရှိရင် ငြိမ်းအေးတဲ့
လူတစ်ယောက် ဖြစ်နိုင်တယ်နော်။

သစ္စာရွှေစည်ဆရာတော်

"အတိတ် အနာဂါတ် ပစ္စုပ္ပန်"တရားတော်မှ
#

မေတ္တသုတ်ကိုမြန်မာလိုနားလည်ပြီးမှ
ရွတ်ရင် ပိုအကျိုးရှိပါတယ်။

မေတ္တသုတ် (ပါဠိ+မြန်မာ)

၁။ ယဿာနုဘာဝတော ယက္ခာ၊ နေဝ ဒဿန္တေိ ဘီသနံ။ ယဉှိစေဝါနုယုဉ္ဇန္တော၊ ရတ္တိန္ဒိဝ မတန္ဒိတော။

၁။ မေတ္တသုတ်ပရိတ်တော်၏ တန်ခိုးရှိန်စော်အာနုဘော်ကြောင့် ဘီလူးကြမ်းတို့သည် ကြောက်မက်ဖွယ်သော အဆင်း အသံ အစရှိသော အာရုံတို့ကို မပြဝံ့ မခြောက်ဝံ့ကြလေကုန်၊ မေတ္တာသုတ်ပရိတ်တော်ကို ညဉ့်အခါ၌လည်းကောင်း၊ နေ့အခါ၌လည်းကောင်း၊ မပျင်းမရိ လုံ့လပြု၍ ရွတ်ဖတ်သောသူသည်

၂။ သုခံ သုပတိ သုတ်တော စ၊ ပါပံ ကိဉ်စိ န ပဿတိ။ ဧဝမာဒိ ဂုဏူပတေံ။ ပရိတ်တံ တံ ဘဏာမ ဟေ။

၂။ ချမ်းသာစွာအိပ်ရ၏။ အိပ်သော်လည်း မကောင်းသော အိမ်မက်ကို တစိုးတစိမျှ မမြင်မက်၊ ဤသို့ အစရှိသော ဂုဏ်ကျေးဇူးအပေါင်းနှင့် ပြည့်စုံသော မေတ္တာသုတ်ပရိတ်တော်ကို အို - သူတော်ကောင်းတို့ ငါတို့ ရွတ်ဖတ်ကြပါကုန်စို့။

၃။ ကရဏီယ မတ်ထကုသလနေ၊ ယန်တ သန်တံ ပဒံ အဘိသမစ်ေစ။ သက်ကော ဥဇူ စ သုဟုဇူ စ၊ သုဝစော စဿ မုဒု အနတိမာနီ။

၃။ လောကီ လောကုတ္တရာအကျိုးစီးပွား၌ လိမ္မာသောသူသည် ငြိမ်သက်အေးချမ်းသော နိဗ္ဗာန်ကို အာရုံပြု၍ ဤဆိုလတ္တံ့သောသူတော်ကောင်းနည်းလမ်းကို ကျင့်ကြံအားထုတ် ပြုလုပ်အပ်၏။ ကိုယ်နှင့်အသက်တို့ကို မငဲ့ကွက် မညှာတာ ပြုလုပ်ခြင်းငှာ စွမ်းနိုင်ရာ၏။ ကိုယ်နှုတ်နှစ်ပါး ရိုးသားဖြောင့်မတ်ရာ၏။ စိတ်သဘောထား ကောင်းစွာ ဖြောင့်မတ်ရာ၏။ ဆိုဆုံးမလွယ်ရာ၏။ နူးညံ့သိမ်မွေ့ရာ၏။ သူတစ်ပါးအပေါ် ထောင်လွှားသော မာန်မာနမရှိရာ။

၄။ သန္တုဿကော စ သုဘရော စ၊ အပ္ပကိစ္စော စ သလ္လဟုကဝုတ္တိ။ သန္တိနြ္ဒိယော စ နိပကော စ၊ အပ္ပဂဗ္ဘော ကုလေသွ န နုဂိဒ္ဓေါ။

၄။ ရောင့်ရဲလွယ်ရာ၏။ မွေးမြူလွယ်ရာ၏။ နည်းပါးသော အမှုကိစ္စရှိရာ၏။ ပေါ့ပါးသော အသက်မွေးခြင်း ရှိရာ၏။ ငြိမ်သက်သော အိနြေ္ဒရှိရာ၏။ အရာရာ၌ ခွဲခြမ်းစိတ်ဖြာ ရဲရင့်သော ဉာဏ်ပညာရှိရာ၏။ ကိုယ်နှုတ်နှလုံးသုံးပါးလုံး ရုန့်ရင်းကြမ်းတမ်းမှု မရှိရာ။ ဒါယကာတို့၌ တွယ်တာမက်မောမှု မရှိရာ။

၅။ န စ ခုဒ္ဒ မာစရေ ကိဉ္စိ၊ ယေန ဝိညူ ပရေ ဥပ ဝဒေယျုံ။ သုခိနောဝ ခေမိနော ဟောန္တု၊ သဗ္ဗသတ္တာ ဘဝန္တု သုခိတတ္တာ။

၅။ ပညာရှိတို့ ကဲ့ရဲ့ရှုတ်ချအပ်သော တစုံတခုသော မကောင်းမှုကို အနည်းငယ်မျှသော်လည်း မပြုမလုပ်ရာ၊ ခပ်သိမ်းသော သတ္တဝါတို့သည် ကိုယ်၏ချမ်းသာခြင်းနှင့် ပြည့်စုံကြပါစေကုန်သတည်း၊ စိတ်၏ ချမ်းသာခြင်းနှင့် ပြည့်စုံကြပါစေကုန်သတည်း၊ ဘေးရန် ဥပဒ္ဒဝေါ မရှိကြပါစေကုန်သတည်း။

၆။ ယေ ကစေိ ပါဏဘူတတ်ထိ၊ တသာ ဝါ ထာဝရာဝ နဝသသော။ ဒီဃာ ဝါ ယဝေ မဟန်တာ၊ မဇ်ဈိမာ ရဿကာ အဏုကထူလာ။

၆။ အကြွင်းမရှိ အလုံးစုံ ထွက်သွက်ဝင်သက်ရှိသော သတ္တဝါ၊ ထင်ရှားရှိသော သတ္တဝါ၊ ထိတ်လန့်တတ်သော သတ္တဝါ၊ တည်ကြည်ငြိမ်သက်သော သတ္တဝါ၊ ရှည်သော သတ္တဝါ၊ တိုသော သတ္တဝါ၊ ပုကွသော သတ္တဝါ၊ မတိုမရှည်သော သတ္တဝါ၊ ကြီးသော သတ္တဝါ၊ ငယ်သော သတ္တဝါ၊ မကြီးမငယ်သော သတ္တဝါ၊ ဆူသော သတ္တဝါ၊ ကြုံ့သောသတ္တဝါ၊ မဆူမကြုံ့သော သတ္တဝါ။

၇။ ဒိဋ်ဌာ ဝါ ယဝေ အဒိဋ်ဌာ၊ ယဝေ ဒူရေ ဝသန်တိ အဝိဒူရေ။ ဘူတာဝ သမ်ဘဝသေီဝ၊ သဗ်ဗသတ်တာ ဘဝန်တု သုခိတတ်တာ။

၇။ မျက်စိဖြင့်မြင်ကောင်းသော သတ္တဝါ၊ မျက်စိဖြင့် မမြင်ကောင်းသော သတ္တဝါ၊ အဝေး၌နေသော သတ္တဝါ၊ အနီး၌နေသော သတ္တဝါ၊ ထင်ရှားဖြစ်ပေါ်ပြီးသော သတ္တဝါ၊ ဖြစ်ဆဲတည်နေသော သတ္တဝါ၊ ဤအလုံးစုံသော သတ္တဝါတို့သည် ကိုယ်စိတ်နှစ်ဖြာ ချမ်းသာခြင်း ရှိကြပါစေကုန်သတည်း။

၈။ န ပရော ပရံ နိကုဗ္ဗေထ၊ နာတိမညေထ ကတ္ထစိ န ကဉ္စိ။ ဗျာရောသနာ ပဋိဃသည၊ နာညမညဿ ဒုက္ခ မိစ္ဆေယျ။

၈။ တစ်ယောက်သောသူက တစ်ယောက်သောသူကို အမျက်မထွက်ပါစေလင့်၊ တစုံတခုသော အမှုကိစ္စ၌ တစ်ယောက်သောသူက တစ်ယောက်သောသူကို ညှဉ်းဆဲချုပ်ချယ်သော ကာယကံ ဝစီ ကံဖြင့်လည်းကောင်း၊ခိုက်ရန်မျက်ပွား အငြိုးးထားသော စိတ်ဖြင့်လည်းကောင်း၊ အနည်းငယ်မျှသော်မှ မထီမဲ့မြင် မအောက်မေ့ပါစေလင့်၊ အချင်းချင်း၏ ဆင်းရဲဒုက္ခကို အလိုမရှိပါစေလင့်။

၉။ မာတာ ယထာ နိယံပုတ်တ၊ မာယုသာ ဧကပုတ်တ မနုရက်ခေ။ ဧဝမ်ပိ သဗ်ဗဘူတသေု၊ မာနသံ ဘာဝယေ အပရိမာဏံ။

၉။ အမိသည် မိမိရင်သွေးဖြစ်သော တစ်ဦးတည်းသော သားငယ်ကို အသက်အတွက်ကြောင့် အဖန်တလဲလဲစောင့်ရှောက်သကဲ့သို့ ဤနည်းအတူသာလျှင် ခပ်သိမ်းသောသတ္တဝါတို့၌ အတိုင်းအရှည်မရှိသော မေတ္တာစိတ်ကို ပွားစေရာ၏။

၁၀။ မတ်ေတဉ်စ သဗ်ဗလောကသ်မိံ၊ မာနသံ ဘာဝယေ အပရိမာဏံ။ ဥဒ်ဓံ အဓော စ တိရိယဉ်စ၊ အသမ်ဗာဓံ အဝရေ မသပတ်တံ။

၁၀။ ကာမဘဝတည်းဟူသော အောက်လောက၌လည်းကောင်း၊ ရူပဘဝတည်းဟူသော အလယ်လောက၌လည်းကောင်း၊ အရူပဘဝတည်းဟူသော အထက်လောက၌လည်းကောင်း၊ ဤလောကသုံးပါးတို့၌ ပိုင်းခြားလွတ်ကင်း ကျဉ်းမြောင်းခြင်းလည်းမရှိ ကိုယ်တွင်းဘေးရန်လည်းမရှိ အပဘေးရန်လည်းမရှိ အတိုင်းမသိ ချစ်ခင်မြတ်နိုးသော မေတ္တာစိတ်ကိုလည်း ပွားစေရာ၏။

၁၁။ တိဋ္ဌံ စရံ နိသိန္နော ဝ၊ သယာနော ယာဝတာဿ ဝိတမိဒ္ဓေါ။ ဧတံ သတိံ အဓိဋ္ဌေယျ၊ ဗြဟ္မ မေတံ ဝိဟာရ မိဓ မာဟု။

၁၁။ ရပ်နေစဉ်သော်လည်းကောင်း၊ သွားနေစဉ်သော်လည်းကောင်း၊ ထိုင်နေစဉ်သော်လည်းကောင်း၊ လှဲလျောင်းနေစဉ်သော်လည်းကောင်း၊ မအိပ်မငိုက်သမျှ ကာလပတ်လုံး သာသနာတော်ကြီး၌ မေတ္တာစိတ်နှင့်ယှဉ်၍ နေထိုင်ခြင်းကို "မြတ်သောနေထိုင်ခြင်း" ဟူ၍ မြတ်စွာဘုရားတို့ ဟောတော်မူကုန်၏။

၁၂။ ဒိဋ္ဌိဉ္စ အနုပဂ္ဂမ္မ၊ သီလဝါ ဒဿနေန သမ္ပန္နော။ ကာမေသု ဝိနယ ဂေဓံ၊ န ဟိ ဇာတုဂ္ဂဗ္ဘသေယျ ပုန ရေတီတိ။
မတ်ေတသုတ်တံ နိဋ်ဌိတံ။

၁၂။ မေတ္တာကမ္မဋ္ဌာန်းကို စီးဖြန်းအားထုတ် ပြုလုပ်သောသူသည် အမြင်ဖောက်ပြန် မိစ္ဆာဉာဏ်သို့ မကပ်မရောက်သောကြောင့် လောကုတ္တရာသီလ ရှိသည်ဖြစ်၍ မဂ်ဉာဏ်အမြင်နှင့် ပြည့်စုံပြီးလျှင် ဝတ္ထုကာမ ကိလေသာကာမတို့၌ တပ်မက်မောခြင်းကင်းသောကြောင့် နောက်တစ်ဖန် အမိဝမ်းတွင်း ပဋိသန္ဓေနေခြင်းသို့ ဧကန်မရောက်တော့ပြီ။ ။

#ဓမ္မဘဏ်

#အကြည်ဓာတ် ( Positive energy )

လူတစ်ယောက်ဟာ
ဘယ်လိုနေနေ
ကြည့်ကောင်းနေတယ်ဆိုရင်
သူ့မှာ အကြည်ဓာတ်ရှိနေလို့ပါ။

အကြည်ဓာတ်ဆိုတာဘာလဲ ?

လွယ်လွယ်ပြောရရင်တော့
ကိုယ့်ရဲ့ အတွင်းစိတ်အမှန်က
ဖော်ကြူးနေတဲ့အရာတစ်ခု။

လူတစ်ယောက်ရဲ့ပင်ကို
စိတ်ဓာတ်ကလာတဲ့
အာနိသင်တစ်ခု။

အဲ့ဒီအာနိသင်က
ဘယ်လောက်ထိစွမ်းသလဲ
ဆိုတာ ဒီနေ့ ပြောပြချင်ပါတယ်။

#လူချစ်လူခင် အရမ်းများတယ်။

လိုမှ
လာခင်တဲ့သူတွေမဟုတ်ပဲ
စိတ်တူ၊ ကိုယ်တူဖြစ်ပြီး
တန်ဖိုးရှိတဲ့လူတွေအနားမှာ
အမြဲရှိနေတတ်တယ်။

#ဩဇာညောင်းတယ်။

သူ့စကားဆို ယုံကြည်တာမျိုး၊
သူပြောရင်
နားထောင်ချင်တာမျိုး၊
သူဦးဆောင်တာဆို
အမြဲတမ်း
လိုက်နာချင်တာမျိုးပေါ့။

#အမုန်းတွေ မလာဘူး။

လူတိုင်းဟာ ချစ်တဲ့သူရော၊
မုန်းတဲ့သူရော ဘဝထဲမှာ
မျှတစွာ
နေရာယူကြပေမယ့်

အကြည်ဓာတ်ရှိတဲ့သူကတော့
ချစ်တဲ့သူတွေ ပိုများပြီး
မုန်းတဲ့သူ မရှိသလောက်
နည်းပါတယ်။

#အချစ်ရေးသာယာတယ်။

လူတွေဟာ
အကြည်ဓါတ်ရှိတဲ့သူတွေကို
ဖြူစင်စွာပဲချစ်ကြတဲ့အတွက်
ရည်းစားမပေါများပါဘူး။

ဒါပေမယ့်
တစ်ဘဝစာလုံလောက်တဲ့
အချစ်တွေပေးနိုင်မယ့်သူမျိုးကို
အကြည်ဓာတ်ရှိတဲ့သူဟာ
ကျိန်းသေ ပိုင်ဆိုင်ရပါတယ်။

#မျက်နှာမြင် ချစ်ခင်ပါစေဆိုတဲ့
ဆုကိုရထားတယ်။

ရုပ်ချောတာ၊
ရုပ်ဆိုးတာနဲ့ လုံးဝမဆိုင်ဘဲ

မျက်နှာလေးမြင်တဲ့သူတိုင်း
ချစ်ခင်နေကြပြီဆိုရင်
ဒီလူဟာ
အကြည်ဓာတ်တွေပြည့်နေလို့ပါ။

#အသားအရေဝင်းပတယ်။

အကြည်ဓာတ်ရှိတဲ့သူဟာ
ပပဝတီတောင် ရှုံးနိုင်ပါတယ်တဲ့။

အသားဖြူတာ၊ မည်းတာနဲ့
မဆိုင်ပဲ
အသားအရေဟာ ကြည်လင်ဝင်းပ
နေတတ်ပါတယ်။

#အမြဲတက်ကြွလန်းဆန်းနေတယ်။

အကြည်ဓာတ်ရှိတဲ့သူဟာ
ဘယ်လောက်အလုပ်များများ
အမြဲတက်ကြွနေနိုင်တယ်။

ပင်ပန်းတယ်လို့မရှိဘူး။

ကြည့်လိုက်ရင် သာသာယာယာပဲ။

#ကျန်းမာတယ်။
အကြည်ဓာတ်ရှိတဲ့သူဟာ
ကျန်းမာရေးလည်းကောင်းတယ်။

ဖျားနာတာမျိုးဖြစ်ခဲတယ်။

ရောဂါကြီးကြီးမားမားလည်း
မဝင်နိုင်ပါဘူး။

အကြည်ဓာတ် ဘယ်လိုယူရမလဲ။

သိပ်တော့မလွယ်လှပါဘူး။

အကြည်ဓာတ်က ပင်ကိုဗီဇအနေနဲ့
သဘာဝက
ရရှိတဲ့အာနိသင်တစ်ခုဖြစ်
တာကြောင့်ပါ ။

ဒါပေမယ့်
အကြည်ဓာတ်သမားတွေမှာ
လုံးဝမရွိတဲ့
အရာတွေ ရှိပါတယ်။

မနာလို ဝန်တို စိတ်ပုပ်တတ်တာ
ဒေါသကြီးတာ

စိတ်ဆိုး စိတ်ကောက်တတ်တာ
ညည်းငြူတတ်တာနဲ့

အတင်းတုပ်တတ်တာတွေပါ။

ဒီစိတ်ဓာတ်တွေရှိနေရင်တော့
အကြည်ဓာတ်ရှိနိုင်မှာ
မဟုတ်တာတော့
သေချာပါတယ်။

ဗီဇသဘာဝဟာ ပြင်ဆင်လို့
မရပေမယ့်
စိတ်ထားကိုလှအောင်
ထားနိုင်မယ်ဆိုရင်
အနည်းငယ်သောအကြည်ဓာတ်ကို
ရရှိနိုင်မှာပါ။

ကျွန်တော်လည်း
စိတ်ထားကို တတ်နိုင်သမျှ
အကောင်းဆုံးထားပါတယ်။

အမုန်းတွေလည်း မရှိတော့တဲ့
အတွက် အပူတွေလည်း နည်းသွားပီဗျ။

အားလုံးကိုလည်း တတ်နိုင်သမျှ
စိတ်ထားလေးလှအောင်
နေကြည့်ဖို့ တိုက်တွန်းချင်ပါတယ်။

credit

🙏🙏🙏🙏🙏

#ခွင့်လွှတ်ခြင်း

လူတစ်ဦးတစ်ယောက်အပေါ်မှာ
“နားလည်မှု” ရှိဖို့ဆိုတာ တကယ်တော့
မလွယ်လှပါဘူး။

တခါတလေ နားလည်အောင်ကြိုးစားနေရတာကိုက
ပင်ပန်းရတယ်။

နားလည်ဖို့ကြိုးစားရင်နဲ့ပဲ သည်းမခံနိုင်တာတွေ ပိုများလာတတ် ပါတယ်။

သူကလည်း သူ့စရိုက်နဲ့ သူ့အကျင့်နဲ့။
ကိုယ်ကလည်း ကိုယ့်စရိုက်နဲ့
ကိုယ့်အကျင့်နဲ့ကိုး။

စိတ်သဘောထားခြင်းကတေ့ာ
ဘယ်လိုမှမတူနိုင်ပါဘူး။

သေချာစဉ်းစားကြည့်ရင် ကိုယ့်စိတ်တောင်ဒီနေ့နဲ့မနက်ဖြန် မတူနိုင်ပါဘူး။

သူကောင်းမှ ကိုယ်ကောင်းမယ်ဆိုရင်
ဘယ်မှ ကောင်းတဲ့ သူရှိလာပါမလဲ။

ဆိုသလို မတူညီမှု့တွေအတွက်
ကိုယ့်ဖက်က ကြိုးစားလို့ရတာ
တစ်ခုတော့ရှိပါတယ်။

“ခွင့်လွှတ်ခြင်း” ပါပဲ။

တဖက်သားကို ခွင့်လွှတ်နိုင်လိုက်တယ် ဆိုရင်ပဲ....
စိတ်ပေါ့ပါးသွားတယ်။
လွတ်လပ်သွားပါတယ်။

“ခွင့်လွှတ်ခြင်း” ရဲ့နောက်မှာ
မေတ္တာစိတ်တွေဖြစ်လာတယ်။

မေတ္တာစိတ်ဖြစ်လာတော့
ပိုပြီးခွင့်လွှတ်နိုင်လာတယ်။

ဒါကြောင့် တဖက်သားကို နားမလည်နိုင်ရင်တောင်
ခွင့်လွှတ်နိုင်အောင်ကြိုးစားရင်
ဘဝမှာ အလွန်အေးချမ်းပါတယ်။

ဘဝဆိုတာတိုတိုလေးပါ။
တယောက်နဲ့တယောက်ဘာကြောင့်များ
အာဃာတတွေ အမုန်းတရားတွေ
မနာလိုမှုတွေထားနေမှာလဲ။

ခွင့်လွှတ်ခြင်းရဲ့ အရသာကို ခွင့်လွှတ်ခဲ့ဘူးသူတိုင်း
ခံစားဖူးပါလိမ့်မယ်။

လက်စားချေခြင်းဖြင့်
ပြဿနာ ကိုအဆုံးသတ်လို့မရပါဘူး။

ပြဿနာတွေအဓိကအဆုံးသတ်က
ခွင့်လွှတ်ခြင်းပါပဲ။

ဘာကြောင့်လူတွေက ခွင့်လွှတ်ရမှာကြောက်တာလဲဆိုရင် အဖြေကရှင်းရှင်းလေးပါ
ခွင့်လွှတ်ပေးလိုက်ရတာဟာ
ရှုံးနိမ့်တယ်လို့ထင်နေတတ်ကြလို့ပါပဲ။

( လူ တယောက်ကိုခွင့်လွှတ်ပါ ။ ဒါ
ပေမဲ့ သူနာမည်ကိုတေ့ာ မှတ်ထားလိုက်ပါတဲ့)

တခါတေလ လူတယောက်ကို
ခွင့်လွှတ်ပေးလိုက်လို့ရချင်ရလိမ့်မယ်

ဒါပေမဲ့ သူရဲ့လုပ်ရပ်တွေကိုမေ့လို့ရနိုင်မှာ
မဟုတ်ပါဘူး။

ဒါကြောင့် ...

ကိုယ့်ကိုအကောင်းမမြင်တဲ့သူတွေကို
ခွင့်လွှတ်လိုက်ပါ ....။

သူတို့ကြောင့်ကိုယ်က ကောင်းအောင်ကြိုးစားနေနိုင်လို့ပါ။

ကိုယ့်ကို ချောက်ချသူတွေကို ခွင့်လွှတ်လိုက်ပါ ....
သူတို့ကြောင့် ချောက်ထဲမရောက်အောင် သတိနဲ့နေမိလို့ပဲ။

ကိုယ့်ကို သစ္စာမဲ့သူတွေကိုလဲ ခွင့်လွှတ်လိုက်ပါ ....
သူတို့ကြောင့် လူတချို့ ရဲ့
စိတ်နေစိတ်ထားတွေကို သိခွင့်ရလို့ပါ။

ကိုယ့်ကိုလိမ်လည်ထိခိုက်သူတွေကို ခွင့်လွှတ်လိုက်ပါ ....
သူတို့ကြောင့် ကိုယ့်မှာ အသိတရားတွေ
တိုးပွားလာလို့ပဲ။

ကိုယ့်ကိုဝေဖန်ရှုံ့ချသူတွေကို ခွင့်လွှတ်လိုက်ပါ ....
သူတို့ကြောင့်ဂုဏ်ကျက်သရေ ပိုတိုးအောင်
ဆောင်ရွက်နေတတ်လို့ပဲ။

ဘဝမှာတွေ့ကြုံရတဲ့လူတွေနဲ့
အခြေအနေတွေကိုအပြစ်တင်
မညည်းညူပါနဲ့။

ကောင်းတဲ့လူတွေက
သင်ကိုပျော်ရွှင်မှုပေးကြလိမ့်မယ်။
ဆိုးတဲ့လူတွေက သင့်ကို
အတွေ့အကြုံတွေပေးလိမ့်မယ်။

အဆိုးဆုံးလူတွေက သင့်ကို သင်ခန်းစာတွေပေးလိမ့်မယ်။
အကောင်းဆုံးလူတွေက
သင့်ကို အမှတ်တရတွေပေးလိမ့်မယ်။

ဘာပဲဖြစ်ဖြစ်
ဘဝမှာ တစ်ခဏတာ ဆုံကြရသူအချင်းချင်း
ခွင့်လွှတ်ခြင်းဖြင့် ဆက်ဆံတာပဲအေးချမ်းပါတယ်။

🙏🙏🙏

#ဆရာတော်ဦးဇောတိက(မဟာမြိုင်တောရ )

good night

အသီးအနှံများ နှင့် အိမ်မက္များ🍅🍏🍈🍋🍐🍆

ခရမ်းချဉ်သီး(tomato) 🍅

အိမ်မက္ထဲမှာ ခရမ်းချဉ်သီးကိုမြင်မက္ရင်
ကံကောင်းလာပြီလို့ဆိုလိုပါတယ်
ကျွန်မတို့ရဲ့ဘဝ ကျွန်မတို့ရဲ့အလုပ်အကိုင်မှာ
နောက်တစ်ဆင့် ထပ်ပြီးတက်လှမ်းရ‌မယ်ဆိုတဲ့ သင်္ကေတကိုဖော်ညွှန်းပါတယ် ဒါပေမဲ့ ခရမ်းချဉ်သီးကိုစားတာ အပင်မှာမြင်တာ အနီရောင် အစိမ်းရောင် စသဖြင့်တော့ အဓိပ္ပါယ်ကောက်တာခြင်းတော့ ကွာခြားသွားတာလေးတော့ရှိပါတယ်
သိသလောက်လေး ဝေမျှပေးတာပါ

🍀Ngwe🍀