HM Skincare By Hnin Mandalay
Share
တင်းတိတ်၊အမဲစက်၊အရေးကြောင်း၊ဝက်ခြံ အမာရွတ် ချိုင့်ခွက် ပျောက်ချင်သူများအတွက်
09/04/2026
်နေ့မှApril17ရက်နေ့အထိ
သင်္ကြန်အကြိုနေ့မှနှစ်ဆန်း၁ရက်နေ့အထိ
" မေတ္တသုတ်(၅) ရက်အဓိဋ္ဌာန် " 🙏🙏🙏
နှစ်သစ်ပိတ်ရက်လေးမှာ အိမ်တွင်းကုသိုလ်တွေ
ပြုလုပ်ရင်း မေတ္တာသုတ် အဓိဋ္ဌာန်ဝင်ကြရအောင်
၁။ နံနက်စောစောထ၍ ကိုယ်လက်သန့်စင်ပြီးလျှင်
ဘုရားရှင်ရှေ့တော်မှောက်၌ ငါးပါးသီလ ခံယူပါ။
၂။ ထို့နေ့အတွက် မေတ္တသုတ်ကို (၉)ခေါက်
အဓိဋ္ဌာန်ဝင်ခွင့်ပြုပါရန် ဘုရားရှင်ထံ
လျှောက်ထား ခွင့်ပန်ပါ။
၃။ ခွင့်ပန်ထားသည့်အတိုင်း အောင်မြင်အောင်
ကျင့်ဆောင်မည်ဖြစ်ပါကြောင်း ဘုရားရှင်ထံ၌
ကတိပေး လျှောက်ထားပါ။
၄။ သမန္တာ စက္ကဝါဠေသု မှစ၍ ရွတ်ဆိုပြီး
နတ်ဗြဟ္မာတို့အား ပရိတ္တရားနာ
ကြွပါရန် ဖိတ်ကြားပါ။
၅။ မေတ္တသုတ်ပရိတ်တော်ကို
စတင် ရွတ်ဖတ် ပူဇော်ပါ။
လိုက်နာ ဆောင်ရွက်ရန်
***************************
နေ့စဉ် (၉) ခေါက်နှုန်းဖြင့်
သင်္ကြန်ပိတ်ရက်(၅)ရက်
အဓိဋ္ဌာန် ဝင်ရပါမယ်
နေ့စဉ် (၉)ခေါက် အဓိဋ္ဌာန်
အောင်မြင်သွားတိုင်း မေတ္တာပို့ရပါမယ်
မေတ္တာပို့နည်း
******************
(၁) ဧတံ ပုညဘာဂံ ဤကဲ့သို့ ကျင့်ကြံပွားများအားထုတ် လှူဒါန်းပူဇော်ကန်တော့ရသော ကုသိုလ်ကောင်းမူကံစေတနာ အဖို့ဘာဂတို့အား အနန္တစကြဝဠာ အတွင်း၌ မှီတင်းဖြစ်ပေါ်နေထိုင်ကြကုန်သော အနတ္တလူနတ်ဗြဟ္မာ၊အနတ္တသတ္တဝါများအားလုံး ၊အရပ်လေးမျက်နာ ၊အရပ်ရှစ်မျက်နာ၊ အရပ်ဆယ္မ်က္နာ၌ ရှိကြကုန်သော အနန္တ နတ်၊ လူ ဗြဟ္မာ အနန္တသတ္တဝါအားလုံး မည်သို့သော ပုဂ္ဂိုလ် သတ္တဝါမျှမကျန်။
(၂) သာသနာတော်အား စောင့်ရှောက်
လျက်ရှိသော ဘိုးတော်သိကြားမင်းနှင့်တကွ
သာသနာစောင့်နတ်မင်းကြီး ၄ ပါး
အားလည်းကောင်း။
(၃) တောစောင့်နတ်၊ တောင်စောင့်နတ်၊
မြို့စောင့်နတ်၊ ရွာစောင့်နတ်၊အာကာသစိုး၊
ရုက်ခစိုး၊ဘုမ်မစိုး၊
သမုဒ္ဒရာစောင့်နတ်၊မီးစောင့်နတ်၊
ရေစောင့်နတ်၊လေစောင့်နတ်၊နေစောင့်နတ်၊
လစောင့်နတ်၊နတ်မင်းအပေါင်းနှင့်
ကျွနုပ် ၏ကိုယ်စောင့်နတ်တို့အားလည်းကောင်း၊
သာသနာတော်အား
စောင့်ရှောက်လျက်ရှိကြကုန်သော
နတ်မင်းအပေါင်းတို့အားလည်းကောင်း။
(၄) ဝိရူပက္ခမြွေနတ်နဂါးမင်း၊
ဆဗျာပုတ္တမြွေနတ်နဂါးမင်းနှင့်တကွ
နတ်နဂါးမင်းအပေါင်းတို့အားလည်းကောင်း။
(၅) ဘုရားသိုက်၊နဂါးသိုက်၊ကုလားသိုက်၊
ရှမ်းသိုက်၊ဘီလူးသိုက် အစရှိသဖြင့် သိုက်နန်းရှင်၊
သိုက်ချုပ်၊ သိုက်ဝင်အပေါင်းတို့နှင့်တကွ
နဂါး ဂဠုန် ကု မ်ဘဏ် ယက္ခ၊ဂန္ဓဗ္ဗ
နတ်အပေါင်းတို့အားလည်းကောင်း။
(၆) ဘုရားတပည့်တော်ဘဝအဆက်ဆက်
သံသရာ၌ တော်စပ်ခဲ့သော မိခင်၊ဖခင်၊ဆရာသခင်၊
ကျေးဇူးရှင်များနှင့်
ဆွေတော်အပေါင်း
မျိုးတော်ရှစ်သောင်းတို့အားလည်းကောင်း၊
ယခုဘဝတော်စပ်ကြကုန်သော
မိခင်၊ဖခင်၊ဆရာသခင်၊ကျေးဇူးရှင်များနှင့်
ဆွေတော်အပေါင်း
မျိုးတော်ရှစ်သောင်းတို့အား လည်းကောင်း၊၊
(၇) ပထဝီ၊တေဇော၊အာဘော၊ဝါယော
ဓာတ်အကြီးလေးပါးကို မြီ၍ ဖြစ်ပေါ်
ကြကုန်သော အနန္တ နတ် လူ ဗြဟ္မာ
အနန္တသတ္တဝါအားလုံးတို့အား လည်းကောင်း ၊
သြကာသလောက၊သင်္ခါရလောက၊သတ္တလောက
လောကသုံးပါး ကိုမှီ၍ ဖြစ်ပေါ်ကြကုန်သော
အနန္တ နတ် လူ ဗြမ္မာ အနန္တသတ္တဝါအားလုံးတို့အား လည်းကောင်း ၊ ယမမင်းနှင့်တကွ ငရဲသူ ငရဲသားတို့အားလည်းကောင်း။
ဘေးရန် ခပ်သိမ်း ကင်းငြိမ်း ချမ်းသာကြပါစေ၊
ဒေါသ ခပ်သိမ်း ကင်းငြိမ်း ချမ်းသာ ကြပါစေ၊
ဆင်းရဲ ခပ်သိမ်း ကင်းငြိမ်း ချမ်းသာ ကြပါစေ၊
နှလုံးစိတ်ဝမ်းငြိမ်းချမ်း သာယာ ကြပါစေ ကုန်သတည်း။
တပည့်တော်-
ပြုခဲ့သော ကုသိုလ် ကောင်းမူကံ
စေတနာ ၊ ဒါနကုသိုလ် ၊ သီလ ကုသိုလ်၊
ဘာဝနာကုသိုလ်၊ သစ်စာကုသိုလ်
မေတ္တာ ကုသိုလ် အစုစုတို့အား
ဝသုန္ဓရေ မြေနတ်သားအား
သက်သေအရာထား၍ လည်းကောင်း
အမျှအတန်းပေးဝေပါ၏။
တပည့်တော်နှင့် ထပ်တူထပ်မျှရ၍
သာဓု အနုမောဒနာ ခေါ်ဆိုနိုင်ကြပါစေ။
ကျွတ်နိုင် လွတ်နိုင် နိဗ္ဗာန်သို့
မျက်မှောက်ပြုနိုင်ကြပါစေ။
အမျှ အမျှ အမျှ ၊
အမျှ အမျှ အမျှ ၊
အမျှ အမျှ အမျှ ၊
ယူတော်မူကြပါကုန်လော့ 🙏🙏🙏
သူတော်ကောင်း သူတော်မြတ် အပေါင်းတို့၏ ပြု ပြုသမျှ ကောင်းမူကုသိုလ် အစုစုတို့အားလည်း ကြှနျုပျမှ ဝမ်းမြောက်ဝမ်းသာ သာဓု အနုမောဒနာ ခေါ်ဆိုပါ၏။ ထပ်တူ ထပ်မျှ ရ ရပါလို၏။
သာဓု သာဓု သာဓု ။
သာဓု သာဓု သာဓု ။
သာဓု သာဓု သာဓု ။
၆။ ထို့ကဲ့သို့ အမျှပေးဝေပြီး နောက်ဆုံး၌
မိမိအဓိဋ္ဌာန်ကို သစ္စာပြု၍ လိုရာဆုကို
တောင်းရမည်။
( အဓိဋ္ဌာန်ကာလအတွင်း တစ်မျိုးတည်းသော
ဆုကိုသာ တောင်းရမည်)
အချိန်မပေးနိုင်သူများ အလုပ်မအားလပ်သူများ
မေတ္တာသုတ်ပရိတ်တော်ကို နေ့စဉ်
(၉) ခေါက် အဓိဋ္ဌာန်ဖြင့် ပုံမှန် ရွတ်ဖတ်
ပူဇော်နိုင်ပါက အကျိုးထူးများ
ရစေနိုင်မည် ဖြစ်ပါတယ်🙏🙏🙏
30/01/2026
သိချင်တဲ့ သူတွေအတွက် တင်ပေးပါတယ်ရှင်
#သမ္ဗုဒ္ဓေဂါထာတော်
နဝင်း ၁၂ဆင့် ၁၀၈ရက် အဓိဌာန်
==========================
#မိမိမွေးနေ့မှစ၍
စတင် အဓိဌာန် ဝင်နိုင်ပါတယ်။
#သမ္ဗုဒ္ဓေဂါထာတော်
နဝင်း ၁၂ဆင့် အတိုင်း ပူဇော်ကြရအောင်။
ရွတ်ဖတ်ရတာ လွယ်ကူလျှင်မြန်လို့
အဓိဌာန်ဝင်ရတာ မခက်ခဲပါဘူး။
အချိန်လည်း မိနစ်ပိုင်းပဲ ပေးရတာမို့
လူတိုင်း ပါဝင်စေချင်ပါတယ်ဗျ။
#နဝင်း (၁၂)မျိုး ရှိတယ်လို့
လေ့လာမှတ်သားဖူးပါတယ်။
၁။ ၉ = မူလနဝင်း (အခြေခံ)
၂။ ၁၈ = အောင်နဝင်း
၃။ ၂၇ = ငွေနဝင်း
၄။ ၃၆ = စိတ်နဝင်း
၅။ ၄၅ = လာဘ်နဝင်း
၆။ ၅၄ = ပညာနဝင်း
၇။ ၆၃ = ပီယနဝင်း
၈။ ၇၂ = ဒုက္ခငြိမ်းနဝင်း
၉။ ၈၁ = အဟောင်းပြန်တွေ့နဝင်း
၁၀။ ၉၀ = ဓါတ်သိမ်းနဝင်း
၁၁။ ၉၉ = မှန်-တန်ပြန်နဝင်း
၁၂။ ၁၀၈ = အလုံးစုံအောင်နဝင်း
#သမ္ဗုဒ္ဓေဂါထာတော်_အဓိဌာန်
========================
#အဆင့်_၁ မူလနဝင်း
တစ်နေ့ ၉ ခေါက် ၉ ရက်
အုတ်မြစ်ချခြင်း ဖြစ်ပါတယ်။
#အဆင့်_၂ အောင်နဝင်း
တစ်နေ့ ၁၈ ခေါက် ၉ ရက်
ကိုယ်လုပ်တဲ့ ကိစ္စတွေအောင်
မြင်လာတတ်ပါတယ်။
#အဆင့်_၃ ငွေနဝင်း
တစ်နေ့ ၂၇ ခေါက် ၉ ရက်
ငွေကြေးကိစ္စ အထူးအဆင်ပြေနိုင်ပါတယ်။
ဒီအဆင့်မှာစပြီး ထူးခြားလာတတ်ပါတယ်။
#အဆင့်_၄ စိတ်နဝင်း
တစ်နေ့ ၃၆ ခေါက် ၉ ရက်
စိတ်အေးချမ်းမှု အထူးရလာတတ်ပါတယ်။
#အဆင့်_၅ လာဘ်နဝင်း
တစ်နေ့ ၄၅ ခေါက် ၉ ရက်
လာဘ်လာဘ ပေါများလာတတ်ပါတယ်။
#အဆင့်_၆ ပညာနဝင်း
တစ်နေ့ ၅၄ ခေါက် ၉ ရက်
အတတ်ပညာတွေတတ် မြောက်အောင်
မြင်လာတတ်ပါ တယ်။
#အဆင့်_၇ ပီယနဝင်း
တစ်နေ့ ၆၃ ခေါက် ၉ ရက်
ချစ်ခင်လေးစားသူ များလာတတ်ပါတယ်။
#အဆင့်_၈ ဒုက္ခငြိမ်းနဝင်း
တစ်နေ့ ၇၂ ခေါက် ၉ ရက်
ရှိတဲ့ဒုက္ခတွေ ငြိမ်းအေးသွားနိုင်ပါတယ်။
#အဆင့်_၉ အဟောင်းပြန်တွေ့နဝင်း
တစ်နေ့ ၈၁ ခေါက် ၉ ရက်
ပျောက်သွားတဲ့ပစ္စည်း၊ မတွေ့တာကြာတဲ့သူ၊ အဆက်ပြတ်သွားတဲ့ သူတွေနဲ့ ပြန်တွေ့ရတတ်ပါတယ်။
#အဆင့်_၁၀ ဓါတ်သိမ်းနဝင်း
တစ်နေ့ ၉၀ ခေါက် ၉ ရက်
ဖြစ်ရန်ရှိသော အညံ့များပြေ ပျောက်ခြင်း။
ဖြစ်ရန်ရှိသော ကံဆိုးမှုများ မဖြစ်တော့ခြင်း။ ဥပမာ နေကောင်းပျောက်ပြီး ပြန်လည် ကျန်းမာသန်စွမ်းလာခြင်းအဆင့်ဖြစ်ပါတယ်။ အရာရာအတွက် အဆင်သင့်ဖြစ်တဲ့ အဆင့်ဖြစ်ပါတယ်။
#အဆင့်_၁၁ မှန် / တန်ပြန်နဝင်း
တစ်နေ့ ၉၉ ခေါက် ၉ ရက်
အခြားသူတွေ ကိုယ့်ကို ကောင်းတာလုပ်လုပ် , မကောင်းတာပဲ လုပ်လုပ် တူသောအကျိုးကို လျှင်မြန်စွာပေး နိုင်ပါတယ်။
#အဆင့်_၁၂ နောက်ဆုံးအဆင့်
အလုံးစုံအောင်နဝင်း
တစ်နေ့ ၁၀၈ ခေါက် ၉ ရက်
ဘာမဆိုအောင် မြင်နိုင်ပါတယ်။
ဖြေးဖြေးနှင့် မှန်မှန်သာယာနာပျော်ဖွယ်အသံဖြင့် ရွတ်ဖတ်ပူဇော်ပါက ပိုထိရောက်ပါသည်။
#အဓိဌာန်ဝင်နေချိန်
ငါးပါးသီလ အထူးမြဲရပါမည်။
မအားလပ်ပါက တစ်နေ့လျှင်
အချိန်ခြားပြီး အခေါက်ရေခွဲ၍
ရွတ်နိုင်ပါသည်။
၁၀၈ ရက် ဆက်တိုက်
ပြုလုပ်ရသော အဓိဌာန်ဖြစ်ပါသည်။
ပျက်သွားလျှင် အစမှ ပြန်စရပါသည်။
အဖျက် အလွန်များပြီး
အောင်မြင်ရန် ခက်ခဲသော
အဓိဌာန် ဖြစ်ပါတယ်။
သိုသော်လည်း #မေတ္တာစိတ်ရှိနေသော
သူများအတွက်မူ အလွန်လွယ်ကူသော အဓိဌာန်လည်းဖြစ်နေ တတ်ပါသည်။ ထို့ကြောင့် အဓိဌာန်တစ်ဆင့်ပြီးတိုင်း ကိုယ့်ကိုယ်ကို ဂုဏ်ယူပါ။ ရှေ့ဆက်လုပ်ပါ။
တစ်ဆင့်ပြီး တစ်ဆင့်အကျိုးပေးခြင်းထူးခြားမှု အလွန်သိသာသော အဓိဌာန်ဖြစ်ပါသည်။
ဘုရားရှေ့တွင် ဤအဓိဌာန်ကို ဆောက်တည်ပါက ပိုထိရောက်သည်ဆိုသော်လည်း....
မိမိစိတ်သည်သာ အဓိကဖြစ်ပါ၍
အဓိဌာန်ပြုနေချိန်၌ စိတ်သက်တောင့်သက်သာဖြင့် သရဏဂုံ တည်နေလျှင်
နေရာဒေသမရွေး ဤအဓိဌာန်ကို
ဆောက်တည်နိုင်ပါသည်။
အဆင့် ၁ ခုကို
၉ ရက်ဆိုတော့ ၁၂ ဆင့်ဆိုရင်
၁၀၈ ရက် ကြာပါ့မယ်။ ၁၂ ဆင့်ပေါင်း အခေါက်ရေ ၆၃၁၈ ပါ၊ ပေါင်းခြင်း ၉ မို့ ၉ နဝင်းပါပဲ။
နေ့စဉ် အဓိဌာန်ဝင်မယ့် အချိန်ကို
မနက်/ည ၉ နာရီတိုင်း ဘုရားခန်းမှာ ရွတ်ဖတ်ပူဇော်ပါ့မယ်၊ အချိန်တိတိကျကျနဲ့ အဓိဌာန်ဝင်ရင် ပိုထိရောက်ပါတယ်။
🙏🙏🙏
Click here to claim your Sponsored Listing.
Category
Contact the business
Website
Address
မန္တလေး နည်းပညာတက္ကသိုလ် အနီး အောင်ချမ်းသာရွာ မြောက်ပြင် ပုသိမ်ကြီးမြို့နယ်။
Mandalay
05061