Bikini Booty Zoe Gyi

ဒီစာကို လူကြီးမိဘတွေ လက်ခံသဘောကျမှာ မဟုတ်ဘူး
ကျမ ပြောတာလဲ ကိုယ်တွေ့ကြုံခဲ့ရသမျှကို
သုံးသပ်တာ ဖြစ်လို့ 100% မှန်ပါတယ် မပြောသလို
100%လဲ မမှားပါဘူး

ဘာလဲဆိုတော့
တခုခုဆို မိဘနဲ့ တိုင်ပင်လိုက်အုံးမယ်
မိဘက ခွင့်ပြုမှ လုပ်မယ် ဆိုတဲ့သူတွေဟာ
ဦးဆောင်နိုင်တဲ့ Leader ကောင်း မဖြစ်သလို
နယ်ပယ်တခုရဲ့ ထိပ်ဆုံးမှာ ရောက်တာ ရှားပါတယ်

ဒါက မိဘတွေကို စော်ကားတာ မဟုတ်ဘဲ
ဒီလိုလူတွေဟာ မိဘ၊အကို၊အမ စတဲ့ လောင်းရိပ်မိခဲ့ပီး
ကိုယ်ပိုင် စဉ်းစားတွေးခေါ် ဆုံးဖြတ်နိုင်စွမ်းနည်းခြင်းကို
ဖော်ပြပါတယ်

ဒီလိုလူတွေဟာ လုပ်ငန်းခွင်မှာလဲ
ထိပ်ဆုံး ရောက်လေ့ မရှိပါဘူး
ဘာလို့လဲဆို ငယ်ငယ်ထဲက
သူ့ဘဝရဲ့ ဆုံးဖြတ်ချက် အတော်များများကို
သူ့မိဘ အုပ်ထိန်းသူတွေကဘဲ စီမံခဲ့လို့ ဖြစ်ပါတယ်

သူတို့ဟာ နားယောင်လွယ်တယ် စည်းရုံးရလွယ်တယ်
ကိုယ့်ကိုယ်ကို ယုံကြည်လေးစားအားကိုးမှု
self-esteem နိမ့်တယ် စိတ်ဓာတ်ကျလွယ်တယ်
တဆင်မြင့်ဖို့ ယူရမဲ့ Risk တွေကို ကြောက်တယ်
ဆုံးဖြတ်ချက်ချဖို့ တွေဝေတယ် တုံ့ဆိုင်းတယ်
ကိုယ့်ဘဝ ကိုယ့်အချိန် စီမံခန့်ခွဲနိုင်မှု self-management နဲ့
ကိုယ့်ကိုယ်ကို ကိုယ့်စည်းကမ်းနဲ့ ထိန်းချုပ်စီရင်ပဲ့ပြင်နိုင်စွမ်း
Self-discipline နည်းတယ်
အလုပ်ကြောင့် စိတ်ဖိစီးမှုတွေကို ခံနိုင်ရည် နည်းတယ်
ကျရှုံးလာတိုင်း ငယ်ငယ်ကလို
စီမံဆုံးဖြတ်ပေးမယ့် မိဘဆီ ပြန်ပြေးချင်တယ်
ဦးဆောင်ရတာထက် ခိုင်းတာကို
နောက်က လိုက်လုပ်ရတာဘဲ ကြိုက်တယ်

မိဘဆီက အကူညီယူတယ်ဆိုတာ
ကိုယ်မလုပ်နိုင်သေးတဲ့ အရာတွေအတွက်
လူလားမမြောက်ခင် အရွယ်ထိဘဲ ဖြစ်သင့်တယ်

ဥပမာ ကိုယ့်ဘာသာ လမ်းမလျှောက်တတ်သေးလို့
လမ်းလျှောက်တတ်အောင် သင်တာ ထိန်းတာ
သွားမပေါက်သေးလို့ ဝါးကျွေးတာ လက်ခံရတာ
ဘာမှ မသိသေးလို့ သိချင်တာ လျှောက်မေးတာ
ငွေမရှာတတ်/နိုင်သေးလို့ တောင်းသုံးရတာ စသဖြင့်ပေါ့

ဒါတောင် လူလား လုံးလုံး မမြောက်ခင်
ကျောင်းစတက်ပီဆိုတည်းက
မိဘက ကိုယ့်ကို ၂၄နာရီ ကူညီမပေးနိုင်တော့ဘူး
ဆရာတွေ သူငယ်ချင်းတွေ နဲ့
ဘလို ဆက်ဆံပေါင်းသင်းမလဲ ကအစ
ကိုယ်တိုင်ဘဲ ဆုံးဖြတ် ပြုမူရတော့တာ မလား

ဆယ်ကျော်သက် မြီးကောင်ပေါက်
လူလား မြောက်ခါစ ပညာမစုံခင်ထိ
မိဘ အကူညီ ယူတယ် ထား
အလုံးစုံ မမှီခိုသင့် မယူသင့်တော့ဘူး

ကိုယ် ဝါသနာ ပါတာ ကိုယ်လုပ်ချင်တာ ဘာလဲ
ကိုယ်တိုင် ရှာဖွေလေ့လာရတော့မယ်
မိဘက လုပ်ခိုင်းတာဘဲ မျက်စိစုံမှိတ်လုပ်တာ
ကိုယ့်ဉာဏ်ကို တုံးစေတယ်

မိဘ အုပ်ထိန်းသူ မလွန်ဆန်နိုင်လို့
ကိုယ်တက်ချင်တဲ့ ကျောင်း မတက်ခဲ့ရဘဲ
ဘဝမှာ မထွန်းပေါက် မအောင်မြင်သူတွေ ဒုနဲ့ဒေး
ထွန်းပေါက် အောင်မြင်ပီး မပျော်ရွှင်သူတွေလဲ ဒုနဲ့ဒေး

ကိုယ်မှန်တယ်ထင်ရင်
ကိုယ်ထင်ရာ တစိုက်မတ်မတ်လုပ်တဲ့သူတွေဟာ
ဘဝမှာ အထိခိုက်အပွန်းပဲ့ အနာတရ များနိုင်တယ်
မိဘ ချပေးတဲ့ လမ်းလျှောက်သူတွေလို
Safe zone မှာ မရှိဘူး
ဒါပေမယ့်… သာရင်လဲ စံ နာရင်လဲ အော်မငို
မိဘတောင် အကူညီမတောင်းသလို
ကိုယ်လုပ် ကိုယ်တိုင်ဘဲကြိတ်ခံပီး
အမှားတွေကနေ သင်ယူရင်း ပိုတိုးတက်လာတယ်
ကိုယ်ပိုင်ဆုံးဖြတ်ချက်တွေ ပြင်ဆင်ချမှတ်ရင်း
စွန့်စားမှုနဲ့ ထိပ်ဆုံးကို ရောက်လာတယ်

မိသားစုထဲမှာတော့
သူတို့ အောင်မြင်အောင် လက်တွေ့ လုပ်မပြနိုင်မချင်း
ခေါင်းမာ တဇွတ်ထိုး ပြောမရ ဆိုမရ
သားသမီးဆိုးဆိုတဲ့ ဘွဲ့ထူးကို ရရှိနေမှာ ဖြစ်တယ်

ကိုယ်လုပ်ချင်ရာ လုပ်ရင်း ကျရှုံးတိုင်းမှာလဲ
ငါ့စကားမှ နားမထောင်တာ ဖြစ်မှာပေါ့
ငါပြောသားဘဲ ဒီလိုဖြစ်မှာ ငါကြိုမြင်နေတယ်မှတ်ပေါ့ စတဲ့
အပြစ်တင်မှုတွေကို ခံယူနေရမှာ ဖြစ်တယ်

ဒါတွေကို ခေါင်းမာမာနဲ့ ကိုယ်ယုံကြည်ရာကို
ဆက်လုပ်ဖို့ဆိုတာ တော်ရုံ ခေါင်းမာမှူနဲ့ မရဘူး

အဲ့ ခေါင်းမာပီး အာခံပီး အတိုက်အခံလုပ်ပီး
ကိုယ်လုပ်ချင်ရာကို တဇွတ်ထိုးဆက်သွားနေခြင်း
စိတ်ဆန္ဒ ပြင်းပြမှု Burning desire ကြောင့်ဘဲ
သူ ဉာဏ်ရှိရင် ရှိသလို မြန်မြန်ဆန်ဆန်
တနေ့မှာ သေချာပေါက်အောင်မြင်လာမှာ

ကိုယ်ဟာ တစုံတယောက်ရဲ့ လွှမ်းမိုးမှု အောက်မှာ
လောင်းရိပ်မိနေတုန်းလား ?
ကိုယ့်ကိုယ်ကို မေးကြည့်ပါ …

#တီချယ်ဇိုးကြီး