Zwe Myat Maung Maung

အိမ်ရဲ့ဘုရင်မင်းမြတ်🫅🫅
အိပ်ချိန်မမှန်ပေမဲ့ ချစ်ဖို့ကောင်းလွန်းလို့ ခွင့်လွှတ်လိုက်တယ် 😴

Ryan Lay Cute.🫅💙I love you all.

5လအရွယ်ကလေးလေးတွေကဒါဘာလုပ်တာလဲသိကြလားမေမေတို့ရေ

Happy 4month birthday 🎂🎉🎂

💡 မွေးကင်းစကလေးငယ်တွေ ဘာကြောင့် ငိုတတ်သလဲ?
ကလေးငယ်တွေ ငိုတာဟာ သူတို့ရဲ့ တစ်ခုတည်းသော ဆက်သွယ်ရေး စကားပြောနည်း ဖြစ်ပါတယ်။ ငိုရတဲ့ အကြောင်းရင်းတွေကတော့ -
ဗိုက်ဆာလို့တာ။ (နှုတ်ခမ်းလေးတွေ လှုပ်စိလှုပ်စိလုပ်တာ၊ လက်စုပ်တာမျိုးအရင်ပြတတ်ပါတယ်)
သေးခံ/အနှီး စိုနေလို့။ (မသက်မသာ ဖြစ်လို့ ငိုတာပါ)
လေပွနေလို့။ (နို့စို့ပြီးတိုင်း လေထုတ်ပေးဖို့ လိုပါတယ်)
အိပ်ချင်လို့ ဂျီကျတာ။
: ကလေးငိုတိုင်း နို့ပဲ အတင်းတိုက်မယ့်အစား ကလေးရဲ့ အနှီးကို စစ်ဆေးတာ၊ ပွေ့ချီပြီး လှုပ်ခါပေးတာမျိုး အရင်လုပ်ကြည့်ပေးပါ။

ကလေးနို့တိုက်နေတဲ့မေမေတိုင်း သိသင့်တဲ့ ရှောင်ရန် ဆောင်ရန် အချက်များ

🤱🏻 မီးဖွား ပြီးတဲ့ အမျိုးသမီးတိုင်း ကိုယ့် ရင်သွေးလေးကို နို့ချိုတိုက်ကျွေးတယ် ဆိုတာ သဘာဝတရားကြီးက ဖန်တီး ပေးထားတဲ့ ဖြစ်စဉ်တခု ပါ ။

🤱🏻 ကလေးနို့တိုက်နေတဲ့မေမေတိုင်း ကလေး မွေးပြီးတာနဲ့ နို့တိုက်လိုက်ရုံပဲဆိုပြီး ထင်သလောက်တော့ မလွယ်ကူပါဘူး ။

🤱🏻 ကလေး တယောက်ရဲ့ ကျန်းမာ ဖွံ့ဖြိုးမှုက မေမေတို့အပေါ်မှာ အများကြီး မူတည်နေတဲ့ အတွက် နို့တိုက် နေတဲ့အချိန် မေမေတို့ သိထားသင့်တဲ့ ရှောင်ရန်ဆောင်ရန် အချက်တွေကို ခု ဆောင်းပါးလေးထဲမှာ ပြောပြပေး ချင်ပါတယ် ။

ကလေးနို့တိုက်နေတဲ့မေမေတိုင်း သိထားသင့်တဲ့ ဆောင်ရန် အချက်များ
🍼 နို့ဦးရည် ဆိုတာ ကလေး အတွက် အကျိုးရှိစေမယ့် အာဟာရတွေ ချည်းပဲ ပါတာကြောင့် မွေးမွေးပြီးချင်း ကလေးကို နို့ဦးရည် တိုက်ဖြစ်အောင် တိုက်ပါ ။
💧 ရေ များများ သောက်ပါ ။ ရေ များများသောက်တာကြောင့် နို့ထွက်တာကောင်းမယ့်အပြင် သင့် ကိုယ်ခန္ဓာထဲက မကောင်းတဲ့ အဆိပ်အတောက်တွေကိုလည်း ဖယ်ရှား ပေးပါတယ် ။

🍱 အာဟာရရှိတဲ့အစားအသောက်တွေ အကုန်စားပါ ။ မေမေ တယောက်စားတဲ့ အစားအသောက်တွေထဲမှာ အသားငါး၊ အသီးအနှံတွေက ပါကိုပါသင့်တဲ့အရာတွေပါ။
❌ မီးဖွားပြီးရင် ငါးခြောက်ဖုတ်နဲ့ပဲ ထမင်းစားရမယ်ဆိုတဲ့ အယူမှားတွေကို နားမယောင်မိပါစေနဲ့။ ။
🍼 နို့ကို တနေ့ ဘယ်နှခေါက် တိုက်ရမလဲဆိုတာ ပုံသေမရှိတဲ့အတွက် ကလေးနို့ဆာတိုင်း နို့တိုက်ပါ ။ ကိုယ်အပြင်သွားစရာ ကိစ္စရှိနေရင် နို့ကို ညှစ်ပေးခဲ့ပြီး ဘယ်လို စနစ်တကျ သိမ်းထားရမလဲဆိုတာကို သေချာ လေ့လာထားပါ ။
💡 အရေးအကြီးဆုံး အချက်ကတော့ ကလေး အသက် ၆ လအထိ မိခင်နို့တစ်မျိုးတည်း တိုက်ဖို့ပါ ။

🤱🏻 နို့တိုက်ချိန် ကိုယ့်ကလေး တနေ့ကို ဝမ်းဘယ်နှစ်ကြိမ် ပုံမှန်သွားသင့်လဲဆိုတာ ဆရာဝန်တွေဆီက မေးမြန်းထားပါ ။ ဒါမှ lactose intolerance လို့ခေါ်တဲ့ မိခင်နို့နဲ့ မတည့်လို့ ဝမ်းလျှောနေလား၊ ပုံမှန်ပဲလားဆိုတာ သင်သိမှာပါ ။

🌸 နို့သီးခေါင်း တစ်ဝိုက်ကို အမြဲ သန့်သန့် ရှင်းရှင်း ထားပါ။ နို့ပွေးတွေ ပေါက်တတ်တာကြောင့် နို့ပေသွားတဲ့ ကလေး ပါးကိုလည်း သန့်ရှင်းပေးပါ ။
🌼 ကလေးနို့တိုက်နေတဲ့မေမေတိုင်း က ကောင်း ကောင်း အနားယူဖို့လည်း လိုပါတယ် ။ ဒါမှ နို့လည်းများများထွက် မိခင်လည်း ကျန်းမာ ကလေးလည်း ကျန်းမာမှာ ဖြစ်ပါတယ် ။
🌺 ကလေးကို ဘယ်လို နို့ တိုက်ရမလဲဆိုတာ သေချာလေ့လာထားပါ ။ နို့ တိုက်တဲ့ အချိန်မှာ ဘယ်ရော ညာရော ကလေးကို ပေးစို့ပါ။ နို့ မထွက်လည်း ကလေးကို ဆက်စို့ ခိုင်းပါ ။
🍀 နို့ မထွက်လို့ နို့ အုံတင်းပြီး နာနေရင် ပျော့သွားအောင် ရေနွေး ဖြစ်ဖြစ် ရေခဲဖြစ်ဖြစ်ကပ်ပြီး ချေပေးပါ ။ နာမှာ မကြောက်ပါနဲ့ ။ မချေဘဲထားလေ ပိုတင်းလေ၊ နို့ကြောင်းပိုပိတ်လေဖြစ်တတ်လို့ပါ ။

ကလေး နို့တိုက်နေတဲ့ မေမေတိုင်း သိထားသင့်တဲ့ ရှောင်ရန် အချက်များ

🤱🏻 သင်စားသမျှ အကုန် နို့ကနေ ကလေးဆီ ပြန်ရောက်တဲ့ အတွက် စိတ် အလိုလိုက်ပြီး တွေ့ကရာလျှောက်မစားပါနဲ့။ ကဖင်းဓာတ်ပါတဲ့ အစားအသောက်တွေနဲ့ အစပ်တွေကို နို့တိုက်နေတဲ့ အချိန် ရှောင်ပါ ။
🤱🏻 ကလေး နို့များများစို့မှ အာဟာရတွေရမှာဆိုပြီး ကလေးကို အတင်း နို့ချည်းဖိတိုက်မနေပါနဲ့ ။ နို့တွေပြန်အန်တတ်လို့ပါ ။
🤱🏻 ကလေး အသက် ၆လထိ မိခင်နို့တမျိုးတည်း တိုက်ရမှာ ဖြစ်တာကြောင့် ❗ ရေတောင် မတိုက်ပါနဲ့။ ကလေးရဲ့ အူက နနယ်တဲ့အတွက် ဆရာဝန်ညွှန်ကြားချက်မရှိဘဲ မိခင်နို့တိုက်လိုက် နို့ဘူးတိုက်လိုက်လည်း မလုပ်ပါနဲ့ ။
🤱🏻 ဒါတွေကတော့ ကလေးနို့တိုက်နေတဲ့မေမေတိုင်း သိသင့်တဲ့ ရှောင်ရန် ဆောင်ရန် အချက်တွေပါ ။ နို့တိုက်နေတဲ့ မေမေတွေ အားလုံးအတွက် အထောက်အကူ ဖြစ်စေမယ်လို့ ထင်ပါတယ် ။
🤱🏻 မိခင်နို့တိုက်ပြီး ကလေးနဲ့ ကိုယ်ကြား ရင်းနှီးနွေးထွေးတဲ့ ဆက်ဆံရေးတစ်ခုကို မေမေတိုင်း တည်ဆောက် နိုင်ကြပါစေ ။

Dr. Thin Yadanar @ Frances မှ ရေးသားသည်။