May's Everything

အခုနောက်ပိုင်းမှာ ကိုယ်ဟာ ပူလော၊င်ရတာတွေ မကြိုက်လို့
တတ်နိုင်သမျှ ရှောင်ပါတယ်

အဲ့ဒီအထဲမှာမှ ကိုယ့်ကိုယ်ကို သင်ယူဖြစ်နေတဲ့အရာတွေထဲမှာမှ တစ်ခုက
ရုတ်သိမ်းခြင်း ပါပဲ

အရင်ကဆို ငါစေတနာထားရင်ပြီးတာပဲ
တဖက်က ဘယ်လိုနေနေဆိုတာမျိုးရှိတယ်

အခုနောက်ပိုင်းတော့ ပြောင်းလဲသွားတယ်
စေတနာထားတယ် လိုတာထက် ပိုထားတယ်
ဒါပေမဲ့ ပေးဖို့ မတန်တော့ဘူးလို့ထင်လာရင် ရုတ်သိမ်းလိုက်ပါတယ်

မေတ္တာထားတယ်
ကိုယ့်အနားရောက်လာသူတွေကို
မေတ္တာတွေ လုံလုံခြုံခြုံပေးဖြစ်တယ်
ဒါပေမဲ့ ပေးဖို့ မတန်တော့ဘူးလို့ ခံစားလာရရင်
ရုတ်သိမ်းလိုက်တယ်

လေးစားမှုတွေပေးထားတယ် မတန်တော့ဘူးလို့ထင်ရင်
ရုတ်သိမ်းလိုက်ပါတယ်

ပေါပေါပဲပဲတွေတစ်ခုမှ မပေးထားတာမို့
မတန်ဘူးလို့ခံစားလာရရင်
ပြန်ရုတ်သိမ်းခြင်းဖြင့် ကိုယ့်တန်ဖိုးကို
ကိုယ်စောင့်ရှောက်ပါတယ်

ပေးဖို့ မတန်ရင် မပေးပါဘူး
ပေးမိပြီး မတန်ဘူးလို့ ခံစားလာရရင်လည်း
ပြန်ရုတ်သိမ်းပါတယ်.

ဈေး မပေါလို့ပါ..

Crd_to
,,

ဒီနေရာရောက်ဖို့
အရမ်းကြိုးစားနေရတဲ့သူတွေရှိသလို

ဒီနေရာကနေလည်း
ပြန်ပြီးပြေးထွက်ချင်တဲ့သူတွေရှိတယ်

ရှင်လျက် အနိုင်ပိုင်းသွားတဲ့သူတွေရှိသလို

ခန္ဓာကိုယ် တစိတ်တပိုင်းကို
အပြီး ထားပစ်ခဲ့ရတဲ့သူတွေရှိတယ်

အဆိုးဆုံးကတော့ မိသားစုဆီ

ပြာအဖြစ်နဲ့သာ ပြန်ခဲ့ရတဲ့သူတွေပေါ့

ဖုန်းကိုလဲ ယူမစစ်နဲ့၊
messenger ထဲလဲ ယူမကြည့်နဲ့၊
contacts တွေထဲလဲ လိုက်မရှာနဲ့၊
viber တွေထဲလဲ ဝင်မကြည့်နဲ့။
အရိပ်တကြည့်ကြည့်နဲ့လဲ စိတ်မချမဖြစ်နဲ့။

အဲ့ဒါ relationship တစ်ခုမှာ လုပ်စရာမလိုအပ်တဲ့
အပိုအလုပ်တွေပဲ။

ကိုနဲ့နှိုင်းယှဥ်လိုက်..
သူမှသူဖြစ်နေတဲ့အခါ..တစ်ယောက်ထဲနဲ့ကို
ပြည့်စုံနေပြီ။

တကယ်ဖောက်ပြန်ချင်တဲ့လူက
"သမုက္ခသိင်္ဂီ ကို အာခံတွင်းထဲထည့်ပြီး ငုံထားတဲ့ တာနောယက္ခဘီလူး"လိုပဲ
ဘယ်လောက်ပဲ ငုံထားစေအုံး..နောက်ဆုံးဖောက်ပြန်မှာပဲ။

ပြီးတော့ တကဲ့လက်တွဲဖော်စစ်စစ်ဆိုတာ..
Privacy( လျှို့ဝှက်ခြင်း) ရှိမနေဘူး။

အစထဲကမှ မရိုးရှင်း၊စိတ်မချရရင်...
နောက်လဲ 😞😞စိတ်ထဲတထင့်ထင့်နဲ့ တအုံတနွေးနွေးနဲ့ သွားရမှာ။

ကျနော်ပြောတာ လက်ခံပါ၊
Privacy ရှိတဲ့လူကို ဘယ်တော့မှ ဘဝအတွက်မရွေးပါနဲ့။
ရွေးချယ်မိထားရင်လဲ တဖြေးဖြေးဆုတ်ခွာပါ။

ဘဝဟာ ပျော်နေဖို့ အဓိက ဖြစ်တယ်။
လုပ်ချင်တာတွေကို လုပ်ရမယ်။
သွားချင်တယ်ဆို သွားရမယ်။
စားချင်တယ်ဆို စားရမယ်။
ချစ်ချင်ရင်လဲ ချစ်ရမှာပဲ။
စည်းလွတ် ဘောင်လွတ် မဖြစ်တာ သေချာရင်
သူများကိုလဲ မထိခိုက်တာ သေချာရင်
ချစ်တာဖြစ်ဖြစ်၊ မုန်းတာ ဖြစ်ဖြစ်
ကိုယ်ပျော်တာကို လုပ်လို့ ဖြစ်တယ်။

အမြဲ ကြည့်လိုက်ရင် တစ်ယောက်တည်းပဲ
မပျင်းဘူးလား တဲ့
ဘယ်လိုပြောရမလဲ
တစ်ယောက်တည်း ပျော်နေတာတော့မဟုတ်ဘူး
ဒါပေမဲ့ တစ်ယောက်တည်းရှိနေရလို့ ဆိုပြီး
စိတ်ညစ်နေတာမျိုးလည်း မဟုတ်ဘူး
ဒီတိုင်း နေသားတကျဖြစ်နေတာ ထင်တယ်

ဘယ်သူ့ဆီကမှ ဖုန်းမဆက်လာလည်း
ကောင်းကောင်းမွန်မွန် နိုးထလာမယ်
စားချင်တာရှိ ထစားလိုက်ပြီး
သွားချင်တဲ့နေရာဆိုလဲ ဖုတ်ဖတ်ခါ ထသွားလိုက်တာပဲ
မျက်နှာပြောင်နဲ့ ဖြစ်နိုင်သလို
အိမ်နေရင်း အဝတ်အစားနဲ့လည်း ဖြစ်နိုင်တယ်
ပျင်းတယ် မဟုတ်လား
ကိုယ်စိတ်ပျော်‌စေတာတွေ ရှာလုပ်မယ်
စာဖတ်မယ်
ရုပ်ရှင်ကြည့်မယ်
ဂိမ်းဆော့မယ်
သီချင်းတွေ နားထောင်မယ်
တခါတလေ ဟာသတွေလျှောက်ကြည့်ပြီး
တစ်ယောက်တည်း ရယ်ချင်လဲရယ်နေမှာပေါ့
အဲ့လိုမှမရတဲ့အဆုံး‌တော့
တရေးတမော အိပ်လိုက်မယ်လေ

တစ်နေ့တာကို ဒီလ်ိုပုံစံမျိုးနဲ့ပဲ
ဖြတ်သန်းနေရလို့ ရိုးအီမသွားဘူး
ဘာလို့ဆို အထွေအထူးမဟုတ်တဲ့
လုပ်နေကျအရာတွေထဲမှာ
ကိုယ့်ရဲ့ပျော်ရွှင်မှုတွေ ရှိနေတယ်

တစ်ယောက်ယောက်ကို အနားမှာရှိနေစေချင်လားဆိုရင်
တစ်ခါတစ်ရံတော့ အဲ့လိုစိတ်မျိုးဖြစ်မိတယ်
ဒါပေမဲ့ ဘယ်သူမှမရှိလည်း
ရေးကြီးခွင်ကျယ် ကိစ္စတော့ မဟုတ်ဘူး

ကိုယ့်ပျော်ရွှင်မှုကို
လူတစ်ယောက်အပေါ် ပုံချထားလိုက်ရင်
အဲ့လူမရှိတော့တဲ့အခါ
ဘဝကို ဘယ်လိုရှေ့ဆက်ရတော့မှန်းမသိလောက်တဲ့ထိ
အဆင်မပြေဖြစ်ရနိုင်တယ်

ကိုယ်ကတော့ ရှင်းပါတယ်
တစ်ယောက်တည်းနေပျော်ပြီး
ဘာမှစိတ်မရှုပ်ရတာကိုပဲ ကျေနပ်နေပြီ

ကိုယ်လူတစ်ယောက်ကို ဘယ်တော့မှ
ထိန်းချုပ်မှာမဟုတ်ဘူး။
ဖေဖေကအမြဲပြောတယ်။
"ကြွေကျတဲ့ အသီးဟာ အချိုဆုံးပဲ "တဲ့။
အဲ့ဒီ့လိုပဲ ကိုယ်လည်း သူစိမ်းတယောက်ဆီက
ဘယ်အရာကိုမှ အတင်းရယူဖို့ ကြိုးစားမှာ မဟုတ်ဘူး။
ချစ်ခြင်းတွေ ဖြစ်စေ၊ မုန်းခြင်းတွေ ဖြစ်စေ အဲဒီ့လူပေးတဲ့ အတိုင်းပဲ ကိုယ်လက်ခံမယ်၊ကိုယ် တုံ့ပြန်မယ်။
နောက်ပြီး လူတစ်ယောက်ရဲ့ နေထိုင်မှုဘဝပုံစံတခုကိုလဲ ဘောင်ခတ်မှာ မဟုတ်ဘူး။
စိတ်သာရှိရင် ဘာမဆိုဖြစ်နိုင်တယ်မဟုတ်လား။
ဆင်ခြေတွေဟာလဲ သူ့စိတ်ပဲ၊
ရလဒ်တွေဟာလဲ သူ့စိတ်ပဲ။
ကိုယ့်အတွက်နဲ့ ကောင်းတဲ့ဘက်ကို တိမ်းမလား၊
ဆိုးတဲ့ဘက်ကို ယိမ်းမလားဆိုတာ
အဲဒီ့လူအပေါ်ပဲ မူတည်တယ်။
ပြောမှသိမှာပေါ့ ဆိုတဲ့စကားက အရာရာမှာ
အသုံးမဝင်ဘူး။ တချို့အရာတွေက နှလုံးသားနဲ့
ခံစားရုံနဲ့သိရ၊ မြင်ရ၊ နောက်ပြီး ပြုပြင်လို့ရတယ်။
အလိုက်သိတတ်တဲ့ လူတယောက်သာအနားမှာရှိရင်
ငါတို့ ဆက်ဆံရေးတိုင်းဟာ ထင်သလောက် ဆိုးရွားကြမှာမဟုတ်သလို ၊ ဘယ်သူ့ ဘဝအစိတ်အပိုင်းမှာမှ ငါတို့ လူဆိုးဖြစ်မှာ မဟုတ်ဘူး။
အလိုက်တသိပေးတာကို ပဲယူမယ်၊
မတောင်းဆိုဘူး၊မတိုက်တွန်းဘူး။
ထိုက်တန်တဲ့သူဆီမှာနေမယ်၊
တန်ဖိုးရှိတဲ့ လူတယောက် လက်ထဲမှာ
ငယ်ရွယ်ချိန်တွေကို ကျေကျေနပ်နပ်ကုန်ဆုံးမယ်။
လူတစ်ယောက်ကိုတော့ အမုန်းခံပြီး မပြုပြင်ဘူး။
အချစ်ခံရဖို့ အတွက်နဲ့ ထပ်ပြီး အမုန်းမခံတော့ဘူး။

ငါးလေးက ရေမရှိရင် မဖြစ်ပေမဲ့
ရေကတော့ ငါးမရှိလဲ ဖြစ်တယ်တဲ့

စာသားလေးက အဓိပ္ပါယ်အပြည့်ပဲ

ဘယ်သူနဲ့ပဲ စိတ်ဆိုးဆိုး
ဘယ်သူ့ကိုပဲ ခွင့်မလွှတ်နိုင်လောက်အောင် မုန်းမုန်း
သွေးအေးသွားတဲ့အချိန်မှာ
အဲဒီလူနဲ့ ပတ်သက်ပြီး ကောင်းတဲ့ အချက်တွေကို အမြဲ ပြန်စဉ်းစားဖြစ်တယ်..။

လူဆိုတာကတော့
တစ်ယောက်နဲ့ တစ်ယောက်
မတူကြတာမို့ စိတ်အခန့်မသင့်တာ ရှိမှာပဲ။

တစ်ခါတလေ ကိုယ့်စိတ်နဲ့ ကိုယ်တောင် အလိုမကျရတာနဲ့ စိတ်မရှည်ရတာနဲ့ ရှိကြသေးတာပဲ။ သူများတွေလည်း အဆင်မပြေတာမျိုးက ရှိမှာပဲလေ

ဒေါသတကြီးနဲ့ အရင်ကဆိုရင်
စိတ်မထိန်းမိဘဲ မြန်မြန်ဆန်ဆန် တုံ့ပြန်တတ်တယ်..။ တစ်ခါတလေ ဒေါသကြောင့် အမှားလုပ်မိတာမျိုးရှိတယ်..။

တစ်ချို့အရာတွေက ဒေါသဖြစ်နေတဲ့အချိန်မှာမမြင်နိုင်ဘူးလေ သွေးအေးသွားမှ မြင်နိုင်တာ ဘယ်လောက်ပဲ စိတ်ကောက်ကောက် စိတ်တိုတို ကောင်းတာလေးတွေ ပြန်စဉ်းစားပြီး ခွင့်လွှတ်ဖြစ်တယ်..။

ငါ့ကို ဘယ်တုန်းက ဘယ်လိုကောင်းခဲ့ဖူးတာပဲ ငါ့ကို ကူညီပေးခဲ့ဖူးတာပဲ... စသဖြင့် ကောင်းတဲ့အရာတွေပဲ စဉ်းစားပြီး
ခွင့်လွှတ်ပေးလိုက်တယ်..။

အကယ်၍
အဲဒီဆက်ဆံရေးဟာ ဆုံးခန်းတိုင်နေပြီဖြစ်နေတဲ့ ဆက်ဆံရေးဆိုရင်တောင်မှ အမုန်းတွေနဲ့ မမှတ်မိချင်ဘူး..။ ကိုယ်တိုင်အေးချမ်းချင်သလို တစ်ဖက်သူအပေါ်လည်း ငြိမ်းချမ်းစေချင်ပါတယ်..။

ငါ့ကို ဘယ်လိုလုပ်လို့
ဘယ်လိုပြန်လုပ်လိုက်မယ်ဆိုတဲ့ စိတ်နဲ့
ငါ့အကြောင်း ကောင်းကောင်းသိစေရမယ်ဆိုတာမျိုးတွေ ဘယ်သူ့အပေါ်မှာမှ မထားပါ..။

ကာယကံမှု မမြောက်ခင် မနောကံရဲ့
စိတ်တန်ခိုးဟာ ပိုမြန်ပါတယ်..။
ချစ်လို့ဖြစ်စေ မုန်းလို့ ဖြစ်စေ သံသရာမရှည်ချင်တော့ပါ..။ အထူးသဖြင့် အမုန်းတွေကို
ဝဋ်ကြွေးလို လက်ဆင့်မကမ်းချင်တော့ပါ..။

ဓာတ်သဘောဆိုတာ
ကူးစက်နိုင်တယ်..။
အပူဖြန့်ရင် အပူကူးလိမ့်မယ်..။

အေးချမ်းတဲ့ဓာတ်ကို ဖြန့်ရင် အေးချမ်းလာစေ လိမ့်မယ်...။

#ဘယ်အရာမှတည်မြဲခြင်းမရှိပါ

လက်ခံခြင်းဟာ Healing အစပါ တဲ့။

မဖြစ်နိုင်တော့တာကို လက်ခံခြင်း…
အနုတ်ဘက်ရောက်လာတာကို လက်ခံခြင်း…
ပြန်မကောင်းနိုင်တော့တာကို လက်ခံခြင်း….
မချစ်တော့တာကို လက်ခံခြင်း….
ရလဒ်ကောင်း မထွက်နိုင်တော့တာကို လက်ခံခြင်း။

ဘဝမှာ လက်ခံနိုင်မှ ရှေ့ဆက်နိုင်တာပါ၊၊
မဖြစ်နိုင်တော့တဲ့ အရာတွေဟာ တစ်ခုမက
ရှိနေတတ်တာကို လက်ခံနိင်မှ သန်မာတာပါ။

မြန်မြန် လက်ခံနိင်ခြင်း ကသာ ခဏ ဖြစ်ဖြစ်
နာကျင်မှုတွေကနေ သက်သာစေနိင်တာပါ။

Daniel Van Hu Lian