Missha&A'pieu

Тархи бол романтик эрхтэн биш.

Тэр бол биений чинь command center (удирдлагын төв), power management system (эрчим хүчний зохицуулагч), бас заримдаа чиний амьдралыг балладаг хамгийн хогийн новш, бас хамаг бүдүүн “CEO” юм.

Хамгийн сонирхолтой нь:

1. Тархи ердөө 1.3–1.4 кг.
Биеийн жингийн дөнгөж 2%.

Гэтэл нийт энергийн чинь 20–25%-ийг дангаараа шатаадаг.

Өөрөөр хэлбэл:

100 ажилтантай компани байлаа гэж бодъё. Тархи бол ганцхан хүн мөртлөө компанийн цахилгааны дөрөвний нэгийг ганцаараа хэрэглэдэг дарга.

Шударга биш байгаа биз?

Гэхдээ тэр даргагүй бол компани шууд хаагдана, дуусаа.

2. Тархи голчлон глюкозоор (glucose = чихрийн энгийн молекул) ажилладаг.

Тархины үндсэн түлш: → Глюкоз (сахар гэсэн үг)

Өдөрт ойролцоогоор 120 грамм глюкоз хэрэглэнэ.

Энэ нь бараг:

• 3 аяга будаа
эсвэл

• 5–6 банана-тай тэнцэнэ.

Чи өлсөөд ууртай болдог шалтгаан? Энгийн.

Тархи:
“Шатахуун дуусаж байна” гэж орилж байгаа хэрэг.

Тиймээс өлссөн хүнтэй маргах бол:
шатахуунгүй машинтай уралдаж байгаа юм шиг хэрэггүй зүйл.

Аа харин, орой унтахын өмнө хэт чихэрлэг зүйл, тухайлбал маруууужин идсэн хүүүхэд унтаж өгөхгүй дэгдэгнээд байдгийн цаад шалтгаан нь энэ. Тархинд нь маш их тэжээл очиж сэргэлэн цовоо болсон тул тархи ажиллаж эхэлж байгаа нь тэр юм.

3. Тархи хүчилтөрөгчийн мангас.

Биеийн нийт хүчилтөрөгчийн 20%-ийг авдаг.

5 минут хүчилтөрөгчгүй бол:
neuronal death (мэдрэлийн эсийн үхжил) эхэлнэ.

10 минут бол?
Тоглоом бараг дуусна.

Өөрөөр хэлбэл:
тархи бол Ferrari хөдөлгүүр.
Бензингүй бол зүгээр төмөр.

Иймээс муужрах, өөрийгөө ухаан алдуулах тоолонд тархи бага хэмжээгээр гэмтэж байдаг. Утаа залгих ямар аймаар байдгийг доод айлд гал гарсан хүмүүс л сайн ойлгож байгаа.

4. Тархи өөрийгөө эхэлж идэж чаддаг.

Удаан өлсөхөд: бие ketone bodies (кетон бие) ашиглаж эхэлдэг. Энэ бол backup fuel (нөөц түлш) -ээ хэрэглэх тухай ойлголт юм.

Гэхдээ эхлээд бие булчингаа задална.

Өөрөөр хэлбэл:
“Тархиа ажиллуулахын тулд өөрийн биеэ шатааж байна.” гэсэн үг. Аймар боловч чамд яг одоо байгаа нөөц логик бол энэ юм. Хэрвээ чи юм идэхгүй бол хамаг бүдүүн дарга тархийг өлсгөхгүйн тулд булчингаа идэхээс өөр аргагүй. Булчин "будаа болж" болно, тархи өлсөж болохгүй. Иймээс өлсөх маягаар турж байгаа үедээ уураг заавал хэрэглэ эээ гээд байдаг нь энэ юм. Уураг хэрэглэвэл булчингаа алдахгүй бөгөөд тархи чинь давхар өөх шатаахыг тушааж эхэлнэ. Булчингаа алдчихвал бие чинь ямар их хохирол амсах вэ гэдгийг БУЛЧИН-гийн тухай бичсэн постоос олж уншаарай.

5. Тархи өвдөлт мэдэрдэггүй.

Тийм ээ.
Тархи өөрөө өвдөлтийн рецепторгүй.

Толгой өвдөж байгаа нь: тархи биш !!

Эргэн тойрны судас, хальс, булчин өвдөж байна.

Ингээд бод доо:
амьдралын бүх өвдөлтийг боловсруулдаг эрхтэн өөрөө өвдөлт мэдэрдэггүй. Энэ бол хэн ч ойлгодоггүй - байгалийн ёстой харгис архитектур билээ.

6. Тархи шөнө “угаагддаг”.

Унтах үед glymphatic system (тархины хаягдал зайлуулах систем) ажилладаг.

Өдөржин хурсан:

• beta-amyloid (хорт уураг)

• metabolic waste (бодисын солилцооны хог)

зэргийг зайлуулна.

Унтахгүй бол?

Хог ачдаг машин ажиллахгүй гэсэн үг.

3 өдөр унтахгүй байвал юу болох вэ гэвэл:
тархины систем чинь яаж лаг шавар болохыг чи мэдэрч болно. Тэр хур хогийг тархи чинь дийлэхгүй. Ингээд хагас дүйнгэ, мангардуу хүн болж хувирна. Нялх хүүхэд олон зүйлийг тэвчиж чадах боловч нойргүй байхыг хамгаас тэвчиж чаддаггүй билээ. Удаан тухтай унтсан нялх хүүхэд ямар сайхан ааштай байдгийг бид мэднэ.

7. Архины хамгийн том золиос нь тархи.

Alcohol (этанол) нь:
prefrontal cortex (урд тархи)-ийг түр унтраадаг.

Энэ хэсэг:

• шийдвэр гаргана

• ичих мэдрэмжийг удирдана

• эрсдэлийг тооцно

Тиймээс архи уусан хүн: өөрийгөө ухаантай болсон гэж боддог.

Үнэндээ?
Удирдлагын төв нь offline болчихсон байдаг. Яг drunk CEO. Ингээд чи илүү дутуу юм ярьж, тэнэгтэж, ичиж зовохоо мэдэхээ байчихдаг. Яагаад гэдгийг одоо чи ойлголоо. Чиний урд тархи архинд живчихсэн, ажиллагаагүй болсон байгаа. Ингээд тархины бусад хэсгүүд дураараа дургиж байгаа нь согтуу чиний үйлдэл болж хувирна.

8. Тархи plastic (уян хатан).

Үүнийг neuroplasticity (мэдрэлийн уян хатан чанар) гэдэг.

Давтан хийсэн үйлдэл болгон мэдрэлийн шинэ зам үүсгэдэг.

Тиймээс, Өдөр бүр:

• уурлавал → ууртай мастер болно

• архидвал → архины мастер болно

• ном уншвал → бодлын мастер болно

Тархи:
“Чиний давтсан зүйл л чиний хувь тавилан” гэж хэлдэг.

Товчхондоо, Тархи бол:
• бензин нь сахар,
• агаар нь хүчилтөрөгч,
• засвар нь нойр,
• программ нь дадал.

Чи түүнийг зөв тэжээвэл чамайг аварна.

Буруу тэжээвэл?

Чи өөрийнхөө хамгийн үнэтэй суперкомпьютерийг TikTok, стресс, архи, нойргүйдлээр ямар ч хэрэгцээгүй ачаалж, хүч чадал, энергийг нь дэмий үрж байна гэсэн үг. Одоо яая гэхэв, энэ бол чиний л хувь тавилан, сонгосон дадал чинь. Аа харин зөв юманд сургавал тархи чинь ямар цэцэн мэргэн болохыг чи аяндаа мэдрэх болно.