Mommy&Daddy Mongolia

-Шингэн пробиотиктой хүүхдийн Витамин Д
- Дөнгөж төрсөн нярайгаас эхэлж ууна
Нярайн гэдэсний дүүрэнгэ намдаана
Витамин Д нөхнө
-6 дусалд витамин Д 400IU

Захиалга өгөх утас-70138699

www.mommydaddy.mn

A Brand Specializing Prenatal and Postnatal Supplements

-Жирэмслэхээр төлөвлөж буй гэр бүл
- Жирэмсэн ээж, Хөхүүл ээж
- Дөнгөж төрсөн нярай
- Хүүхдэд зориулсан

БНСУ-ын тусгай брэнд

Mommy & Daddy

www.mommydaddy.mn

Онцлог: Шингэн, тосон, нунтаг хэлбэрээр тусгайлан бүтээгдсэн ямар нэг химийн бодис, барьцалдуулагч агуулаагүй ургамлын гаралтай
Эрүүл Мэндийн Нэмэлт Бүтээгдэхүүн

Бэлэн худалдаалагдаж байна

Захиалга өгөх утас; 70138699
Эмийн сангийн Орион программ-р захиалах боломжтой!!!

www.mommydaddy.mn

Жирэмсэний багц

1. Шингэн Төмөр -24 мг
- 40 мг
Төмрийн амтгүй, ходоодонд зовиургүй, өтгөн хатахгүй,
өлөн үед ууна
Өдрийн тун 1 уут

2. Тосон витамин Д 4000 IU —> Olive тосон суурьтай +Витамин Е 3,3 мг
Өдрийн тун 1 капсул

3. Шингэн Магни 200 мг —> усан үзмийн амттай + Витамин В1 -1.2 мг + Витамин В6 -10 мг
Өдрийн тун 1 уут

4. Шингэн Кальци 500мг —> жимсний амттай + Цайр 8,5 мг + Витамин Д 10 мг
Өдрийн тун 1 уут

5. Омега-3 —> Ургамлын гаралтай
Зөөлөн капсултай EPA &DHA -590 мг
Өдрийн тун 2 капсул

6. Жирэмсэн эмэгтэй зориулсан гэдэсний ашигтай бактер

Probiotics -5,000,000,000 (5 billion) CFU -5 тэрбум амьд ашигтай бактертай
Өлөн үед 1 уут ууна

7. Жирэмсэний хаван буулгах хулууны цай

Уутандаа 30ш
Халуун болон хүйтэнээр том саванд хандалж ууна

Тансаг үнэр амттай тунгалаг шар өнгөтэй

Захиалга өгөх утас-70138699
Эмийн сангууд Орион программ-р захиалга хийж болно

Албан ёсны борлуулагч;
АМУ МЕД ХХК

Хүүхдийн багц;

1. Шингэн пробиотиктой Витамин Д
6 дусалд 400IU + хөхний сүүнээс гаргаж авсан амьд лактобациллын бактеритай, 10 мл-р савлагдсан

Дөнгөж төрсөн нярайгаас эхэлж ууна

2. Хүүхдийн нунтаг пробиотик

2,000,000,000 (2 billion) CFU
2 тэрбум ашигтай бактер агуулсан

3. Зажилдаг хүүхдийн Витамин Д 1000IU 1 капсулд 150 мг вит Д агуулсан хайрцагтаа 60ш

4. Хүүхдийн шингэн төмөр 7 мг+ цайр + витамин Д агуулсан хайрцагтаа 30ш

Захиалга өгөх утас-70138699

Албан ёсны борлуулагч;
АМУ МЕД ХХК

Жич; БНСУ-ын 60 сая орчим хүн амд эрэлт хэрэгцээ ихтэй, алдартай бүтээгдэхүүн болно

ЭРҮҮЛ ЭЭЖЭЭС
ЭРҮҮЛ ХҮҮХЭД
АЗ ЖАРГАЛТАЙ ГЭР БҮЛ
Mommy & Daddy

Шингэн төмрийн бэлдмэл 40 мг

Жирэмслэхээр төлөвлөж буй ээж нар, жирэмсэн хөхүүл ээж нарт зориулсан химийн нэмэлт бодис барьцалдуулагч агуулаагүй шингэн, тосон нунтаг хэлбэрээр бүтээгдсэн тусгай брэнд!

Эрүүл эхээс
Эрүүл хүүхэд мэндлэнэ

www.mommydaddy.mn

Шууд захиалга хийж баталгаажуулаарай

Утас- 70138699

Гүзээлзгэний амттай шингэн төмрийн бэлдмэл. 🍓
Төмрийг микрокапсжуулаад шингэн хэлбэрт оруулсан учир ходоодонд цочрол өгөхгүй шингэн хэлбэртэй.
Жирэмсэн үеийн цус багадалтаас сэргийлнэ, жирэмсэн үед төмрийн бэлдмэл хэрэглэснээр төрсний дараа хүүхдийн төмөр дутагдлаас сэргийлнэ
Зориулалт:
1. Жирэмсний дунд болон сүүлийн 3 сард
2. Төрсний дараа хөхүүл ээжүүд
3. Төмрийн бэлдмэл шаардлагатай хүмүүс
4. Төмрийн бэлдмэлийг шахмал хэлбэрээр хэрэглэхэд хүндрэлтэй байдаг хүмүүст

Доорх линкээр онлайнаар худалдан аваарай.
https://mommydaddy.mn/products/281120/735500

Mommy & Daddy Mongolia

Хэрэгтэй мэдээлэл байна

❓БАМБАЙН ДУТАГДАЛ/ХАШИМОТО-Г ШИЙДЭХЭД ХОДООДНЫ ХҮЧИЛ БОЛОН НОЙР БУЛЧИРХАЙН ФЕРМЕНТИЙН ДУТАГДЛЫГ ЯАГААД НӨХӨХ ХЭРЭГТЭЙ БАЙДАГ ВЭ?

/БАМБАЙН ДУТАГДАЛ/ХАШИМОТО-н үүсэх механизмын тухай эхний 3 нийтлэлийг пэйжийн сүүлийн постуудаас уншаарай. Бүгд холбоотой, логик дараалалтай нийтлэлүүд учраас эхнээс нь уншихыг зөвлөе./

Изабелла Вентз (Izabella Wentz)-ийн Хашимото-н тухай номонд хоол боловсруулах замын дээрээс доош чиглэсэн механик үйл ажиллагааг хэрхэн хэвийн болгох тухай өгүүлдэг.

​Өмнөх постод гэдэсний хананы нэвчимтгий чанарыг (Leaky Gut) авч үзсэн бол, энэ нийтлэлээр хоол хүнсийг шим тэжээл болгон задалж шингээх үйл явц дахь хамгийн чухал хоёр хүчин зүйл болох ходоодны хүчил болон нойр булчирхайн ферментийн дутагдлыг хэрхэн нөхөх тухай дэлгэрэнгүй тайлбарлъя.
​

🔵 ​1. Ходоодны хүчил багасах хам шинж ба Хашимото (Hypochlorhydria)

​Хашимото болон ба бамбайн дутагдалтай хүмүүсийн дунд ходоодны хүчил бага байх үзэгдэл маш түгээмэл тохиолддог. Бамбай булчирхайн даавар дутагдахад ходоодны хүчил (HCl) ялгаруулалтыг хариуцдаг гастрин дааврын хэмжээ буурдаг байна.

​Ходоодны хүчил яагаад тийм чухал вэ?

◾​Уургийн задрал: Ходоодны хүчил хангалттай байж гэмээнэ уургийг амин хүчил болгон задалдаг. Уураг дутуу задарснаар гэдэсний ханыг гэмтээж, молекулын ижилсэл (Molecular Mimicry)-ээр бамбай булчирхай руу дайрах аутоиммун урвалыг өдөөдөг.
​
◾​Шим тэжээлийн шингээлт: Төмөр, кальци, цайр, магни, ялангуяа витамин B12 зэрэг микро шим тэжээлүүд ходоодонд хүчиллэг орчин бүрдсэн үед л биед шингэх хэлбэрт шилждэг.

◾​Халдвараас хамгаалах усан хил: Ходоодны хүчтэй хүчил нь хоол хүнсээр дамжин орж ирж буй хортой бактери, вирус, шимэгч хорхой, хөгц мөөгөнцрийг устгах анхны хамгаалалтын хаалт болдог. Хүчил багассанаар нарийн гэдсэнд бактери хэт үржих хам шинж (SIBO) болон Хеликобактер (H. pylori) халдвар авах эрсдэл эрс нэмэгдэнэ.

​Хүчил бага байгаагийн гол шинж тэмдгүүд:

​Ходоодны хүчил багассан үед ходоодны амсар дутуу хаагдсанаас болж хүчил улаан хоолой руу буцаж цацагддаг. Үүнээс үүдэн хүмүүс ходоодны хүчил ихэссэн байна гэж андууран хүчил дарангуйлах эм уудаг нь Хашимотог улам дордуулдаг болохыг анхааруулдаг.

◾​Хоол идсэний дараа ходоод хүнд оргих, дүүрэх
◾​Цээж хорсох, улаан хоолойн сөргөө
◾​Амнаас эвгүй үнэр гарах
◾​Хумс хугарамтгай болох, үс унах (шим тэжээлийн дутагдлаас үүдэлтэй)
◾​Мах зэрэг хүнд хоолонд дургүй болох

🔵 ​2. Ходоодны хүчлийг оновчтой болгох шийдэл: Betaine HCl

​Изабелла ходоодны хүчлийг хэвийн хэмжээнд хүргэхийн тулд Betaine HCl (Pepsin-тэй хамт) нэмэлтээр хэрэглэхийг зөвлөдөг. Энэхүү нэмэлт нь Хашимототой хүмүүсийн ядаргааг тайлж, уургийн шингээлтийг сайжруулахад маш хурдан үр дүнгээ өгдөг байна.

◾1. Эхний өдөр - 1 капсул

Уураг ихтэй хоол (мах, загас, өндөг гэх мэт) идэх үедээ хоолныхоо дундуур эсвэл хоол идсэний дараа шууд 1 капсул (ихэвчлэн 500-650 мг орчим) Betaine HCl ууна. Ходоод хорсох, халуу оргих мэдрэмж төрж байгаа эсэхийг ажиглана.

◾2. Тун нэмэх үе шат - Дараагийн өдрүүдэд

Хэрэв ямар нэгэн хорсох мэдрэмж төрөхгүй бол дараагийн өдөр уурагтай хоол идэхдээ 2 капсул болгож нэмнэ. Ингэхдээ ходоод халуу оргих эсвэл бага зэрэг эвгүй оргих мэдрэмж төрөх хүртэл өдөр бүр 1 капсулаар тунг нэмнэ.

◾3. Тохирох тунг тогтоох - Эцсийн тун

Жишээ нь, та 5 капсул уухад ходоод бага зэрэг хорсож эхэлсэн бол таны өөрт тохирох "идэвхтэй тун" нь үүнээс нэг капсулаар бага буюу 4 капсул байна гэсэн үг юм. Үүнээс хойш уурагтай хоол идэх бүртээ энэ тунгаараа ууна.

(⚠️Анхаарах: Хэрэв та ходоодны шархлаатай, эсвэл аспирин, ибупрофен зэрэг үрэвслийн эсрэг стероид бус эм (NSAIDs), кортикостероид уудаг бол Betaine HCl-ийг хэзээ ч хэрэглэж болохгүй. Энэ нь ходоодны ханыг цоорох эрсдэлд хүргэнэ.)

​Ходоодны салст бүрхэвчийг нөхөн сэргээх

​Хэрэв ходоодны хана аль хэдийн шархлаатай, сөөргөөтэй эсвэл маш эмзэг байгаа бол шууд хүчил (Betaine HCl) ууж болохгүй. Эхлээд ходоодны салстыг хамгаалж, зузаатгах шаардлагатай. Үүнд дараах бодисуудыг ашиглана:

◾​DGL (Deglycyrrhizinated Licorice): Чихэр өвсний үндэснээс гаргаж авсан энэхүү бэлдмэл нь ходоодны салст бүрхэвчийг бүрхэж, хүчлээс хамгаалах бүрхүүл үүсгэдэг. Хоолны өмнө 20-30 минутын өмнө зажилж хэрэглэнэ.

◾​L-Glutamine: Гэдэсний хана болон ходоодны салст эсийн нөхөн төлжилтөд шаардлагатай гол амин хүчил.

​◾Marshmallow Root ба Slippery Elm: Эдгээр нь байгалийн салслаг ургамлууд бөгөөд ходоод, гэдэсний замыг зөөлрүүлж, үрэвслийг намдаана.

🔵 ​3. Системийн ферментийн эмчилгээ (Systemic Enzymes)

​Бамбай булчирхайн үрэвсэлтэй хүмүүст хоол боловсруулах ферментүүд (Amylase, Lipase, Protease) мөн дутагддаг. Изабелла хоол боловсруулах замын ачааллыг хөнгөлөх, үрэвслийг дарах зорилгоор ферментийг хоёр янзаар хэрэглэхийг санал болгодог.

◾ Хоол боловсруулах ферментүүд (Digestive Enzymes)

​Хэзээ уух вэ: Хоол идэх үед хамт ууна.
​Үйлчилгээ: Идсэн хоолыг бүрэн задалж, гэдэс дүүрэх, хий үүсэх, өтгөн хатахаас сэргийлнэ.

​◾ Системчилсэн ферментүүд (Wobenzym эсвэл Proteolytic Enzymes)

​Хэзээ уух вэ: Хоолноос хамгийн багадаа 1 цагийн өмнө эсвэл 2 цагийн дараа буюу хоосон ходоод дээр ууна.

​Үйлчилгээ: Ходоод хоосон үед уусан протеолитик (уураг задлагч) ферментүүд хоол боловсруулахад бус, шууд цусны урсгал руу ордог. Тэд цусан дахь үрэвслийн цитокинуудыг задалж, бамбай булчирхайн эсрэг биетүүдийг (TPOAb, TGAb) бууруулахад маш өндөр үр дүнтэй болохыг Изабелла өөрийн эмнэлзүйн практикт ажиглажээ.

🔵 ​4. Хоол боловсруулалтыг дэмжих амьдралын хэв маягийн өөрчлөлтүүд

​Эм, нэмэлт тэжээлээс гадна хоол боловсруулах физиологийн процессийг идэвхжүүлэх энгийн атлаа үр дүнтэй дараах дадлуудыг зөвлөдөг:

◾Парасимпатик төлөв рүү шилжих: Стресстэй, яарсан үед симпатик мэдрэлийн систем идэвхжиж, хоол боловсруулах замын цусны эргэлт эрс буурдаг. Хоол идэхийн өмнө 5-10 удаа гүнзгий амьсгал авч, тайвширч сурах хэрэгтэй.

◾Хоолоо маш сайн зажлах: Хоол боловсруулах үйл явц аманд эхэлдэг. Шүлсэнд агуулагдах амилаза фермент нүүрс усыг задалж, ходоодны ачааллыг 50% хөнгөлдөг. Хэсэг бүрийг дор хаяж 30 удаа зажлахыг зөвлөдөг.

◾Алимны цуу эсвэл Нимбэгний шүүс: Betaine HCl ууж эхлэхээсээ өмнө хоолны өмнө 1 халбага органик алимны цууг (Apple Cider Vinegar) усанд найруулан ууж, ходоодны хүчиллэг чанарыг аажмаар бэлтгэх боломжтой.

Сайн чанарын органик хүнс хэрэглэж, үнэтэй нэмэлт тэжээл уулаа ч ходоодны хүчил бага, фермент дутагдалтай бол тэдгээр нь биед шингэхгүй, зүгээр л урсаад өнгөрдөг. Тиймээс Хашимотог шийдэхийн тулд хоол боловсруулах галыг (хүчил ба ферментийг) хамгийн түрүүнд асаах ёстой.

⁉️ Иодын хэрэглээний тухай маргаантай сэдэв

Изабелла тэрээр иодыг бамбай булчирхайн дутагдал болон Хашимотогийн үед хэрэглэх нь яагаад ийм их маргаан дагуулдаг, түүний цаана ямар биохимийн болон дархлаа судлалын процессууд явагддаг талаар тайлбарласан байдаг.

🟢 ​1. Иод ба Хашимотогийн хамаарал: Дэлхийн хэмжээний туршилт

Номондоо Изабелла​ түүхэн баримтуудыг дурддаг. Өнгөрсөн зуунд дэлхий даяар бахлуур өвчин (goiter) болон иодын дутагдлаас сэргийлэхийн тулд давсыг иоджуулж эхэлсэн.

​Үр дүн: Иод дутагдлаас үүдэлтэй бахлуур өвчин эрс багассан.

​Гэвч сөрөг тал нь: Давсыг иоджуулж эхэлсэн бүх улс орнуудад (Америк, Хорват, Турк г.м) Хашимото болон аутоиммун бамбайн үрэвсэлтэй хүмүүсийн тоо огцом өссөн.

​Иод нь урьдчилан сэргийлэлтэд сайн боловч, нэгэнт Хашимото өвчний генийн урьдач нөхцөлтэй хүмүүст аутоиммун довтолгоог өдөөх гол "өдөөгч" болж хувирсан.

🟢 ​2. Бамбай булчирхай дотор яг юу болдог вэ? (Биохимийн өнцөг)

Изабелла ​эм зүйч хүнийхээ үүднээс бамбайн эс доторх биохимийн урвалыг маш энгийнээр тайлбарласан байдаг.

​Бамбай булчирхай даавар үйлдвэрлэхийн тулд иодыг шингээж, түүнийг TPO (Thyroid Peroxidase) ферментийн тусламжтайгаар боловсруулдаг.​Энэхүү химийн урвалын дагалдах бүтээгдэхүүн болж устөрөгчийн хэт исэл (hydrogen peroxide) буюу асар хүчтэй чөлөөт радикал (исэлдүүлэгч) үүсдэг.

​Хэрэв биед хангалттай антиоксидант байхгүй бол энэ устөрөгчийн хэт исэл нь бамбайн эд эсийг гэмтээж, үрэвсүүлдэг. Гэмтсэн эсийг цэвэрлэхээр ирсэн дархлааны систем нь бамбайг өөрийг нь дайсан гэж андууран дайрч эхэлдэг.

🟢 ​3. Маргааны зангилаа ба "Селен" (Selenium) - Гүүр болох нь

​Изабелла иодын хор хөнөөлийг зөвхөн "иод" өөрөөс нь биш, харин Селений дутагдалтай шууд холбон тайлбарладаг.

​Селений үүрэг: Селен нь биеийн хамгийн хүчтэй антиоксидант болох Глутатион пероксидаза (glutathione peroxidase) ферментийг идэвхжүүлэгч гол эрдэс юм. Энэ фермент нь бамбай дотор иодын урвалаас үүссэн нөгөө хортой устөрөгчийн хэт ислийг хоргүй усажсан хэлбэрт шилжүүлэн саармагжуулдаг.

​Хэрэв селений дутагдалтай хүн өндөр тунгаар иод уувал бамбай булчирхайн эд эсүүд чөлөөт радикалд шууд "шатаж", Хашимотогийн сэдрэл дээд цэгтээ тулдаг. Харин селен хангалттай үед иодын үзүүлэх сөрөг нөлөө эрс буурдаг.

🟢 ​4. Хашимототой хүмүүст зориулсан тактик

​Энд тэрээр Хашимотогийн үед иодыг хэрхэн зөв зохистой харьцах талаар дараах зөвлөмжийг өгдөг.

◾​Өндөр тунтай иодноос татгалзах: Олон төрлийн нэмэлт витаминууд, ялангуяа замаг (kelp, spirulina) зэрэгт иод маш өндөр тунгаар байдаг тул эдгээрийг хэрэглэхгүй байх.

◾​Иодын хэрэглээг хянах: Хэрэв бамбайн эсрэг биет маш өндөр байвал иодыг өдөрт 150-250 мкг-аас хэтрүүлэхгүй (хоол хүнснээс авах хэмжээнд) байхыг зөвлөдөг.

◾​Селентэй хамт хэрэглэх: Хэрэв ямар нэгэн шалтгаанаар иод уух зайлшгүй шаардлагатай бол заавал Селен (200-400 мкг)-тэй хамт хэрэглэж хамгаалалт үүсгэх хэрэгтэй.

​Изабелла иодыг муу бодис гэж буруутгаагүй. Харин Хашимото гэдэг аутоиммун эмгэгийн үед иодыг "гал дээр тос нэмэхтэй адил" маш болгоомжтой хэрэглэх ёстой тун нарийн шим тэжээл бөгөөд селений дэмжлэггүйгээр иодыг дур мэдэн хэрэглэж болохгүй гэдгийг биохимийн үндэслэлтэйгээр нотолсон байдаг.

💁 ​Иодтой холбоотой Изабеллагийн хувийн туршлага

​Изабелла өөрөө өөрийнхөө туршилтын туулай байсаар ирсэн тул иодын нэмэлтүүдийг өөр дээрээ туршиж үзсэн бөгөөд харамсалтай нь иодыг өндөр тунгаар хэрэглэсний дараа бамбай булчирхайн эд эсийн задралаас үүдэн хордлого үүсэх шинж тэмдэгүүд нэмэгдэж байгааг анзаарсан.

​Бусад хүмүүс ч бас иодоор баялаг хүнс түлхүү хэрэглэсний дараа TPO эсрэг биет нь ихэссэн талаар мэдээлсэн байдаг.

Изабелла өө​рийн туршилт дээр үндэслэн дараах дүгнэлтэд хүрсэн:

Иодыг өндөр тунгаар хэрэглэхийг дэмжигчдийн хэлдэгчлэн иод нь хөхний эрүүл мэнд болон хөхний хорт хавдраас урьдчилан сэргийлэхэд чухал үүрэгтэй гэдэгтэй санал нийлдэг ч бамбай булчирхайн өвчтэй бүх хүмүүс иодын дутагдалтай тул өндөр тунтай нэмэлт тэжээл хэрэглэх шаардлагатай гэсэн баталгаатай санал нийлдэггүй.

Ө​ндөр тунтай иодын хэрэглээг дэмжигч, "Overcoming Thyroid Disorders" хэмээх гайхалтай номын зохиолч, доктор Дэвид Браунштейн хэлэхдээ, иод нь бамбай булчирхайн аутоиммун эмгэгийг улам бүр дордуулж, "гал дээр тос нэмэхтэй адил" зүйл болж чадна гэдгийг дурдсан байдаг.
​Өндөр тунтай иод нь яг үнэндээ Хашимотог шууд үүсгэдэггүй, харин хэт их ачаалалтай байгаа системд үүнийг зохицуулахад хэтэрхий хүнддэх бөгөөд улмаар иод нь бамбай булчирхайн задралын хор уршигт тойргийг тасралтгүй үргэлжлүүлдэг гэж үздэг.

​Бусад "хүчин зүйлс" (шим тэжээлийн дутагдал, бөөрний дээд булчирхай, гэдэс) нөхөгдөж, эмчлэгдсэний дараа иод нь Хашимотог дахин даамжруулахгүй байх боломжтой.​

➡️ҮРГЭЛЖЛЭЛИЙГ ДАРААГИЙН ПОСТНООС УНШААРАЙ. (Бамбайн дутагдал/Хашимото нь өөрөө нилээд цогц шийдэл шаардсан том сэдэв учраас олон хэсэг нийтлэл болгон хуваан оруулж байгааг уншигч та ойлгохыг хүсье.)

(Educational content only. Not intended as medical advice or treatment.)

✅БАМБАЙН ДУТАГДАЛ/ХАШИМОТО ӨВЧНИЙ ШАЛТГААНЫГ ЗАСАЖ ШИЙДЭХ НЬ

⬅️Энэхүү нийтлэлийн өмнөх хэсгүүдийг буюу Бамбайн дутагдал/Хашимото үүсэх механизмын тухай пэйжийн сүүлийн 2 постноос уншаарай.

Доктор Изабелла Вентцийн номонд бичсэнээр Нэвчимтгий гэдэс /Leaky Gut/ бол Хашимото өвчнийг үүсгэдэг хамгийн амин чухал тулгуур хэсэг юм.
​Тэрээр "Бамбайн аутоиммун өвчин нь бамбай булчирхайнаас биш, харин хоол боловсруулах замаас эхэлдэг" гэдгийг биохимийн маш тодорхой механизмаар баталдаг.

❓​Гэдэс нэвчимтгий болох үзэгдэл Хашимотог хэрхэн асаадаг вэ?

​Функциональ анагаах ухааныг үндэслэгчид болон доктор Изабелла Вентц нэгэн дуугаар: "Гэдэс нэвчимтгий болох асуудлыг шийдэхгүйгээр Хашимотог хэзээ ч бүрэн намжмал байдалд оруулж чадахгүй" гэж үздэг. Бид бамбайгаа эрүүлжүүлэхийн тулд яагаад хоолоо өөрчилж, ходоод гэдсээ эмчлэх ёстойг энэ номондоо биохимийн логикоор маш гайхалтай тайлбарласан байдаг.

🔵​1. Гэдэсний Хана: Биеийн хамгийн том "Хянан шалгах цэг"

​Бидний нарийн гэдэс бол гаднах ертөнцийг бидний дотоод цустай холбож буй асар том талбай юм. Түүний гадаргуугийн салст бүрхэвч нь ердөө ганцхан эсийн зузаантай (Epithelial monolayer) маш нарийн бүтэцтэй.
​Эрүүл гэдэсний эсүүд хоорондоо Нягт холбоос хэмээх биохимийн "цахилгаан товчлуур"-аар маш чанга бэхлэгдсэн байдаг.

◾​Түүний үүрэг: Бүрэн задарсан амин хүчил, витамин, глюкозыг цусны урсгал руу нэвтрүүлж, харин дутуу задарсан том уургууд, бактер, токсин, хөгц мөөгөнцрийг хааж, өтгөнөөр гадагшлуулах маш нарийн шүүлтүүрийн үүрэг гүйцэтгэдэг.

🔵​2. Гэдэс нэвчих (Leaky Gut) үзэгдэл хэрхэн үүсдэг вэ?

Leaky Gut" буюу гэдэсний нэвчимхий чанар ихсэх нь ганцхан хүчин зүйлээс бус, олон талт шалтгаант нөхцөл байдал гэдгийг онцолдог. Түүний үзэж буйгаар гэдэсний бүрхүүл эсийн холбоосууд (tight junctions) сулрах үндсэн шалтгаанууд нь дараах байдалтай байна:

💥Хоол боловсруулах замын халдвар ба тэнцвэр алдагдах (Microbial Imbalance)

◾​Дисбиоз (Dysbiosis): Гэдэсний сайн бактерийн тэнцвэр алдагдаж, муу бактери эсвэл мөөгөнцөр (Candida) хэт ихсэх нь гэдэсний хананд үрэвсэл үүсгэж, нэвчимхий чанарыг ихэсгэдэг.

◾​Халдвар: Паразит, вирус, эсвэл бактерийн халдварууд гэдэсний салст бүрхүүлийг шууд гэмтээх эрсдэлтэй.

​💥Хоол хүнсний мэдрэгшил ба үл зохицол (Dietary Triggers)

◾​Глютен: Глютен нь гэдэсний эсүүдээс zonulin хэмээх уургийн ялгаралтыг идэвхжүүлдэг. Энэ уураг нь гэдэсний эс хоорондын холбоосыг "онгойлгож", нэвчимхий чанарыг нэмэгдүүлдэг болохыг номонд дурджээ.

◾​Бусад харшил өгөгч: Цагаан идээ (казеин), лектин, эсвэл тухайн хүнд тохирдоггүй бусад хүнсний бүтээгдэхүүн нь үрэвслийг өдөөж, гэдэсний ханыг гэмтээх шалтгаан болдог.

​💥Үрэвслийн эсрэг болон эмчилгээний эмүүд

◾​NSAIDs: Ибупрофен, аспирин зэрэг үрэвслийн эсрэг эмүүдийг тогтмол хэрэглэх нь гэдэсний хамгаалалтын давхаргыг нимгэлж, нэвчимхий чанарыг нэмэгдүүлдэг гол хүчин зүйлүүдийн нэг юм.

◾​Антибиотик: Хэт их антибиотик хэрэглэх нь гэдэсний эрүүл микробиомыг сүйтгэж, улмаар гэдэсний бүрэн бүтэн байдлыг алдагдуулдаг.

​💥Стресс ба амьдралын хэв маяг

◾​Архаг стресс: Сэтгэл санааны болон бие махбодын архаг стресс нь кортизол дааврыг ихэсгэж, энэ нь дархлааны тогтолцоонд нөлөөлөн гэдэсний салст бүрхүүлийг эмзэг болгодог.

◾​Нойргүйдэл ба хөдөлгөөний дутагдал: Бие махбодын эдгэрэлтийн үйл явцыг удаашруулж, гэдэсний орчныг таагүй болгодог.

💥Бусад хүчин зүйлс

◾​Ходоодны хүчил багасах: Хоол боловсруулах явцад хангалттай хүчил ялгарахгүй байх нь хоол хүнс бүрэн задрахгүй, муу бактери үржих таатай нөхцөлийг бүрдүүлдэг.

◾​Токсин: Байгаль орчны хортой бодисууд, хүнд металл зэрэг нь гэдэсний эсүүдэд шууд хортой нөлөө үзүүлдэг.

◾Хүнс үйлдвэрлэлтэй холбоотой химийн нэмэлт бодисууд буюу E тэмдэглэгээтэй бодисууд. Жишээ нь E950 (Acesulfame K), E951 (Aspartame), E955 (Sucralose) гэх мэт.

Функциональ анагаах ухааны бусад эх сурвалжуудад гэдэсний салст бүрхүүлийг гэмтээж, "leaky gut" буюу гэдэсний нэвчимхий чанарыг ихэсгэдэг хүнсний үйлдвэрлэлийн химийн нэмэлтүүдийг дараах байдлаар ангилдаг:

​1. Тогтворжуулагч (Emulsifiers)

​Эдгээр нь хүнсний бүтээгдэхүүний бүтэц, тогтвортой байдлыг хангахын тулд тос болон усыг холиход ашиглагддаг.

​Carboxymethylcellulose (CMC): Гэдэсний салст бүрхүүлийн хамгаалалтын давхаргыг (mucus layer) шингэлж, үрэвсэл үүсгэдэг болох нь судалгаагаар тогтоогдсон.

​Polysorbate 80: Гэдэсний нянгийн тэнцвэрийг алдагдуулж (дисбиоз), салст бүрхүүлийн ханыг гэмтээх эрсдэлтэй.

​Lecithin (ялангуяа шар буурцгийн): Хэрэв сайн чанарын бус эсвэл генийн өөрчлөлттэй бол гэдэсний хананд сөргөөр нөлөөлж болзошгүй.

​2. Хиймэл чихэр орлуулагч (Artificial Sweeteners)

​Эдгээр нь гэдэсний микробиомыг шууд өөрчилж, "муу" бактерийг дэмжих замаар гэдэсний бүрэн бүтэн байдлыг алдагдуулдаг.

​Sucralose (Splenda): Гэдэсний сайн бактерийн хэмжээг бууруулж, гэдэсний орчинг үрэвсэлд өртөмтгий болгодог.

​Aspartame: Гэдэсний нянгийн бүтэц, үйл ажиллагаанд сөрөг нөлөө үзүүлдэг.

​Saccharin: Мөн адил микробиомын тэнцвэрийг алдагдуулах нөлөөтэй.

​3. Хадгалагч бодисууд (Preservatives)

​Бүтээгдэхүүний хадгалах хугацааг уртасгахын тулд хэрэглэдэг эдгээр бодис нь гэдэсний эсүүдийн нөхөн төлжилтөд саад учруулдаг.

​Sodium Benzoate: Гэдэсний эрүүл эсүүдийн үйл ажиллагаанд сөргөөр нөлөөлж, үрэвслийг идэвхжүүлж болзошгүй.

​Nitrates & Nitrites: Мах боловсруулах үйлдвэрлэлд ихэвчлэн ашиглагддаг бөгөөд гэдэсний доторх исэлдэлтийн стрессийг нэмэгдүүлдэг.

​4. Бусад нэмэлтүүд

​Carrageenan: Улаан замагнаас гаргаж авдаг өтгөрүүлэгч бодис. Энэ нь гэдэсний хананд үрэвсэл үүсгэдэг гэдгээрээ маш олон судалгаанд дурдагдсан. Гэдэсний салст бүрхүүлийг цочроох, нэвчимхий чанарыг нэмэгдүүлэх өндөр эрсдэлтэй.

​Monosodium Glutamate (MSG): Хэт их хэмжээгээр хэрэглэх нь гэдэсний эсүүдийн үрэвслийг нэмэгдүүлж, гэдэсний дотоод орчныг эмзэг болгодог.​

​Эдгээр химийн нэмэлтүүд нь:

◾​Гэдэсний хамгаалалтын салст давхаргыг үгүй хийдэг.

◾​Гэдэсний сайн бактерийг устгаж, муу бактерийг үржүүлдэг.

◾​Гэдэсний эсүүдийг хооронд нь холбож буй уургийн холбоосыг сулруулдаг.

​Иймд функциональ анагаах ухааны үүднээс "Leaky gut"-ийн шинж тэмдэгтэй хүнд боловсруулалтанд ороогүй, бүхэллэг (whole foods) хэрэглэж, савласан бэлэн бүтээгдэхүүнээс татгалзахыг нэн тэргүүнд зөвлөдөг.

🔵​3. Дутуу задарсан молекулууд дархлааг "Галзууруулах" нь

​Гэдэсний хана цоормогц, түүгээр зөвхөн өтгөнөөр гарах ёстой байсан дутуу задарсан уургийн молекулууд (Глютен, Казеин), бактерийн хэлтэрхийнүүд (LPS токсин) шууд цусны урсгал руу нэвтэрч эхэлнэ.
​Цусны урсгал бол бидний дархлааны системийн 70-80% нь байрлаж, байнга эргүүл хийж байдаг бүс юм. Цусны эргүүлийн эсүүд (Макрофаг, Т-лимфоцитууд) эдгээр дутуу задарсан уургуудыг хармагцаа "Харь гаригийн аюултай дайсан нэвтэрлээ!" хэмээн үзэж, аюулын харанга дэлддэг.
​Бие махбод даяар асар том үрэвслийн цитокинуд асгарч, дархлааны систем тэрхүү харь уургуудыг устгахын тулд маш өндөр тунтай эсрэг биетүүдийг (Antibodies) үйлдвэрлэж галзуурсан мэт ажиллаж эхэлнэ.

🔵​4. Бамбай булчирхай руу хийсэн андуурал: "Молекулын Дуурайлал"

​Изабелла Вентцийн номондоо тэмдэглэсэн хамгийн чухал биохимийн үзэгдэл бол Глютений молекул ба Бамбай булчирхайн уургийн бүтэц хоорондын ижилсэл юм.

​Улаан буудайн уураг болох Глютен (ялангуяа түүний задрал болох Глиадин) нь амин хүчлийн бүтцийн хувьд бидний бамбай булчирхайн Тиреопероксидаза (TPO) ферменттэй асар төсөөтэй, бараг ижилхэн харагддаг.

Гэдэс нэвчимтгий болсноос болоод цусанд орж ирсэн глютенийг устгахаар үйлдвэрлэгдсэн дархлааны "зэвсгүүд" цусаар аялж явахдаа бамбай булчирхай дээр очдог. Тэгээд бамбайн TPO уургийг харангуутаа "Нөгөө цусанд орж ирээд байсан глютен байна!" гэж андууран бамбай булчирхай руу бөмбөгдөж эхэлдэг.
​Үүнийг хууран мэхлэлт буюу Молекулын дуурайлал (Molecular Mimicry) гэх бөгөөд Хашимотогийн үед бие өөрийн эрхтнийг сийчдэг үндсэн гол механизм юм. Хүн глютентэй хоол (талх, нарийн боов, гоймон) идэх тутамд гэдэс нь улам нэвчимтгий болж, цусанд глютен орж, бамбай руу хийх дайралт улам ширүүсдэг байна.

🔵​5. Ходоодны Хүчил багасах үзэгдэл (Hypochlorhydria)

​Энд Изабелла зөвхөн гэдэс биш, ходоодны үүргийг давхар сөхдөг. Хашимототой хүмүүсийн бараг ихэнх нь ходоодны хүчил багасах (Hypochlorhydria) асуудалтай байдаг.
​Ходоодны хүчил (HCl) хангалтгүй байснаар бидний идсэн мах, уураг ходоодонд зөв задарч чадахгүй, том хэвээрээ нарийн гэдэс рүү шилжинэ.

​Дутуу задарсан уургууд гэдэсний ханыг зурж, үрэвсүүлснээр гэдэс нэвчих процессыг улам хурдасгадаг.

​Мөн хүчил бага байх нь Төмөр, Витамин В12, Кальци, Цайр зэрэг бамбайн хамгийн хэрэгцээт амин дэмүүд шингэх үүдийг бүрэн хаадаг байна.
​
Доктор Изабелла Вентц Та бамбайгаа аврахыг хүсэж байвал амнаасаа орж буй хоол хүнсийг нэн түрүүнд хянах ёстой. Глютен, казеин тэргүүтэй үрэвсэлт хүнсийг амьдралаасаа хасаж, гэдэсний салст ханыг нөхөн сэргээж, нягт холбоосуудыг буцааж "цахилгаандаж" түгжихгүйгээр цусан дахь Anti-TPO болон Anti-TG эсрэг биетүүдийг унагах ямар ч биохимийн боломж байхгүй юм. Гэдэс эрүүлжвэл дархлааны систем тайвширч, бамбай булчирхай эдгэрч эхэлдэг.

Доктор Изабелла Вентцийн гэдэс сийрэгжилтийг (Leaky Gut) засах, улмаар Хашимотогийн эсрэг биетийг бууруулах хамгийн гол суурь багаж бол 4R Протокол юм. Энэ нь хоол боловсруулах замыг биохимийн логикоор алхам алхмаар цэвэрлэж, нөхөн сэргээдэг функциональ анагаах ухааны алтан стандарт систем билээ.

​Изабеллагийн зөвлөдөг гэдэс эмчлэх 4R протоколын нарийвчилсан задаргааг доор хүргэе.

🟢​1. REMOVE – Зайлсхийх, Устгах (Гал асааж буй хүчин зүйлсийг хасах)

​Энэ алхмын гол зорилго бол гэдэсний ханыг тасралтгүй зурж, үрэвсүүлж, Zonulin уургийг идэвхжүүлээд байгаа "дайснуудыг" биеэс бүрэн цэвэрлэх явдал юм. Үүнд дараах гурван голомт хамаарна:

​Үрэвсэлт хүнсийг хасах: Хашимотогийн үед хамгийн багадаа 90 хоногийн турш Глютен (улаан буудай), Казеин (сүүн бүтээгдэхүүн), мөн шаардлагатай бол Шар буурцаг, Эрдэнэ шиш, Өндөг-ийг хоол хүнснээсээ 100% хасна. Ер нь Изабелла уншигчдадаа Аутоиммун Палео (AIP) дэглэмийг энэ шатанд зөвлөдөг.

​Далд халдвар, паразитуудыг устгах: Гэдэсний өтгөн шинжилгээгээр (GI-MAP) илэрсэн Blastocystis hominis, H. Pylori, эсвэл хэт олширсон Candida хөгц мөөгөнцрийг зориулалтын ургамлын гаралтай бэлдмэлүүдээр (жишээ нь: Орегано тос, Берберин, Black walnut) эсвэл эмчийн заавраар устгана.

​Хорт бодисуудыг зогсоох: Гэдэсний микробиомыг хөнөөдөг үрэвслийн эсрэг стероид бус эмүүд (NSAIDs буюу Ибупрофен гэх мэт), пестицидтэй хүнс, хлоржуулсан ундны ус, фтортой шүдний оо зэргийг хасна.

🟢​2. REPLACE – Орлуулах, Нөхөх (Хоол боловсруулах чадварыг сэргээх)

​Гэдэс нэвчимтгий болсон Хашимототой хүмүүст хоол боловсруулах ферментүүд болон ходоодны хүчил асар ихээр дутагдсан байдаг. Хоол зөв задрахгүй бол дараагийн алхмууд ямар ч үр дүнгүй болно.

​Бетаин HCl ба Пепсин (Betain HCl with Pepsin): Ходоодны хүчил багассан (Hypochlorhydria) хүмүүст уургийг амин хүчил болтол нь задлахад туслах зорилгоор хоол идэхийн өмнө уулгана. (Анхаар: Ходоодны шархлаатай хүнд хэрэглэж болохгүй).

​Нойр булчирхайн ферментүүд (Pancreatic Enzymes): Өөх тос, нүүрс усыг эсийн түвшинд шингэхүйц жижиг молекул болгон задлахын тулд Протеаза, Липаза, Амилаза агуулсан ферментийг хоолтой хамт ууна.

​Цөсний хүчил: Элэг, цөсний үйл ажиллагааг дэмжиж, тосонд уусдаг витаминуудыг (A, D, E, K) шингээхийн тулд цөсний өтгөрөлтийг засах эмчилгээ хийнэ.

🟢​3. REINOCULATE – Буцаан Суулгах (Ашигтай бактерийн тэнцвэрийг хадгалах)

​Гэдэсний ханыг хамгаалж, дархлааны системийг тайвшруулж байдаг ашигтай бактериудын (Microbiome) армийг буцаан сэргээх алхам юм.

​Спор хэлбэртэй пробиотик (Spore Probiotics): Изабелла ердийн пробиотик нь ходоодны хүчилд үхчихдэг тул гэдэс хүртэл амьд аялж чаддаг Bacillus төрлийн спорын пробиотикуудыг илүүд үздэг. Эдгээр нь гэдэсний үрэвслийг шууд унтраадаг.

​Saccharomyces boulardii: Энэ бол ашигтай мөөгөнцөр бөгөөд гэдэсний салстын хамгаалагч болох sIgA эсрэг биетийг маш хурдан хугацаанд өсгөж, гэдэсний далд халдваруудыг хөөж гаргахад тусалдаг.

​Пребиотик (Ашигтай бактерийн хоол): Гэдэс хэт үрэвсэлтэй үед инулин зэрэг пребиотик нь хий дүүргэх асуудал үүсгэдэг тул Изабелла эхний ээлжинд уусдаг эслэг ихтэй ногоо, зохистой хооллолтоор бактериа тэжээхийг зөвлөдөг.

🟢​4. REPAIR – Нөхөн Сэргээх, Засах (Гэдэсний ханыг наах)

​Эцсийн шатанд нээгдчихсэн байгаа нягт холбоосуудыг буцааж нааж, салст бүрхэвчийг ургуулах амин дэмүүдийг биохимийн өндөр тунгаар өгнө.

​Л-Глутамин (L-Glutamine): Нарийн гэдэсний эсүүдийн (Enterocytes) гол хоол тэжээл, шатахуун нь болдог амин хүчил. Энэ нь цоорхой ханыг "гагнаж", нөхөхөд асар том үүрэг гүйцэтгэнэ.

​Ясны шөл (Bone Broth): Байгалийн коллаген, глютамин, глицинээр баялаг тул гэдэсний салстыг засах шидэт ундаа юм.

​Цайр-Карнозин (Zinc Carnosine): Цайрыг Карнозин уурагтай холбосон энэ хэлбэр нь ходоод, гэдэсний салст дээр яг шархны наалт шиг очиж наалдан, үрэвслийг маш хурдан хугацаанд засна.

​Marshmallow Root ба Slippery Elm: Эдгээр ургамлууд нь гэдэсний ханаар дүүрэн хамгаалалтын гулгамтгай салст үүсгэж, эсийг гаднын цочролоос хамгаалдаг.

✅​4R Протоколын Хэрэгжих Хугацаа ба Дараалал

​Изабелла Вентцийн тэмдэглэснээр энэ протокол нь эмх замбараагүй хийгддэг зүйл биш юм. Тэрээр үүнийг дэс дарааллаар нь хийхийг шаарддаг.

◾REMOVE (1-30 дахь хоног) Цэвэрлэгээний үе

Глютен, сүүг бүрэн хасаж, шаардлагатай бол ургамлын гаралтай анти-микробын бэлдмэлүүдийг ууж, гэдэсний далд голомтуудыг устгана.

◾REPLACE (15-45 дахь хоног) Хоол боловсруулалтыг дэмжих

Хоол идэх бүрдээ Бетаин HCl болон ферментүүдийг ууж, хоолыг цусанд харь биет болж орохооргүй болтол нь жижиглэж сургана.

◾REINOCULATE (30-60 дахь хоног) Микробиомыг шинэчлэх

Гэдэсний үрэвсэл харьцангуй намжих үед спорын пробиотик болон Saccharomyces boulardii-г оруулж, бактерийн армиа зузаатгана.

◾REPAIR (45-90 дахь хоног)
Бүрэн гагнуур, нөхөлт

Өндөр тунтай Л-Глутамин, Цайр-Карнозин болон ясны шөлөөр гэдэсний ханаа бүрэн түгжиж, сийрэгжилтийг хаана.

Гэдэсний хана энэхүү 4R протоколын дагуу бүрэн хаагдаж, нягтарч чадвал цусанд глютен болон бактерийн токсинууд нэвтрэхээ болино. Үүний үр дүнд дархлааны систем "Аюулгүй боллоо" гэдгийг мэдэрч, галзуурсан бэлэн байдлаа буулгадаг. Араас нь бамбай булчирхай руу чиглэсэн Anti-TPO, Anti-TG эсрэг биетүүдийн үйлдвэрлэл зогсож, Хашимото өвчин бүрэн намжмал байдалд шилждэг байна.

Доктор Изабелла Вентцийн номон дээрх Хашимототой хүмүүсийн эсийн түвшинд үүсдэг "шим тэжээлийн өлсгөлөн"-г тайлбарласан хэсэг маш чухал хэсэг юм.

​Тэрээр энэ хэсэгт "Хашимотогийн үед гэдэс нэвчимтгий болон ходоодны хүчил багассанаас шалтгаалан бие махбод хамгийн хэрэгцээт микро элементүүдээ шингээж чадахаа байдаг. Энэхүү дутагдал нь эргээд бамбайн дааврын үйлдвэрлэлийг гацааж, үрэвслийг өдөөдөг аюултай битүү тойргийг үүсгэдэг" гэдгийг биохимийн механизмаар баталдаг.

Изабеллагийн заасан гол 5 микро элементийн биохимийн замуудаар нарийвчлан задалж байна.

​Эсийн түвшний өлсгөлөн: Хашимотог тэтгэдэг Шим тэжээлийн дутагдлууд

​Барууны анагаах ухаанд Хашимотогийн үед зөвхөн Левотироксин эм уухыг зөвлөдөг ч, доктор Изабелла Вентцийн үзэж байгаагаар биед микро элементүүд дутагдалтай байвал уусан эм чинь эсийн түвшинд хэзээ ч идэвхтэй хэлбэрт шилжиж чаддаггүй.
​Бамбай булчирхайн үйл ажиллагаа болон дархлааны тэнцвэрт байдалд шууд нөлөөлдөг Түлхүүр 5 шим тэжээлийн биохимийн механизмыг авч үзье.

​1. СЕЛЕН (Selenium) – Исэлдэлтийн галыг унтраагч ус

​Изабелла Вентцийн Хашимотогийн протоколд Селен бол хамгийн гол байр суурийг эзэлдэг. Түүний биохимийн үүрэг нь асар нарийн:

◾​Глутатион пероксидаза (GPx) ферментийг асаах: Бамбайн эс дотор T4 даавар хийгдэх явцад асар хортой дайвар бүтээгдэхүүн болох Устөрөгчийн хэт исэл (H2O2) тасралтгүй үүсэж байдаг. Селен нь GPx ферментийг бүтээж, энэхүү аюултай H2O2-ийг хоргүй ус (H2O) болгон хувиргадаг. Биед Селен дутагдвал H2O2 саармагжиж чадахгүй бамбайн эсүүдийг дотроос нь шатааж, үхүүлдэг. Үүнээс болж гэмтсэн эсийн хэлтэрхийнүүд цусанд цацагдахад дархлааны систем Anti-TPO эсрэг биетийг үйлдвэрлэж эхэлдэг байна.

◾​Идэвхжүүлэгч фермент (Deiodinase): Бамбайгаас ялгардаг дааврын 90% нь идэвхгүй T4 хэлбэрээр байдаг. Үүнийг эсүүд хэрэглэж чадах идэвхтэй T3 хэлбэрт хувиргахын тулд Диодиназа хэмээх селенээс хамааралтай фермент шаардлагатай. Селенгүйгээр та мянга эм уусан ч тэр нь идэвхтэй T3 болж хувирахгүй, ядаргаа арилахгүй.

​2. ФЕРРИТИН буюу ТӨМӨР (Ferritin) – Дааврын гагнуурчин

​Ферритин бол биеийн төмрийн нөөцийг илэрхийлдэг маркер юм. Хашимототой хүмүүсийн ферритин асар бага байх хандлагатай байдаг.

◾​TPO ферментийн түлш: Бамбай булчирхайн иодыг амин хүчилтэй нааж даавар хийдэг үндсэн фермент болох Тиреопероксидаза (TPO) нь бүтцийнхээ хувьд Төмөр (Heme) дээр суурилдаг. Ферритин хамгийн багадаа 90-110 ng/mL хооронд байж байж TPO фермент хэвийн ажиллаж, даавар үйлдвэрлэнэ.

◾​Үсний уналт ба Хүчилтөрөгчийн өлсгөлөн: Төмөр дутагдахад эсүүд хүчилтөрөгчийн гүн өлсгөлөнд орж, бодисын солилцоо унадаг. Энэ нь үс багц багцаараа унах, хумс хугарах, амьсгаадах шинжээр илэрдэг.

​3. ВИТАМИН Д3 (Vitamin D3) – Дархлааны системийн "Ухаалаг товчлуур"

​Витамин Д3 бол зөвхөн ясны витамин биш, тэр бол дархлааны системийг зохицуулдаг хүчирхэг секостероид даавар юм.

◾​Т-Регулятор (T-Reg) эсүүдийг удирдах: Дархлааны системд "Галзуурч, өөрийнхөө бие рүү дайрч буй" устгагч эсүүдийг барьж, тайвшруулж байдаг хамгаалагч эсүүдийг Т-Регулятор гэдэг. Витамин Д3 нь энэ хамгаалагч эсүүдийг тэжээж, идэвхжүүлдэг.

◾​Аутоиммун дайралтыг зогсоох: Биед Витамин Д3 дутагдахад Т-Регулятор эсүүд үхжиж, устгагч Т-киллер эсүүд хяналтаас гарч, бамбай булчирхай руу хийх дайралтаа улам ширүүсгэдэг. Изабелла Хашимототой хүний Витамин Д3-ийн түвшинг цусны шинжилгээгээр хамгийн багадаа 60-80 ng/mL хооронд барихыг зөвлөдөг.

​4. ВИТАМИН В12 (Vitamin B12) – Эсийн энерги ба Метилжүүлэлт

​Хашимототой хүмүүсийн бараг 40% гаруй хувьд Витамин В12-ын гүн дутагдал илэрдэг. Үүний гол шалтгаан нь ходоодны хүчил багассанаас (Hypochlorhydria) болж хоолноос В12-ыг салгаж авч чаддаггүйд оршино.

◾​Миелин бүрхүүл ба Тархины манан (Brain Fog): Витамин В12 нь мэдрэлийн эсийн гадуурх хамгаалалтын бүрхүүл болох миелинийг бүтээдэг. Түүний дутагдал нь Хашимотогийн үед үүсдэг мартамхай болох, анхаарал төвлөрөхгүй байх, гар хөл байнга даарч, чинэрч өвдөх (мэдрэлийн үрэвсэл) шинж тэмдгүүдийг шууд өдөөдөг.

◾​Элэгний хоргүйжүүлэлт: В12 нь элэгний хоргүйжүүлэх гол систем болох Метилжүүлэлтийн (Methylation) циклийг ажиллуулдаг тул дутагдсан үед биед токсин хуримтлагдаж, үрэвсэл ихэсдэг.

​5. МАГНИ (Magnesium) – TSH дааврыг тогтворжуулагч

​Магни бол биеийн 300 гаруй биохимийн урвалд оролцдог маш чухал эрдэс бодис бөгөөд стрессийн үед шээсээр асар ихээр гадагшилж байдаг.

◾​Бамбайн эдийн задралыг зогсоох: Магни нь бамбай булчирхайн бүтцийг хамгаалж, TSH дааврын мэдрэг чанарыг зохицуулдаг. Магни ууснаар бамбайн эсрэг биетүүд болон TSH-ийн түвшин огцом буурч, бие махбод стрессийн бэлэн байдлаас гарч тайвширдгийг Изабелла практик дээрээ баталсан.

​Изабелла Вентцийн Зөвлөдөг Микро Элементүүдийн Зохистой Хэмжээ ба Хэлбэрүүд

​Изабелла уншигчдад зүгээр нэг эмийн сангаас олдсон хямд, био хүртээмж муутай хэлбэрийг (Жишээ нь: Магнийн оксид, Төмрийн сульфат) уух нь гэдсийг улам үрэвсүүлдэг тул дараах химийн зөв хэлбэрүүдийг сонгохыг зөвлөдөг:

◾Селен
Selenomethionine (Органик хэлбэр)
Өдөрт 200-400 ug

◾Төмөр
Iron Bisglycinate (Гэдэс цочроохгүй)
Ферритиныг 90ng/mL болтол ууна

◾Витамин Д3
Vitamin D3 + K2 (Тосонд уусдаг хэлбэр)
Цусанд 60-85=ng/mL барих

◾Витамин В12
Methylcobalamin (Идэвхтэй метилжсэн)
Цусанд 800 pg/mL барих

◾Магни
Magnesium Glycinate / Citrate
Өдөрт 400-600 mg

Дааврын эм уух нь зөвхөн "гал унтрааж" буй хэрэг бөгөөд бамбайн эсүүдээ буцаан ургуулж, дархлааны системийг ухаалаг, тогтвортой горимд оруулахын тулд эдгээр дутагдсан шим тэжээлийг биохимийн зөв хэлбэрээр нь нөхөх зайлшгүй шаардлагатай гэдгийг Доктор Вентц анхааруулдаг.​​

➡️ҮРГЭЛЖЛЭЛИЙГ ДАРААГИЙН НИЙТЛЭЛЭЭС УНШААРАЙ.

(Educational content only. Not intended as medical advice or treatment.)