ABBAN BABA KAWON KUDU

Innalillahi wa'inna ilaihi raji'un, dukan mai rai mamaci ne, kuma kowa sai ya dandani mutuwa.

Allah ya yi wa babban malamin addinin musluncin jihar Kano, Dr. Ahmad Bamba wanda a ka fi sani da Kala Haddasana rasuwa a yau Juma'a.
Malamin ya rasu ne bayan gajeriyar rashin lafiya, kuma ya rasu ne a Asibitin Koyarwa na Malam Aminu Kano.
Za a yi jana'izar Dr.Ahmad Bamba a masallacin Darul Hadis da ke unguwar Tudun Yola a birnin Kano bayan Sallar Juma'a.
Kafin rasuwar malamin tashar Dala FM na kawo karatun sa a dukannin safiyar karfe 6 na kowace rana.