bicolano grab driver

"𝗪𝗮𝗹𝗮𝗻𝗴 𝗮𝗿𝗲𝗴𝗹𝗼, 𝗵𝘂𝘀𝘁𝗶𝘀𝘆𝗮 𝗮𝗻𝗴 𝗵𝗶𝗻𝗶𝗵𝗶𝗻𝗴𝗶” — 𝗜𝗻𝗮 𝗻𝗴 𝗯𝗮𝘁𝗮𝗻𝗴 𝗻𝗮𝘀𝗮𝘄𝗶 𝘀𝗮 𝗽𝗲𝗱𝗲𝘀𝘁𝗿𝗶𝗮𝗻 𝗹𝗮𝗻𝗲, 𝗻𝗮𝗻𝗶𝗻𝗱𝗶𝗴𝗮𝗻𝗴 𝗹𝗮𝗹𝗮𝗯𝗮𝗻 𝗵𝗮𝗻𝗴𝗴𝗮𝗻𝗴 𝗱𝘂𝗹𝗼

Isang matapang at madamdaming panawagan para sa hustisya ang inilabas sa social media ni Monica Ganton Linga, ina ng 11-taong gulang na si Rafaele o Rafraf, ang batang nasawi matapos masagasaan ng isang pickup truck habang tumatawid sa pedestrian lane.

Sa kanyang opisyal na pahayag sa Facebook, sinabi ni Linga na agad siyang nagsampa ng kaso kinabukasan ng kanyang pagdating, at mariin niyang itinanggi na may naganap na anumang areglo.

“Walang anumang halaga ng pera ang makakatumbas sa buhay ng anak ko,” aniya.

“Hindi ito aksidente — ito ay malinaw na kapabayaan at reckless driving.”

Ayon sa salaysay ng ina, malinaw sa CCTV footage na maingat na tumawid si Rafaele.

Tumingin umano ito sa kaliwa at kanan, huminto, at sinigurong ligtas bago tumakbo sa pedestrian lane matapos tumigil ang isang sasakyan para magbigay-daan.

Ngunit sa gitna ng sandaling iyon, isang pickup truck ang overtake at humarurot sa nakahintong truck — isang desisyong naging mitsa ng trahedya.

“Ang walang-ingat na pag-overtake ang pumatay sa anak ko,” pahayag ni Linga.

“Solo parent ako. Siya ang buong buhay ko.”

Ibinahagi rin ni Linga ang bigat ng kanyang pinagdaraanan bilang isang solo parent na ang kaisa-isang anak ay biglang nawala.

“Si Rafaele ang buong mundo ko. Ang buong buhay ko.”

Ngunit bukod sa sakit ng pagkawala, isa pang pasanin ang kanyang hinaharap: ang pakiramdam na ang responsable ay maaaring makalaya sa piyansa habang ang kanyang anak ay wala nang babalikan.

“May impluwensya sila. May koneksyon. Kaya kailangan ko ang inyong boses.”

Sa kanyang pagtatapos, nanawagan si Linga sa publiko na tumindig kasama niya sa paghahanap ng hustisya.

“Lalaban ako hanggang sa huli para sa anak ko. Ang hinihingi ko ay hustisya.”

Kasama ng kanyang post ang hashtag , na ngayon ay unti-unting kumakalat sa social media bilang simbolo ng isang ina na tumangging manahimik para makamit ang hustisya para sa anak.