Tahir Khan Dotani

🩸 آج خون عطیہ (Blood Donation) کرنے کی سعادت حاصل کی۔

ایک تھیلی خون کسی کے لیے نئی زندگی کی امید بن سکتی ہے۔ آئیے انسانیت کی خدمت کے اس عظیم کام میں بڑھ چڑھ کر حصہ لیں، کیونکہ خون کا عطیہ صرف خون نہیں بلکہ زندگی کا تحفہ ہے۔

"آج کسی کی ضرورت پوری کی، کل شاید ہمیں بھی کسی کی ضرورت پڑ جائے۔"

اللہ تعالیٰ اس چھوٹی سی کاوش کو اپنی بارگاہ میں قبول فرمائے۔ آمین۔ 🤲❤️

الحمدللہ!

آج کی کامیاب شمولیتی تقریب پر محترم سردار علی امین خان گنڈاپور صاحب، تمام معزز بھائیوں، دوستوں اور اُن تمام ساتھیوں کا دل کی گہرائیوں سے شکریہ جنہوں نے اپنی قیمتی شرکت سے اس موقع کو یادگار بنایا اور پاکستان تحریکِ انصاف کے قافلے میں شمولیت اختیار کی۔

آپ سب کا اعتماد ہمارے لیے باعثِ فخر ہے۔ ان شاء اللہ ہم سب مل کر عوام کی خدمت، اتحاد اور عمران خان کے وژن کی تکمیل کے لیے بھرپور جدوجہد جاری رکھیں گے۔

بہت بہت شکریہ، اللہ تعالیٰ آپ سب کو سلامت رکھے۔ آمین۔

طاہر رفیق دوتانی
یوتھ لیڈر، UC لچڑا وارڈ ون

الحمدللہ!

ڈبلیو ایس ایس سی کی نئی مشینری اور ترقیاتی منصوبوں کے حوالے سے منعقدہ اہم تقریب میں سابق وزیرِ اعلیٰ خیبر پختونخوا سردار علی امین خان گنڈاپور کے ہمراہ شرکت کا اعزاز حاصل ہوا۔

اس موقع پر اے سی صاحب، ایس ایچ او عبدالغفار خان اور دیگر معزز دوستوں سے بھی ملاقات ہوئی، جہاں علاقے کی ترقی، عوامی خدمت اور آئندہ کے منصوبوں پر مفید تبادلۂ خیال کیا گیا۔

ان شاء اللہ عوام کی خدمت، اپنے علاقے کی ترقی اور نوجوانوں کی نمائندگی کے لیے اسی جذبے کے ساتھ کام جاری رکھیں گے۔

طاہر رفیق دوتانی
یوتھ لیڈر، پاکستان تحریکِ انصاف
یوسی لچرا، وارڈ نمبر 1

🤝🌹 اپنے پیارے بھائی سردار عدنان خان گنڈاپور صاحب کے ساتھ اہم سیاسی اور تنظیمی امور پر خوشگوار ماحول میں تفصیلی گفتگو ہوئی۔

اس موقع پر سابق جوائنٹ سیکرٹری یوتھ ضلع ڈیرہ اسماعیل خان طاہر رفیق دوتانی، ثناءاللہ خان استرانہ، محمد گل نیازی، حبیب خان بیٹنی اور دیگر معزز دوست احباب بھی شریک تھے۔

ملاقات کے دوران علاقے کی ترقی، عوامی مسائل، نوجوانوں کے کردار اور باہمی تعاون کے فروغ پر تبادلۂ خیال کیا گیا۔ دعا ہے کہ اللہ تعالیٰ ہم سب کو اخلاص، اتحاد اور عوام کی خدمت کی توفیق عطا فرمائے، اور ہماری باہمی محبت و بھائی چارہ ہمیشہ قائم رکھے۔ آمین۔ 🤲🇵🇰

وقت ایک خاموش منصف ہے، جو نہ شور مچاتا ہے، نہ اعلان کرتا ہے؛ بس ایک دن ایسا فیصلہ سناتا ہے کہ ہر چہرہ اپنی اصل پہچان میں آ جاتا ہے۔

جو لوگ یہ سمجھتے ہیں کہ ظلم، دھوکا، منافقت یا غداری کرکے ہمیشہ بچ نکلیں گے، وہ شاید وقت کی عدالت سے ناواقف ہیں۔ مکافاتِ عمل کا پہیہ کبھی رکتا نہیں؛ وہ آہستہ ضرور چلتا ہے، مگر جب چلتا ہے تو بڑے سے بڑا غرور بھی مٹی میں ملا دیتا ہے۔

یاد رکھو!
جو بیج آج بوؤ گے، کل وہی فصل کاٹو گے۔
وفا بوؤ گے تو عزت ملے گی،
اور اگر غداری بوؤ گے تو رسوائی تمہارا مقدر بنے گی۔

وقت سب کا حساب رکھتا ہے… بس فیصلہ آنے میں دیر ہو سکتی ہے، اندھیر نہیں۔

#حقیقت #زندگی #انصاف

یوسی لھچرا، ڈیرہ نیوز، TRD