Nasir Malang 545

وفاقی حکومت کا پہلے کسی آپریشن پر اصرار کرنا اور پھر اچانک اس سے انکار کر دینا دراصل اس گھبراہٹ کا اظہار ہے جو اس وقت سوشل میڈیا کے ذریعے اس پر شدید دباؤ کی صورت میں موجود ہے۔ یہ دباؤ ماضی کے مقابلے میں اس لیے کہیں زیادہ ہے کہ پہلے زیادہ تر آواز پختون علاقوں سے، خصوصاً پی ٹی ایم جیسے حلقوں تک محدود رہتی تھی، جنہیں ایک مخصوص خطے یا طبقے سے جوڑ کر نظرانداز کرنا آسان تھا۔

لیکن اس بار صورتِ حال مختلف ہے۔ پی ٹی آئی کی جڑیں صرف خیبر پختونخوا تک محدود نہیں بلکہ پنجاب، سندھ، بلوچستان اور حتیٰ کہ بیرونِ ملک بھی پھیلی ہوئی ہیں۔ خاص طور پر پڑھے لکھے پنجابی طبقے اور بین الاقوامی کمیونٹی میں موجود افراد اس معاملے پر کھل کر آواز اٹھا رہے ہیں۔ اسی ہمہ گیر دباؤ کے باعث کٹھ پتلی وفاقی حکومت واضح اور مستقل مؤقف اختیار کرنے کے بجائے متضاد اور ادھر اُدھر کے بیانات دینے پر مجبور نظر آتی ہے۔

ناصر تاوانی