Biba Beauty

مرحبًا بالجميع! 🌟 يمكنك دعمي من خلال إرسال نجوم - حيث تساعدني على ربح الأموال لمواصلة إنشاء المحتوى الذي تحبه.

عندما ترى أيقونة النجوم، هذا يعني أنه يمكنك إرسال نجوم إليّ!
‏‎ ‎‏

Everything modern women need 💅

مرحبا بكم في بيبا بيوتي بعد طول غياب
مفاجآت كثيرة مرة
هدايا ام مسابقات؟!
شاركونا بالأراء !؟
🥰
Alara Ali

عدنا والعود احمد
بعد الغياب
♥

في فكرة كويسة الآن : ناس الخرطوم في الولايات إنت مهنتك وحرفتك شنو ؟ حاول علمها في القرية الإنت فيها 😍
مثلاً : نساء الخرطوم الما بعرفن يعوسن نسوانا يعلمنهن العواسه ، وأهم شيء العصيده ويا ريت العصيدة بني كربو 🥲 لأنو أنا واحد من الناس كنت بعاني من العصيدة اللينة بالملعقة . ( دي ما تركزوا فيها )
عندنا في قريتنا معلمين بناء 🚧 .
عندنا معلمين ورش لحام وعمليات النجارة .
المواطنين في المناطق الزراعيه يعلموكم الزراعة .
الناس تمشي المزارع مثلاً في الولاية الشمالية الان الضيوف يمشوا يشوفوا انتاج البلح ، التمر كيف بيتلم تلقيحه والحصاد والرعاية يعني كل العمليات الفلاحية للنخيل .
ربات البيوت يتعلمن حرف تكون مصدر دخل ( خياطه / زراعة حنه وسحنها وبيعها / معاصر زيوت ، سحانات ويكه ، تربية الحمام ، الجداد ، الماعز )
المناطق الفيها سعية ( بقر / ماعز / ضان )
أعرفوا التربية والرعاية ( البنات يحلبن الغنم والضان ( النعاج ) . ( ما مهم ‼️)
النسوان يتعلمن الطبيخ البلدي . ( ما مهمً)
علموا النساء التقنية ( التكنولوجيا ) إستخدام الانترنت والإستفادة منه ، إستخدام الحاسوب
في شيوخ يعملوا دروس في المساجد .
حيكون في ( نساء / رجال / شباب ) متعلمين إنجليزي يعملوا دروس للنساء حتى يساعدوا بناتهم او اولادهم . . . أمي درست في مدرسة الكمر الجعليين ( من أم مرحي مساعد ) ومن أنا في سنة أولى بتراجع معاي الرياضيات تحل التمارين وتحفظني النشيد ، وبتراجع لي الانجليزي وانا في سنة سابعه وثامنه كنت بحس أمي دي ما قرت في الثامنينات ، ياخ ما شاء الله .

ونعلم علوم القرآن الكريم ، اللغة العربية ، العلوم الدينية ، الإسعافات الاولية ، الزراعية ، إلا العلوم السياسيه 😖 لأنوا ما ضاع البلد إلا بالسياسة الفاشلة .
عشان كده نركز في العلم الزراعي والتوعية الطبية وتبادل الثقافات.

أعمل مبادرة من نفسك وقول ليهم أنا بعلمكم كده كده كده وإن شاء الله حننهض بالعلم والمعرفة 😍

نشر المعرفة
يلا نزرع
نشر العلم
تبادل المعلومات
الثقافات

وربنا يحفظكم جميعاً ويوقف الحرب 😇 ويعم الأمن والامان والاستقرار 😍

✋✋✋✋✋✋✋✋✋✋✋✋✋✋✋✋
تعديل رقم 1:
بالنسبة للتعليقات : ما تحكم على ناس القرى وما تقول ناس الخرطوم ما متعلمين 😅 أي زول يشوف في البوست شنو الحاجه المفيده ولو ما لقى يقوم يضيفها لينا في التعليقات
الواحد يكون مسؤول من نفسه فقط .
يعني انا علي دياب مسؤول عن نفسي وعارف انا متعلم شنو ( كمثال أنا متخصص علوم حاسوب وأجيد التعامل مع البرامج الجرافيكيه للتصميم 2D , بس نقيف هنا عن أي حرفة أو هوايه تانيه
لكن ما بقول ناس قريتنا ما محتاجين وعيب عليك تطلع ناس الأقاليم والنمط البدائي ده ونحن ونحن ونحن .

تعديل رقم 2:
يا شعب يا جميل ، لما أقول ناس الخرطوم ( اذا انت من القرى وبتجي من عيد لعيد ومناسبات ويومين وترجع ، وانت موظف 🧑‍💼 في الخرطوم ( معلم ، دكتور ، مصور ، شيخ ، طباخ ، كهربجي ، مهندس مدني ، معماري ، حاسوب ، حداد ، سباك ، طبيب … ) قدر الفترة الموجود فيها ممكن في إسبوع توصل حرفتك ورسالتك ، الناس البتقول قالوا ليك نحن ما بنعرف للعصيده ؟ هسي البوست ده واسع ونقطة العصيدة دي واحده المقترحات وعلى سبيل المثال لا الحصر 😅 ما تمسكوا في حاجه وتجي تردموا فيها والهدف نشر المعرفة وتبادل العلم .

والناس البتقول نحن ناس الخرطوم بنعرف نعوس ونفرك و و و :
هو قالوا ليكم كل من سكن الخرطوم يعني عايش في قصر أو ساكن في الرياض أو المنشية أو العمارات ، في ناس ساكنه الفتيح ، فشوده ، ود عيسى ، الاسكانات غرب الحارات والكلاكلات بي أبو أدم … ياهم ذاتهم ناس القرى ، وعليك الله موضوع العصيدة ده انسووووه 🥲 عملتوا لينا بيها سافوته في راسنا ده .

بعدين انا مشفق على كل البنات والنسوان الوقفن في نقطة العصيدة اللينه والعواسه ، هل عقولكم بقت مقفوله على انك كزوجه انك بس تعوسي وتفركي ؟ ياخ البوست ده فيه حاجات سمحه مثلاً ( الاسعافات الاولية- حرف منزليه لمصدر دخل )
بس مسكتي في موضوع العصيده ؟؟؟؟؟ 🥲
عندكم كنسوان الحق في تعلم كل شيء ، فالأمم نهضت بالتعليم ما بعواسة العصيدة واللقمة ومفروكة البامية

وناس سيبوا التنمر والاستفزاز ويييين هنا الاستفزاز ؟
رسالتي ليكم تاااااااني الجهل مصيبه والدول تقدمت بالعلم والمعرفة