DT.Waed Aldaoud

صباح المعلومات الحلوة🥰
نكمل معكم ✌🏻
واليوم رح نحكي عن معدن صغير بالحجم... لكن تأثيره كبير جداً على الجسم 💙 اليود

؟
هو معدن أساسي يحتاجه الجسم لإنتاج هرمونات الغدة الدرقية، المسؤولة عن تنظيم عمليات الأيض (حرق الطاقة)، النمو، وتطور الدماغ.

#فوائده!
✓ يدعم عمل الغدة الدرقية
✓ يساعد على تنظيم عمليات الأيض وإنتاج الطاقة
✓ ضروري لنمو وتطور الدماغ عند الأطفال والجنين
✓ يساهم بالحفاظ على درجة حرارة الجسم الطبيعية
✓ يدعم النمو والتطور بشكل سليم

:
🔸 التعب والخمول
🔸 زيادة الوزن غير المبررة
🔸 الشعور بالبرد بشكل مستمر
🔸 جفاف الجلد
🔸 تساقط الشعر
🔸 تضخم الغدة الدرقية (تضخم الرقبة)

:
🔹 عدم استخدام الملح المدعم باليود
🔹 قلة تناول الأسماك والمأكولات البحرية
🔹 الحمل وزيادة احتياجات الجسم
🔹 العيش في مناطق فقيرة باليود

كيف_نعوض_اليود غذائياً؟
🐟 الأسماك
🦐 المأكولات البحرية
🥛 الحليب ومشتقاته
🥚 البيض
🧂 الملح المدعم باليود (باعتدال)

💡 نصائح_مهمة:
استخدم الملح المدعم باليود، لكن باعتدال، لأن الإفراط بالملح قد يسبب مشاكل صحية. كما أن زيادة اليود ليست أفضل من نقصه، لذلك لا يُنصح بتناول مكملات اليود إلا عند الحاجة وتحت إشراف طبي.

متى_نحتاج_مكملات؟
في بعض الحالات مثل الحمل أو عند وجود نقص مثبت، ويكون ذلك فقط حسب توصية الطبيب.

💚 صحة الغدة الدرقية تبدأ أحياناً من معدن صغير اسمه... اليود.

Dt. Waed🍓

صباح الخيرات
رح وقف وقفة صغيرة بعيداً عن سلسلة الفيتامينات والمعادن... 🚨
رغم إنو كنا مكملين سوا بالسلسلة بس اليوم قررت أقطع السلسلة مؤقتاً لنحكي عن موضوع عم ينتشر بشكل كبير بالفترة الأخيرة، وعم يوصلني عنه أسئلة كتيرة جدًا.
🤔 هل فعلًا " " هو نظام صحي؟
🤔 وهل خسارة الوزن السريعة عليه دليل أنو الأفضل؟
🤔 ولا في أمور لازم نعرفها قبل ما نقرر نتبعه؟
خلونا اليوم نحكي عن نظام الطيبات، شو فكرته، ليش بينزل الوزن، وأهم السلبيات والأخطاء الشائعة المرتبطة فيه... 👇
🚨 هل فعلًا " " هو الحل السحري لخسارة الوزن؟!
بالفترة الأخيرة انتشر بشكل كبير ما يُعرف بـ نظام الطيبات، وصار كتير من الناس يتبعوه أملاً بخسارة الوزن بسرعة.
؟
هو نظام بيعتمد على تناول أنواع محددة من الأطعمة والسماح فيها، مقابل منع أو تقليل العديد من الأطعمة الأخرى، وخاصة الأغذية الغنية بالكربوهيدرات.
؟
لأنو غالبًا بيؤدي لتقليل إجمالي السعرات الحرارية المتناولة خلال اليوم.
⚠️ :
❌ مو مناسب لكل الأشخاص.
❌ ممكن يسبب نقص ببعض العناصر الغذائية.
❌ قد يؤدي للإمساك والتعب والصداع.
❌ خسارة الوزن السريعة بالبداية غالباً بتكون جزء منها من الماء.
❌ احتمال استرجاع الوزن بعد التوقف عنه وارد إذا ما تم تعديل العادات الغذائية.
💡 تذكّروا:
ما في نظام سحري، وما في أكل "ممنوع للأبد" أو "مسموح بلا حدود".
النجاح الحقيقي هو اتباع نظام متوازن يمكن الاستمرار عليه ويحافظ على الصحة قبل أي شيء.
💚 صحتكم أهم من أي رقم على الميزان.
Dt.Waed🍓

مسا الخيرات والمعلومات اللطيفة🥰
رح نكمل معكم ✌🏻
واليوم رح نحكي عن معدن مهم جداً ومشهور بدوره بالمناعة…
#الزنك 🧡
؟
هو معدن أساسي موجود بكل خلايا الجسم تقريباً، وله دور كبير في تقوية المناعة، التئام الجروح، ونمو الخلايا 💪
#فوائده!
✓ يقوي جهاز المناعة ويحمي من العدوى 🦠
✓ يسرّع التئام الجروح
✓ يدعم صحة الجلد والبشرة
✓ مهم لنمو الشعر والأظافر
✓ يساعد بحاستي الشم والتذوق

:
‌- ضعف المناعة وكثرة الالتهابات
‌- تساقط الشعر
‌- بطء التئام الجروح
‌- مشاكل بالجلد (حب شباب أو طفح)
‌- ضعف حاسة التذوق أو الشم

أسباب_نقصه:
‌ نظام غذائي فقير بالزنك
‌• مشاكل الامتصاص (مثل أمراض الأمعاء)
‌• الحمل والرضاعة
‌• الإكثار من الأطعمة المصنعة

كيف_نعوض_الزنك_غذائياً؟
🥩 اللحوم الحمراء
🍗 الدجاج
🦪 المأكولات البحرية (خصوصاً المحار)
🥜 البذور والمكسرات (القرع، السمسم)
🌾 الحبوب الكاملة والبقوليات

💡 نصائح_لزيادة_الامتصاص:
* نقع البقوليات قبل الطبخ يقلل من مثبطات الامتصاص
* تناول البروتين الحيواني يساعد على امتصاص أفضل
* تنويع الغذاء مهم جداً

متى_نحتاج_مكملات؟
فقط عند وجود نقص مثبت أو مشاكل صحية، وتحت إشراف طبي 👩‍⚕️

الزنك معدن صغير… بس تأثيره كبير على الجسم!💚

وخبرونا شو المعدن الثالث يلي حابين نحكي عنو 🤔

Dt. Waed🍓

صباح المعلومات الحلوة🥰
رجعنا بعد غياب طويل لنكمل سوا
✌🏻
واليوم رح نحكي عن معدن مهم جداً وأساسي بالجسم…
المغنيسيوم 🧂💚
؟
هو معدن ضروري جداً بيدخل بأكثر من 300 تفاعل داخل الجسم، خصوصاً الطاقة، الأعصاب، والعضلات 💪

#فوائده!
* يخفف التشنجات العضلية
* يساعد على الاسترخاء وتحسين النوم 😴
* يدعم صحة القلب وتنظيم نبضه ❤️
* يقلل التوتر والقلق
* مهم لصحة العظام مع الكالسيوم

:
✓ ‌تشنجات عضلية
✓ ‌تعب وإرهاق مستمر
✓ ‌توتر وقلق زائد
✓ ‌خفقان أحياناً
✓ ‌صعوبة بالنوم أو أرق

:
• ‌نظام غذائي فقير بالمغنيسيوم
• ‌التوتر المزمن
• ‌الإفراط بالكافيين ☕
• ‌بعض مشاكل الامتصاص
• ‌تناول أدوية معينة لفترة طويلة

🤔 كيف_نعوض_المغنيسيوم_غذائياً؟
🥜 المكسرات (لوز، كاجو)
🌾 الحبوب الكاملة
🥬 الخضار الورقية مثل السبانخ
🥑 الأفوكادو
🍫 الشوكولا الداكنة

💡 نصائح_لزيادة_الامتصاص:
تقليل التوتر قدر الإمكان
تناول غذاء متوازن ومتنوع
تقليل الكافيين خاصة عند النقص

متى_نحتاج_مكملات؟
فقط بحالات النقص أو الأعراض الواضحة وتحت إشراف طبي 👩‍⚕️

💚 صحتك أهم… لا تهمل إشارات جسمك

Dt. Waed🍓

صباح المعلومات الحلوة🥰
رجعنالكن بعد غياب صغير 🫣 لنكفي سوا ✌🏻
وبما إنه الطلب غالي 🤗 (على طلب الأخت الأغلا )
رح نبلش اليوم بمعدن مهم جداً…
#الحديد 🩸
؟
عنصر أساسي لتكوين الهيموغلوبين، المسؤول عن نقل الأوكسجين لكل خلايا الجسم 👉 وبالتالي إنتاج الطاقة 💪
:
✔️ يقلل التعب والإرهاق
✔️ يدعم التركيز والذاكرة
✔️ يقوي جهاز المناعة
✔️ مهم جداً للحمل ونمو الجنين 🤰
✔️ يساعد بالحفاظ على صحة الشعر والبشرة
:
🔸 تعب دائم بدون سبب واضح
🔸 شحوب البشرة
🔸 دوخة أو صداع
🔸 ضيق نفس
🔸 تساقط الشعر
🔸 ضعف التركيز
🔸 برودة الأطراف أحياناً
أسباب_نقص_الحديد:
🔹 نظام غذائي فقير بالحديد
🔹 الدورة الشهرية الغزيرة
🔹 الحمل والرضاعة
🔹 مشاكل امتصاص (مثل أمراض الجهاز الهضمي)
🔹 شرب الشاي أو القهوة مباشرة بعد الأكل
كيف_نعوض_الحديد_غذائياً؟
🔸 حديد حيواني (امتصاصه أعلى):
اللحوم الحمراء – الكبدة – الدجاج – السمك
🔸 حديد نباتي:
العدس – الحمص – الفاصولياء – السبانخ – المكسرات
💡 نصائح_لزيادة_الامتصاص:
✨ تناولي فيتامين C مع الوجبات (ليمون 🍋، برتقال 🍊)
✨ ابتعدي عن الشاي والقهوة لمدة ساعة بعد الأكل
✨ دمج الحديد النباتي مع فيتامين C مهم جداً
متى_نحتاج_مكملات؟
فقط بحالات النقص أو فقر الدم، وتحت إشراف طبي 👩‍⚕️
💚 انتبهي لجسمك… التعب مو دائماً طبيعي!

Dt. Waed 🍓

مراحب يا حلوين 🍓✨
حبيت اختم هالرحلة قبل ما ندخل بأسبوع الالام..† لهيك منكون وصلنا لآخر محطة من 🍓✌🏻
وكان لازم نختمها بشي الكل بيحبه 😍👇🏻
🍰 حلويات صيامية… بس صحية!
لأن الصيام مو حرمان ❌
بس كمان مو مبرر لنكثر سكريات بدون وعي 👀
✨ فينا نستمتع بالحلو… بطريقة أذكى 💚
🍓 أفكار حلويات صيامية صحية:
🥣 مهلبية بحليب نباتي ومحلاة بالعسل أو دبس التمر
🍫 كرات تمر مع الشوفان والمكسرات
🍌 موز مع زبدة الفول السوداني
🍎 تفاح مشوي مع قرفة
🍓 سموثي فواكه طبيعي بدون سكر مضاف
✔️ طعم طيب
✔️ سكر أقل
✔️ فائدة أعلى
💡 نصيحة ذهبية:
خففوا السكر الأبيض…
واستبدلوه ببدائل طبيعية مثل التمر أو العسل ✨
وهيك منكون ختمنا رحلتنا سوا…✌🏻💚
رحلة خفيفة، صحية، ومليانة وعي 🌿
شكراً لكل حدا تابع، تفاعل، وشارك 💚
وجودكم هو الدافع الأكبر لنكمل ونقدم محتوى يفيدكم 🙏
✨ تذكّروا دائماً:
الصيام مو حرمان…
الصيام وعي، توازن، وأسلوب حياة صحي 👌
🤍 حابة أعرف منكم:
أي بوست كان الأقرب إلكم؟
وأي مواضيع بتحبوا نحكي عنها بالفترة الجاية؟😍👇🏻 (طبعا بعد ما ننهي سلسلة الفيتامينات والمعادن😉)
صيام مبارك ومقبول للجميع وشعنينة مباركة من هلأ 🫣💚
📌 لا تنسوا تحفظوا البوستات وترجعولها وقت الحاجة
Dt.Waed🍓

مراحب يا حلوين🥰✌🏻
🚨 اليوم في استثناء بالصيام… والسبب هو..!
عيد البشارة ☦️
بوست اليوم من 🍓✌🏻 مختلف ومميز 🐟💙
لأنه بيحكي عن يوم له طابع خاص…
بهاليوم بنضيف السمك لمائدتنا الصيامية 🥰
مو بس لأنه تقليد…
بل لأنه من أذكى وأخف الخيارات الصحية 👌

🐟 ليش نختار السمك اليوم؟
✔️ بروتين عالي الجودة
✔️ دهون صحية مفيدة للقلب (أوميغا 3)
✔️ خفيف وسهل الهضم

🍽️ أفكار مميزة:
🐟 سمك مشوي + سلطة + ليمون 🌿
🐟 سمك بالفرن مع خضار مشوية🍅🥦
🐟 سلطة تونة منعشة مع الذرة والخضار 🥗
🐟 ساندويش سمك صحي بخبز الحبوب الكاملة 🌯

💡 نصيحة ذهبية:
سر الطعم والصحة معًا:
✨ التتبيلة البسيطة (ليمون + زيت زيتون + ثوم وما مننسى الكزبرة اليابسة)
✨ الشوي أو الفرن بدل القلي

❓ احكولنا:
كيف بتحبوا السمك؟ 😍👇🏻
وحدا منكن بيعرف ليش مناكل سمك بهاليوم❗خبرونا بالتعليقات✌🏻
طبعا انتظروني بالبوست الثامن لنحكي عن حلويات صيامية صحية✌🏻
وكل عيد بشارة وانتو بألف خير

Dt.Waed🍓

حاد بشابو بريخو..†
احد مبارك للجميع..†💚
بوستنا اليوم من 🍓✌🏻 بيحكي عن..
صيامي_خفيف_وصحي🥗
لأن العشاء لازم يكون خفيف، مغذي، وما يسبب ثقل قبل النوم 💚
رح نحكي عن بعض الافكار لعشاء متوازن وصحي🫣
🍲 الفكرة الأولى
شوربة خضار + خبز محمص
✔️ خفيفة وسهلة الهضم
✔️ غنية بالفيتامينات

🌯 الفكرة الثانية
ساندويش حمص + خضار (بخبز قمح كامل)
✔️ سريع ومشبع
✔️ غني بالبروتين النباتي

🥔 الفكرة الثالثة
بطاطا مشوية + سلطة طحينية
✔️ طاقة خفيفة
✔️ دهون صحية مشبعة

🥗 الفكرة الرابعة
تبولة + عدس مسلوق
✔️ مزيج رائع من الألياف والبروتين
✔️ خفيف ومغذي

🥣 الفكرة الخامسة
شوفان مالح مع خضار
✔️ فكرة جديدة ومفيدة
✔️ خفيف قبل النوم

💡 نصيحة:
كل ما كان عشاءك أخف… نومك كان أريح 😴💚

❓ خبروني:
شو أكثر وجبة ممكن تجربوها اليوم؟ 😍👇🏻
وانتظروني بالبوست الثامن لنحكي عن حلويات صيامية صحية🥰👩‍⚕️
Dt.Waed🍓

مسا الخيرات يا حلوين 🍓✨
بوستنا اليوم من †
متأخر شوي… بس اكيد بيستاهل😉
اليوم رح نحكي عن…!
وجبة الفطور الصيامي الصحي
لأن الفطور هو البداية الصح لنهارنا 💚
ومن خلاله منقدر نعطي جسمنا الطاقة والنشاط اللي بيحتاجهم خلال الصيام 🌿
تابعوا معنا 👇🏻
🥣✨
🥣 الفكرة الأولى
فول بزيت الزيتون + خضار طازجة + خبز قمح كامل
✔️ غني بالبروتين النباتي
✔️ يمنح شعوراً بالشبع لفترة أطول
🥑 الفكرة الثانية
حمص بالطحينية + شرائح خيار وبندورة + خبز أسمر
✔️ مصدر جيد للبروتين والدهون الصحية
🍓 الفكرة الثالثة
شوفان بالحليب النباتي + فواكه طازجة + مكسرات
✔️ غني بالألياف ويعطي طاقة للجسم
🥗 الفكرة الرابعة
سلطة خضار مع أفوكادو + خبز حبوب كاملة
✔️ وجبة خفيفة وغنية بالفيتامينات
💡 نصيحة:
حاول أن يحتوي الفطور على:
🌱 بروتين نباتي
🍞 كربوهيدرات معقدة
🥗 خضار أو فواكه
🥜 دهون صحية
بهذا الشكل نبدأ يومنا خلال الصيام بطاقة ونشاط 💚
❓ احكولي بالتعليقات:
شو فطوركم المفضل بالصيام؟ 😍👇🏻
وانتظروني بالبوست السابع من رحلة الصيام الصحي لننشوف شو رح ناكل عالعشا بدون ما نحتار كل يوم 🤭🌙
أفكار خفيفة، صحية، وبتشهي 😍🥗
Dt. Waed🍓

صباحكن حلو
حاد بشابو بريخو..†💚
أحد مبارك للجميع..†
اليوم مكلمين بالبوست الخامس من 🍓✌🏻
بوستنا بيحكي عن

خلال فترات الصيام قد يعتقد البعض أن أي طعام خالٍ من المنتجات الحيوانية هو طعام صحي، لكن في الحقيقة هناك بعض الأخطاء الغذائية التي قد تؤثر على الطاقة والصحة.
❌ 1. الاعتماد على النشويات فقط
مثل تناول الخبز أو الأرز بكميات كبيرة دون وجود بروتين نباتي أو خضار.
❌ 2. قلة تناول البروتين النباتي
الجسم يحتاج مصادر بروتين مثل العدس، الحمص، الفاصوليا، والفول.
❌ 3. الإكثار من المقالي
الأطعمة المقلية قد تسبب ثقل وخمول خلال اليوم.
❌ 4. إهمال الخضار والفواكه
وهي مصدر مهم للفيتامينات والمعادن والألياف.
❌ 5. قلة شرب الماء
الماء ضروري للحفاظ على نشاط الجسم خلال الصيام.
✅ النصيحة الذهبية:
اجعل طبقك الصيامي يحتوي على:
🌱 بروتين نباتي
🥗 خضار متنوعة
🍚 كربوهيدرات معقدة
🫒 دهون صحية
بهذا الشكل يكون الصيام فرصة لتحسين العادات الغذائية وليس فقط الامتناع عن نوع معين من الطعام 💚
انتظروني بالبوست السادس لنتحدث عن افكار فطور صيامي صحي 👩‍⚕️🌿

Dt.Waed🍓