Ghen

អ៊ីរ៉ង់បានស្នើផែនការ បើកច្រកសមុទ្រ Hormuz ឡើងវិញក្នុងរយៈពេល ៧ថ្ងៃ ហើយបន្តការចរចាអំពីកម្មវិធីនុយក្លេអ៊ែរ។
ប៉ុន្តែ ប្រធានាធិបតី Donald Trump បានបដិសេធសំណើនេះ ដោយនិយាយថា លក្ខខណ្ឌដែលអ៊ីរ៉ង់ដាក់មិនអាចទទួលយកបាន។

លក្ខខណ្ឌរបស់អ៊ីរ៉ង់រួមមាន ការឱ្យអាមេរិក បញ្ឈប់ការបិទផ្លូវសមុទ្រទៅកាន់កំពង់ផែអ៊ីរ៉ង់ បន្ធូរទណ្ឌកម្មលើការលក់ប្រេង និងមានបទឈប់បាញ់ដែលរួមបញ្ចូលលីបង់

មានការបំផ្ទុះគ្រាប់បែកអត្តឃាតនៅប៉ុស្តិ៍ត្រួតពិនិត្យមួយ ក្នុងស្រុក Dera Ismail Khan ភាគពាយ័ព្យប្រទេសប៉ាគីស្ថាន បានបណ្តាលឱ្យមនុស្សយ៉ាងហោចណាស់ 12 នាក់ស្លាប់ និងប្រហែល 35 នាក់រងរបួស។
ការវាយប្រហារបានកើតឡើងនៅពេលរថយន្តផ្ទុកគ្រឿងផ្ទុះ ត្រូវបានបើកបុកចូលប៉ុស្តិ៍ត្រួតពិនិត្យរបស់ប៉ូលិស។
អ្វីដែលធ្វើឱ្យហេតុការណ៍នេះកាន់តែធ្ងន់ធ្ងរ គឺបន្ទាប់ពីការផ្ទុះ ខ្មាន់កាំភ្លើងបានបើកការបាញ់ប្រហារទៅលើ រថយន្តសង្គ្រោះបន្ទាន់ ដែលកំពុងដឹកអ្នករងរបួសទៅមន្ទីរពេទ្យ។ តាមមន្ត្រីសង្គ្រោះ មានបុគ្គលិកសង្គ្រោះម្នាក់ស្លាប់ និងពីរនាក់ទៀតរងរបួស។
ក្នុងចំណោមអ្នកស្លាប់ពីការផ្ទុះ មានស្ត្រីពីរនាក់ និងកុមារម្នាក់។

ប្រធានាធិបតីអ៊ុយក្រែន លោក Volodymyr Zelenskyy បាននិយាយថា លោកបានស្នើឱ្យប្រធានាធិបតីអាមេរិក Donald Trump ជំរុញប្រទេសចិន ឱ្យប្រើឥទ្ធិពលរបស់ខ្លួនលើរុស្ស៊ី ដើម្បីជួយជំរុញការចរចា និងបញ្ចប់សង្គ្រាម។
លោកZelenskyy បាននិយាយថា លោកមិនទាន់ទទួលបានព័ត៌មានលម្អិតពីសេតវិមាន អំពីលទ្ធផលនៃការពិភាក្សារវាង Trump និងប្រធានាធិបតីចិន Xi Jinping នៅឡើយទេ។
ជាមួយគ្នានេះ អាមេរិកកំពុងជំរុញឱ្យមានការចរចា ៣ ភាគី រវាងអាមេរិក អ៊ុយក្រែន និងរុស្ស៊ី នៅកម្រិតមន្ត្រីជំនាញ ដោយអាចធ្វើឡើងនៅប្រទេសអេមីរ៉ាតអារ៉ាប់រួម។
ទោះបីមានការខិតខំផ្នែកការទូតក៏ដោយ ការវាយប្រហារតាមអាកាសរវាងរុស្ស៊ី និងអ៊ុយក្រែននៅតែបន្ត ហើយការចរចាដើម្បីបញ្ចប់សង្គ្រាមនៅតែមិនទាន់មានការរីកចម្រើនច្បាស់លាស់។

ដោយសារការរាំងខ្ទប់ការដឹកជញ្ជូនតាមសមុទ្រ អ៊ីរ៉ង់កំពុងព្យាយាមបង្វែរការនាំចូលទំនិញមកប្រើ ផ្លូវគោកតាមតួកគី និងប៉ាគីស្ថាន។
ប៉ុន្តែការបង្វែរទំនិញមកផ្លូវគោកបានធ្វើឱ្យព្រំដែនមានសម្ពាធខ្លាំង។ ចំនួនរថយន្តនៅចំណុចនេះ ត្រូវបានមន្ត្រីអ៊ីរ៉ង់និយាយថា កើនពីប្រហែល 200 គ្រឿងទៅ 1,200 គ្រឿង។

អ្នកបើកបរខ្លះត្រូវរង់ចាំ ច្រើនថ្ងៃ ហើយការរង់ចាំនៅផ្នែកខ្លះនៃព្រំដែនអ៊ីរ៉ង់អាចឈានដល់ 12–25 ថ្ងៃ។

ផលប៉ះពាល់គឺថ្លៃដឹកជញ្ជូន និងការចំណាយរបស់អ្នកបើកបរកើនឡើង ខណៈសេដ្ឋកិច្ចអ៊ីរ៉ង់កំពុងប្រឈមសម្ពាធខ្លាំង។

រុស្ស៊ីវាយប្រហារទីក្រុង Kyiv ប្រទេសអ៊ុយក្រែន ដោយដ្រូន នៅថ្ងៃពុធ ទី 23 កញ្ញា 2026 ខណៈលោក Volodymyr Zelenskyy កំពុងស្ថិតនៅទីក្រុង New York ដើម្បីចូលរួមមហាសន្និបាតអង្គការសហប្រជាជាតិ។ ការវាយប្រហារនៅ Kyiv បានបណ្តាលឱ្យមនុស្ស 2 នាក់ស្លាប់ និង 41 នាក់រងរបួស។

នៅថ្ងៃទី 22 ខែកញ្ញា ប្រធានាធិបតីអ៊ុយក្រែន Volodymyr Zelenskyy បានមកដល់ទីក្រុង New York ដើម្បីចូលរួមមហាសន្និបាតអង្គការសហប្រជាជាតិ និងជួបប្រធានាធិបតីអាមេរិក Donald Trump។
តាមសារព័ត៌មានអន្តរជាតិលោកZelenskyy ចង់ជំរុញឱ្យមានការបញ្ឈប់ការវាយប្រហារលើហេដ្ឋារចនាសម្ព័ន្ធថាមពល ក៏នឹងស្នើសុំការគាំទ្របន្ថែម ជាពិសេសប្រព័ន្ធការពារអាកាស Patriotផងដែរ។

អ៊ុយក្រែនបានធ្វើការវាយប្រហារតាមអាកាសទ្រង់ទ្រាយធំ ដោយប្រើដ្រូនជាង 1,000 គ្រឿង ចូលជ្រៅក្នុងទឹកដីរុស្ស៊ី រួមទាំងតំបន់ម៉ូស្គូ និងគោលដៅថាមពល ខណៈរុស្ស៊ីអះអាងថាបានស្ទាក់បំផ្លាញដ្រូនជាច្រើន។
អភិបាលក្រុងម៉ូស្គូបានហៅវាថា ជា ការវាយប្រហារដោយដ្រូនធំបំផុតមិនធ្លាប់មានលើម៉ូស្គូ ការវាយប្រហារនេះកើតឡើងចំ ថ្ងៃចុងក្រោយនៃការបោះឆ្នោតសភារុស្ស៊ី។

អារ៉ាប៊ីសាអូឌីតនិយាយថា ក្រុម Houthi នៅយេម៉ែន បានបាញ់មីស៊ីលបាលីស្ទិកមួយគ្រាប់ ឆ្ពោះទៅកាន់រដ្ឋធានី Riyadh។ប្រព័ន្ធការពារអាកាសអារ៉ាប៊ីសាអូឌីតបានស្ទាក់ និងបំផ្លាញមីស៊ីលនោះ មុនពេលវាអាចបង្កការខូចខាតនៅក្នុងទីក្រុង។
ប្រជាជននៅ Riyadh បានរាយការណ៍ថា បានឮសំឡេងផ្ទុះ ហើយក្រោយមកមានផ្សែងខ្មៅត្រូវបានគេឃើញនៅក្បែរអាកាសយានដ្ឋាន King Khalid International Airport។ អាជ្ញាធរបាននិយាយថា មិនមានអ្នកស្លាប់ ឬការខូចខាតត្រូវបានរាយការណ៍ភ្លាមៗទេ។

ប្រធានាធិបតីអាមេរិក Donald Trump គ្រោងទៅទទួលប្រធានាធិបតីចិន Xi Jinping ដោយផ្ទាល់ នៅមូលដ្ឋានទ័ពអាកាស Joint Base Andrews ជិតទីក្រុងវ៉ាស៊ីនតោន នៅថ្ងៃទី 23 ខែកញ្ញា។
ការទទួល Xi ដោយផ្ទាល់នៅអាកាសយានដ្ឋាន គឺជាពិធីការដ៏កម្រមួយ សម្រាប់ប្រធានាធិបតីអាមេរិក។
នៅថ្ងៃទី 24 ខែកញ្ញា Trump និង Xi នឹងជួបពិភាក្សាទ្វេភាគីនៅសេតវិមាន ដោយប្រធានបទសំខាន់ៗរួមមាន ពាណិជ្ជកម្ម ពន្ធលើទំនិញ រ៉ែកម្រសំខាន់ៗ និងបញ្ញាសិប្បនិម្មិត ឬ AI។
កិច្ចជំនួបនេះត្រូវបានគេចាប់អារម្មណ៍ខ្លាំង ព្រោះវាអាចប៉ះពាល់ដល់ទំនាក់ទំនងសេដ្ឋកិច្ច និងបច្ចេកវិទ្យារវាងអាមេរិក និងចិន។