Hendrick Chea

ត្រៀមប្រលងក្រចកជាភាសាខ្មែរ 💪🏻💪🏻

ចេញមួយទៀតហើយ សិស្សទិញភ្លាម ចូលរៀនភ្លាម ប្រញាប់យក License ☺️☺️

😔ប្រលងក្រចកជាភាសាខ្មែរនៅKY តែចេះធ្លាក់រហូត?😞 នេះមកពីបងប្អូនមិនយល់មេរៀន និងមិនមាន​ឯកសារខ្មែរមើល។
🥰អស់កង្វល់ទៀតហើយ , បងប្អូនអាចទិញសំនួរចម្លើយនិងមេរៀនសម្រាយពន្យល់ជាភាសាខ្មែរបាន ដែលចងក្រងដោយខ្ញុំជាគ្រូក្រចកជនជាតិខ្មែរស្រាប់ ។ សូម inbox សម្រាប់ការកម្មង់ទិញ 😍

ដោយសារថ្ងៃនេះជាថ្ងៃប្រលងបាក់ឌុប ខ្ញុំចង់ចែករំលែកបទពិសោធន៍ជីវិតខ្លះៗទៅកាន់ប្អូនៗទី១២។ ពេលវេលាពិតជាដើរលឿនណាស់ តែមួយរំពេចសោះ ឆ្នាំនេះ ជាគំរបខួប៩ឆ្នាំនៃការប្រលងបាក់ឌុបរបស់ខ្ញុំបាទ។ នឹកដល់កាលនោះ ម៉ាក់ប៉ាផ្គត់ផ្គង់គ្រប់យ៉ាងដើម្បីឱ្យខ្ញុំរៀនបានគ្រូល្អសាលាល្អ មិនថាត្រូវរៀនគួរពិសេសប៉ុន្មានថ្នាក់ទេ គាត់តែងតែទំនុកបម្រុងជានិច្ច ទោះបីគ្រួសារខ្ញុំមិនសូវមានដូចគេក្ដី។ រីឯខ្ញុំក៏មិនសូវដែលបានគិតពីរឿងរកលុយប៉ុន្មាននោះដែរ ដឹងតែពីរៀនដើម្បីបំពេញក្ដីសុបិន្ដខ្លួនឯងផង និងបំពេញកិត្តិយសគ្រួសារផង។ ការព្យាយាមនេះមិនធ្វើឱ្យខ្ញុំខកបំណងឡើយ ចុងក្រោយខ្ញុំទទួលបានលទ្ធផលដ៏ជាទីគាប់ចិត្ត។
ក្រោយចប់ទី១២ ក៏ខ្ញុំបន្ដការរៀនសូត្រនៅIFL ហើយធ្វើការបន្ដិចបន្ដួចគ្រាន់បានបទពិសោធន៍ ប៉ុន្ដែម៉ាក់ប៉ានៅតែផ្គត់ផ្គង់ការរស់នៅរបស់ខ្ញុំដដែល ហើយខ្ញុំក៏មិនសូវបារម្ភឡើយអំពីការរកចំណូល។ អនាគតមិនអាចព្យាករណ៍បានឡើយ ដោយនៅឆ្នាំ២០២២ ខ្ញុំក៏មានឱកាសមករស់នៅសហរដ្ឋអាមេរិក។ នេះជាចំណុចរបត់ដ៏ធំមួយក្នុងជីវិតខ្ញុំ ហើយចំណុចរបត់នេះដែរដែលធ្វើឱ្យខ្ញុំចាប់ផ្ដើមចេះគិត ខ្វល់ខ្វាយអំពីការរកចំណូលដើម្បីផ្គត់ផ្គង់ខ្លួនឯង។ តើខ្ញុំត្រូវរកប្រភពចំណូលដោយរបៀបណា ដើម្បីបង់ថ្លៃទឹកភ្លើង ផ្ទះ និងរៀបចំផែនការណ៍អនាគតនៅស្រុកគេនេះ ព្រោះវាមិនអាចទៅរួចឡើយក្នុងការយកចំណូលពីស្រុកខ្មែរមកចាយវាយនៅអាមេរិក។ ការចំណាយនៅអាមេរិកច្រើន ហើយម៉ាក់ប៉ាខ្ញុំក៏មិនមែនឧកញ៉ាមានលុយច្រើននោះដែរ។ ដោយសារមានការណែនាំពីបងប្អូន ខ្ញុំក៏ក្លាយជាជាងក្រចកនៅអាមេរិកនេះ ក្រោយមកទៀត ខ្ញុំក៏បាននឹងកំពុងឈានជើងចូលក្នុងវិស័យសំណង់ធ្វើផ្ទះផងដែរ ដែលជាការងារធ្ងន់និងហត់ខ្លាំង ខណៈពេលដែលមិត្តភក្ដិរួមជំនាន់ខ្ញុំជាច្រើនដែលរៀនពូកែៗបានក្លាយជាមន្រ្ដីរាជការ និងស្លៀកពាក់ស្អាតបាតក្នុងវិស័យឯកជនជាដើម។ និយាយតាមត្រង់ទៅ បើនឹកដល់អតីតកាលនៃខ្ញុំ ក្នុងនាមជាសិស្សនិទ្ទេសA ខ្ញុំមិនដែលគិតថាត្រូវមកធ្វើជាជាងក្រចក និងជាជាងសំណង់ប្រើកម្លាំងពលកម្មបែបនេះទេ ហើយក៏មិនដែលគិតថាត្រូវមករស់នៅសហរដ្ឋអាមេរិកដែរ។
ត្រង់នេះ ខ្ញុំគ្រាន់តែចង់ប្រាប់ប្អូនៗទី១២ថា៖
+ ទោះការប្រលងបាក់ឌុបនេះ ប្អូនៗទទួលបានលទ្ធផលបែបណាក៏ដោយ បើល្អ សូមកុំមានអំនួត ហើយបើមិនល្អ ក៏កុំខកចិត្ត ព្រោះនេះគ្រាន់តែជាការចាប់ផ្ដើមនេះមាគ៌ាជីវិតពិតតែប៉ុណ្ណោះ
+ ទីចុងបញ្ចប់ទៅ ទោះនិទ្ទេសអ្វីក៏ដោយ ការរកប្រភពចំណូលគឺជាកត្តាសំខាន់មួយសម្រាប់មនុស្សគ្រប់រូបក្នុងសង្គម
+ កុំរើសអើងការងារ និងចេះមានភាពអត់ធន់ ព្រោះយើងមិនដឹងឡើយថានឹងមានរឿងអ្វីកើតឡើងនៅថ្ងៃស្អែក
+ ពេលខ្លះបើសិនឱកាសរកលុយនៅនឹងមុខហើយ ចាប់យកសិនទៅ កុំរើសច្រើនពេក មិនមែនគ្រប់ពេលចេះតែមានជម្រើសឱ្យយើងរើសរហូតនោះទេ
+​ ត្រូវចេះរៀនគ្រប់គ្រងហិរញ្ញវត្ថុ គ្រប់គ្រងលុយកាក់ ចំណាយចំណូលឱ្យបានត្រឹមត្រូវ
+​ ចាប់ផ្ដើមត្រូវចេះគិតឱ្យហើយអំពីផែនការណ៍ជីវិតទៅថ្ងៃមុខ នាពេលដែលមិនមានការផ្គត់ផ្គង់ពីគ្រួសារម៉ាក់ប៉ា
+ ទោះបីជាជីវិតប្អូនៗទៅថ្ងៃមុខទៅជាបែបណា សូមកុំភ្លេចតម្លៃនៃការសិក្សាឱ្យសោះ ដូចសុភាសិតចិនមួយពោលថា «រស់ដល់ចាស់ រៀនដល់ចាស់»

សំណេរមួយនេះ អាចប្រហែលជាធ្វើឱ្យអ្នកមួយចំនួនគិតថា ខំប្រឹងរៀនយកនិទ្ទេសល្អធ្វើអី មើលខ្ញុំជាឧទាហរណ៍ ចុងក្រោយបានត្រឹមធ្វើជាជាងក្រចក និងកម្មករសំណង់។​ ប៉ុន្ដែខ្ញុំអាចនិយាយបានថា ដោយសារការខំប្រឹងរៀននេះហើយ ទើបធ្វើឱ្យខ្ញុំអាចឆាប់យល់​ និងឆាប់ចាប់បានជំនាញវិជ្ជាជីវៈថ្មីៗក្នុងរយៈពេលខ្លី។ ការប្រឹងរៀនភាសាអង់គ្លេសក៏សំខាន់ខ្លាំងណាស់ដែរ។ ខ្ញុំមិនដែលរៀនក្រចកពីស្រុកខ្មែរមកទេ តែក្រោយពីធ្វើក្រចកនៅទីនេះបានប្រហែល៣ឆ្នាំ ខ្ញុំអាចនិយាយបានថាគុណភាពក្រចកខ្ញុំប្រហែលជាមិនល្អលើសគេទេ តែក៏ចូលលំដាប់ដែរ។ នៅឆ្នាំ២០២៥ ខ្ញុំក៏ក្លាយជាគ្រូក្រចកដែលមានអាជ្ញាប័ណ្ណនៅអាមេរិក បានជួយខ្មែរៗយើងមួយចំនួនដែលមិនដែលប្រលងក្រចកធ្លាក់ច្រើនដងឱ្យប្រលងជាប់។ អ្វីក៏ដោយ ត្រូវមានការព្យាយាម ពាក្យចាស់ពោលថា «បើចេះពិតប្រាកដ ប្រាក់រត់តាមហៅ»។ ចំណេះដឹងដែលខ្ញុំទទួលបានពីការសិក្សានៅកម្រិតវិទ្យាល័យបានផ្ដល់នូវមូលដ្ឋានគ្រឹះ និងចំណេះដឹងទូទៅដ៏សំខាន់ក្នុងជីវិតខ្ញុំមកទល់សព្វថ្ងៃ។ ប្រហែលជាអ្នកខ្លះគិតថា កាលរៀននៅវិទ្យាល័យគឺរៀនពីរូប គីមី ជីវៈ ភូមិ ផែនដីអីគឺមិនទាក់ទង និងមិនដែលយកមកប្រើក្នុងជីវិតផង។ ការគិតបែបនេះគឺ ខុសទាំងស្រុង។ បើសិនប្អូនៗចេះមុខវិជ្ជាទាំងនោះច្បាស់ ដល់ពេលប្អូនៗឈានចូលចូលសង្គម ប្អូនៗនឹងទាញអាចយកចំណេះដឹងមូលដ្ឋានទាំងនោះមកប្រៀបធៀប និងអនុវត្តក្នុងជីវិតជាមិនខាន ញ៉ាំងឱ្យយើងអាចឆាប់យល់អំពីរឿងអ្វីមួយលឿនខ្លាំងជាងអ្នកដែលមិនបានយកចិត្តទុកដាក់រៀនកាលពីវិទ្យាល័យ។ ប្អូនៗត្រូវយល់ថាកម្រិតវប្បធម៌ទី១២គឺមិនមែនជាការសិក្សាជំនាញទេ គឺជា«ចំណេះដឹងទូទៅ» ដូចដែលក្រសួងបានដាក់ឈ្មោះថា «មធ្យមសិក្សាចំណេះទូទៅទុទិយភូមិ»។ ពាក្យថា«ចំណេះទូទៅ» នេះ គឺជាចំណេះទូទៅដែលប្អូនៗអាចយកមកប្រើជាមូលដ្ឋានបាននៅក្នុងសង្គមនាថ្ងៃមុខ ប្រសិនបើប្អូនយកចិត្តទុកដាក់សិក្សាបានល្អ។

សរុបសេចក្ដីមក​ សូមកុំគិតថាលទ្ធផលនៃការប្រលងបាក់ឌុបនេះគឺជាលទ្ធផលដែលកមកកំណត់ជីវិតយើង។ «ខ្លួនទីពឹងខ្លួនផ្នែកហិរញ្ញវត្ថុ» ប្រហែលជាចំណុចដ៏សំខាន់ដែលប្អូនៗគួរចាប់ផ្ដើមគិតបណ្ដើរៗ។ ការដាក់ខ្លួន មិនរើសអើងការងារ និងការអត់ធន់ គួរតែមាននៅក្នុងចិត្តជានិច្ចដើម្បីត្រៀមខ្លួនរួចរាល់ក្នុងការប្រឈមមុខជាមួយកាលៈទេសៈដែលមិនជាទីគាប់ចិត្ត។
#ប្រលងបាក់ឌុប #សិស្សនិទ្ទេសA

🥳 សូមអបអរសាទរកូនសិស្សKentucky ដែលបានចូលរៀនវគ្គត្រៀមប្រលងទ្រឹស្ដីក្រចកជាភាសាខ្មែរ !!! ជាប់ជាស្ថាពរ !!! ព្យាយាមគង់បានសម្រេច​!!!
#រៀនទ្រឹស្ដីប្រលងក្រចកនៅអាមេរិក #ប្រលងក្រចកនៅអាមេរិក #ខ្មែរkentucky